Lukë 2:9 - Kuö Dëdrä Jenɛɛsë Rutë

⁹ 'Pläkänyɔɔa 'aanjë nya 'tɔrɔ 'üün 'klɩ; 'Pläkänyɔɔa 'napɛ nya ŋʋala 'üün ‑gälɩ. Ŋalɛ nya 'bla 'üün ‑gböösa.

Lukë 2:9 Referans Kwoze

2 Korɛɛntënyüü 3:18

Ana 'fɩɔa 'kʋɩa 'nyɩ ‑sisie ‑a ‑sisie, ‑bɛ a 'jäjrä 'Pläkänyɔɔa 'wliklɩbʋabʋakʋ ‑beere ‑titre 'lɩ. 'Cicri a 'cicri 'plɔʋplɔʋ, amä 'Pläkänyɔɔa 'sa bä; a sɔ 'wliklɩbʋalakʋ 'lɩ ‑bɛ a 'jrara 'wliklɩbʋabʋakʋ 'lɩ. 'Pläkänyɔɔlɔ bäa' ‑Susu, 'ɔa 'jrʋpa bäsaa.

'Nyügälɩjawii 18:1

'I ‑sia' nɩ, 'nyaa 'jä 'aanjë ‑moloo, 'ɔ 'cie cɛa 'mlɩ. 'Ɔa 'kamakʋ 'bʋa, 'ɔa 'wliklɩbʋabʋakʋ nya ŋʋala ‑tʋtʋ ‑gälɩ.

Akëtë 27:23

'be Nyɔsʋalɔ käa' 'mɩ ɔ kä 'jrʋpa 'n ‑fɛɛɛa' nɩ, 'ɔa 'aanjë jijrö 'mɩ ‑gba ‑taa ‑gbiaralä.

Akëtë 5:19

‑Maa ‑gbiara nɩ, 'Pläkänyɔɔa 'aanjë nya 'sa ‑jienyukua tatia. 'Ɔ 'ciea' 'üün nɩ, 'ɔnya ‑gbala 'üün ‑maa:

Jaan 12:41

Esaii nö käa' 'saa 'ɔ 'paaa' wii nɩ, Jesua 'wliklɩ 'bʋabʋakʋ 'ɔ 'jä, 'aiɛ 'ɔ 'pa 'ɔa ‑gä.

Lukë 24:4

'Ünyɩa' wiili ‑sröa' 'lɩa 'mlɩ 'wli 'nu nɩ, ‑jää 'üün nyüü 'sɔɔ 'tɔrɔklɩ. 'Kotili 'ü paa' 'lɩ plö.

'Nyügälɩjawii 20:11

'Pɩrɩgälɩ nɩ, 'nyaa 'järä 'pɔlɔ 'kɩɩkpata kpakö ‑gälɩ nyɔɔ 'doo. ‑Tʋtʋ nyra cɛ nya fɔlɔ 'ɔɔn 'klɩ; 'ü ‑kanyɩ 'järä ‑a 'järä.

Ebröönyüü 12:21

Dɛɛlɛ 'ü 'jä käa', 'ɛa ŋalɛwʋkäkäkʋa ‑gʋ, Moisëa 'mʋgbɛ ‑nëma kä: «Ŋalɛ 'bla 'mɩ 'bla, 'na fugbaa 'fɩɔ nya tɩtrɛ!»

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

2 Korɛɛntënyüü 4:6

'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.

Akëtë 12:7

'Pläkänyɔɔa 'aanjë nya 'tɔrɔ 'ɔɔn 'klɩ, 'napɛ nya ŋʋala ‑jienyüköli. 'Aanjë nya tɛrɛ Piɛɛrë 'kä: «Sɔwʋ 'sosowʋ!» 'Ɔa 'daria 'lɩa 'cɩ nya blö ‑tʋtʋ ‑gälɩ.

Lukë 1:28

'Aanjë nya jijrö 'ɔɔn ‑gba, 'ɔnya ‑gbala 'ɔɔn: «‑Ayoo, ‑mɔ Nyɔsʋaa ‑gbinanakʋ jräa', 'Pläkänyɔɔ bä ‑mɩ dɛrɩ. ‑Mɔ 'papanɩ jrä 'ŋlëgëa ‑tɔrʋpɩɔ.»

Matiö 1:20

'Ɔ ‑ka bobo 'iin ‑bɛ 'Pläkänyɔɔa 'aanjë 'tɔrɔ 'ɔɔn 'klɩ sanyü 'lɩ, 'ɔnya ‑gbala 'ɔɔn: «Josɛɛfë, Daviidëa 'jʋ, ŋalɛ 'nyɩ 'bla ‑mɩ ‑mä Marii kä, 'Nyüna ‑Susua 'klü nʋ 'iin 'ɔnya bä nʋgbla 'lɩ.

Lukë 2:8

‑Bablëëgbanyɛrɛnyüü bä ɩ bätäläa ‑gba; 'üa mlaa 'ü ‑glaara ‑gba ‑gbiara.