Lukë 2:14 - Kuö Dëdrä Jenɛɛsë Rutë

¹⁴ «Abɩa Nyɔsʋa 'bʋawliklɩ cɛɩɩa 'mlɩ, abɩa 'ɔa plɛgälɩflɛrɛkʋ nyra 'ɔa ‑gbinanakʋ ‑nyrɛrɛ nyüülü bäa' ‑tʋtʋ ‑gälɩ.»

Lukë 2:14 Referans Kwoze

Rɔmënyüü 5:1

'I 'na, ‑bɛ Nyɔsʋa 'daaa' ‑maa a bä 'klɩgänyüü ana nyɔsʋaplɛtorokʋa ‑gʋ nɩ, 'i känyrɩ 'wlinönrökʋ bä a nyra Nyɔsʋa kɔsɔa ‑tɔrʋpɩɔ ana 'Pläkänyɔɔ Jesu 'Kriisëa 'nyrɩklɩa ‑gʋ.

Lukë 19:38

‑Bɛ 'ü nö: «‑Jɔrʋ pala 'kɩɩlɔ jröröa' 'Pläkänyɔɔa 'nyrɩklɩ ‑gälɩ! Abɩa 'wlinönrökʋ bä cɛlɩ, 'kä 'Pläkänyɔɔa 'nyrɩ 'bʋala cɛɩɩa 'mlɩ ‑gböösa !»

Kolɔɔsënyüü 1:20

'Ɔnya ‑srörö 'ɔɔn kälɩ 'ɔmä 'ɔɔ ‑bɛ wiia 'fɩɔ 'wlinönrö. 'Ɔa 'Jʋa ‑torulu ‑gblɔɔa' 'kä krʋa ‑gälɩ 'ɔ ‑srörö kälɩ 'ɔnya ja 'üa ‑tɔrʋpɩɔ 'wlinönrökʋ, 'ɔɔ ‑bɛ diili kä 'fɩɔ bäa' cɛa 'mlɩ nyra ibäa' ‑tʋtʋ ‑gälɩ.

Lukë 1:79

'ɛmä ü kä 'fɩɔ kʋa' 'jöjrüükpü nyra jäjäa pɩpɛ 'lɩ ‑gälɩ ŋʋala, 'ɛmä ana 'nyɛnyɛbei 'wlinönrö 'nyʋfɔ 'wʋ fala.»

'Nyügälɩjawii 5:13

'Nyaa 'nu diili kä 'fɩɔ Nyɔsʋa nʋa' 'wli, ibäa' cɛa 'mlɩ, ‑tʋtʋ ‑gälɩ, ‑tʋtʋa 'mlɩ, 'tanie ‑gälɩ, nyra diili kä 'fɩɔ bäa' 'pläa 'fɩɔa 'mlɩ; 'n 'nu 'iin 'wli ‑bɛ 'i nö: «Abɩa nyɔɔlɔ kʋa' 'kɩɩkpata ‑gälɩ nyra ‑Bablëëjʋ, 'pala 'nɩ, ü 'jrara, ü 'bʋala, 'kä 'ü 'jää 'klü 'plɔʋplɔʋ!»

Akëtë 10:36

'Ɔ ja Israɛɛlëa 'jü 'ɔa 'papawii; 'ɔnya 'saralɩ 'üün 'Mʋfagogolä bäa' plɛgälɩflɛrɛkʋlʋ sɔa' Jesu 'Kriisë kälɩ; 'ɔɔlɔ bäa' 'Pläkänyɔɔlɔ 'kamaa' nyüüa 'fɩɔ.

Jaan 17:4

'N 'bʋala ‑mɩ ‑tʋtʋ ‑gälɩ, 'nyaa 'wlara 'jrʋpalä ‑nyɩa' 'mɩ.

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

Filipënyüü 2:11

'kä 'papawiia 'fɩɔ nya 'daa, Jesu 'Kriisë bä 'Pläkänyɔɔ, ‑bɛ Nyɔsʋa bäa' Tʋ 'mä 'bʋala.

Lukë 3:22

'Nyüna ‑Susu nya 'cere 'ɔɔn ‑gälɩ ‑beere ‑sögö. Mlɩa wii nya ja cɛa mlɩ: «‑Mɔ bä 'na plɛ ‑gälɩa 'Jʋ, ‑mɔ bä 'na dɔrʋ ‑gböösa.»

Matiö 21:9

Nyüülü 'nyɛrɛa' 'ɔa 'klɩ nyra ‑mülü bäa' 'ɔa dɛrɩ 'kpöö ‑bɛ 'ü nö: «Osana , Daviidëa 'Jʋ! ‑Jɔrʋ pala nyɔɔlɔ jröröa' 'Pläkänyɔɔa 'nyrɩklɩ! Osana, a 'bʋala Nyɔsʋalɔ bäa' cɛlɩ !»

Ɛfɛsënyüü 1:9

'Ɔ srara amɩ dɛɛlɛ ‑sisie ɩa' ɛ 'ɔmä ɩa' nʋ; dɛɛlɛ nɩ, 'ɔ 'a kä 'nyie 'ɔa ‑gbinanakʋ 'lɩ 'ɔmä 'ɛɛn nʋ 'Kriisë 'lɩ.

Ɛfɛsënyüü 1:6

'Ɔ nʋ 'imɩ amä 'ɔɔn 'lɩbrɛrɛ 'ɔa ‑gbinanakʋa 'wlibʋabʋakʋa ‑gʋ, u 'ɔ ‑sröröa' 'ɔa ‑wawajʋ kälɩ ‑bɛ 'ɔ ‑nyɩa' amɩ.

Filipënyüü 2:13

'be Nyɔsʋa ‑nyɛɛ 'amɩ 'nyienyiekʋa 'klü nyra 'ia nʋnʋkʋa 'klü amä wiili käa' 'ɔɔn 'tʋ nʋ.

Ɛfɛsënyüü 2:7

'Ɔ nʋa' 'imɩ nɩ, 'ɔmä ‑sraakäpɩa nyüü 'ɔa ‑gbinanakʋlʋ 'ɔnyɩ nyakaa' srara, 'a ‑gbinanakʋlʋ 'ɔ srörö 'Kriisë Jesu kälɩ 'ɔ srara amɩ.

Ɛfɛsënyüü 2:4

‑Maa ana nyatɛrɩ 'si Nyɔsʋa 'klɩ, 'ɔnya ‑wa amɩ ‑gböösa,

Jaan 14:27

'N tɩɛ 'amɩ plɛgälɩflɛrɛkʋ ‑gba, 'n ‑nyɛɛ 'amɩ 'na plɛgälɩflɛrɛkʋ; ‑mää 'sɩrɩ 'plä ‑nyɛɛa' 'imɩ nɩ, ‑mää 'sɩ 'nyɩ ‑nyɩ 'amɩ 'iin. 'Ana plɛ 'nyɩ ‑taaralɩ 'plɔʋ, 'ɛnyɩ ‑gbagbakä bɩa.

Jaan 3:16

'Be Nyɔsʋa ‑wa 'plä ‑gböösa, 'ɔnya 'sa 'ɔa 'jʋ 'doo 'doo, 'ia ‑gʋ nyɔɔ o nyɔɔ toroa' 'ɔɔn plɛ ‑pɩ jä, ‑maa 'ɔmä 'klälä 'nyɩa' blöröfa kä 'jä.

Lukë 2:13

‑Bɛ fɩɩɩn, cɛlɩa 'sʋgɩa 'kɔkɔmlɛ nya ji; 'ünya blö 'aanjë ‑mɔlɔ ‑gälɩ, ‑bɛ 'üa 'fɩɔ 'bʋala Nyɔsʋaa 'nyrɩ 'dʋa 'mlɩ; ‑bɛ 'ü nö:

Lukë 2:15

'Taɩn 'lɩ 'aanjë sɔa' 'üün ‑gba ‑bɛ 'ü 'blööa' cɛlɩ dɛrɩ nɩ, ‑bablëëgbanyɛrɛnyüülü 'pala 'üa ‑tɔrʋpɩɔ wii ɔ: «A mi amä Bɛtëlɛɛmë 'tɔ. Wiili jräa' 'lɩ amä 'iin 'jä, i 'Pläkänyɔɔ sraraa' amɩ.»