11 ‑Plɩɩlɩ a 'palaa' wii nɩ, Daviidëa bätä 'lee, 'Lɩmlɩbanyɔɔ 'doo 'a ‑glooro 'ana ‑gʋ. 'Ɔɔ bä 'Kriisë, 'Pläkänyɔɔ.
Nyɩbɛjʋ 'ɔmä ‑gu, 'ba ‑nyɩ 'ɔɔn Jesu 'nyrɩ, 'be 'ɔɔ nëmä 'ɔa nyüü 'üa ‑balʋ mlɩ 'ba.»
'Ii känyrɩ, Israɛɛlëa 'fɩɔ kä 'ümä 'saa jre 'tasɩrɩ 'sɩrɩ Jesulɔ 'a koloa' krʋa ‑gälɩ nɩ, 'ɔɔ bäa' Nyɔsʋa, 'ɔɔ nrörö 'ɔɔn 'Pläkänyɔɔ nyra 'Kriisë 'lɩ.»
Simɔɔ Piɛɛrë nya 'saa 'ɔɔn ‑gälɩ 'ɔ ‑nëma: «‑Mɔ bä 'Kriisë, 'Lɩbä Nyɔsʋaa 'Jʋ.»
Nyɔɔ 'plɛɛ 'n bä ‑bɛ ‑taa wiili jrä 'mɩ ‑gälɩ le: 'kä 'na 'Pläkänyɔɔa 'yio 'mä 'mɩ 'jäkalɩ ji le?
Nyɔɔ o nyɔɔ jrea' 'saa Jesu bä 'Kriisë nɩ, Nyɔsʋaa 'jʋ 'ɔ bä. Nyɔɔ o nyɔɔ ‑waaa' Tʋ nɩ, 'ɔ ‑waaa' bɩa 'ɔa 'Jʋ.
'kä 'papawiia 'fɩɔ nya 'daa, Jesu 'Kriisë bä 'Pläkänyɔɔ, ‑bɛ Nyɔsʋa bäa' Tʋ 'mä 'bʋala.
‑bɛ 'ü ‑gbala 'ŋlʋʋlɔ ‑maa: «‑Mää wiili ‑gbaa', ‑mää 'ia ‑gʋ a ‑kanyɩ toro 'ɔɔn plɛ, ‑maa ana 'mʋgbɛ nya 'ɔɔn 'nyaklipo, a jre 'iin ɔ 'sɩrɩ 'ɔ bäa' 'kasa 'pläa 'fɩɔa 'Lɩmlɩbanyɔɔ 'Kriisë.»
Josɛɛfëa 'mʋgbɛ nya sɔ Nasarɛɛtë, Galileea ‑tʋtʋ ‑gälɩ. 'Ɔnya mi Judeea ‑tʋtʋ ‑gälɩ Daviidëa bätälä 'ü 'daraa' Bɛtëlɛɛmë, 'äa 'mlɩ, 'be Daviidëa ‑glügbö 'klɩa nyɔɔ 'ɔ bä.
Jakɔɔbë bä Josɛɛfëa tʋ. Josɛɛfë bä Mariia dʋɔ; 'a Mariilɔ ‑gu Jesu, ɔ 'ü 'daraa' 'Kriisë.
‑Tʋtʋ Nyɔsʋa nʋ 'ɔnya nʋ ‑kätɩa nɔ; 'sɔɔa nɔ, ɔ bäa' 'Pläkänyɔɔlɔ nɩ, cɛlɩ 'ɔ sɔ.
'Ɔ ja Israɛɛlëa 'jü 'ɔa 'papawii; 'ɔnya 'saralɩ 'üün 'Mʋfagogolä bäa' plɛgälɩflɛrɛkʋlʋ sɔa' Jesu 'Kriisë kälɩ; 'ɔɔlɔ bäa' 'Pläkänyɔɔlɔ 'kamaa' nyüüa 'fɩɔ.
‑Mɩlɩ kʋa' ‑pɩ nɩ, 'i ‑jɩjra 'kä 'amä 'saa jre Jesu bä 'Kriisë. 'Ɔ bä Nyɔsʋaa 'Jʋ, 'ama toro 'ɔɔn plɛ, 'amä 'klä 'jä 'ɔa 'nyrɩklɩ.
Ana 'mʋgbɛlɔ nɩ, anya 'jä 'iin, 'ii a 'saalɩ: Tʋ blɔ 'ɔa 'Jʋ, 'pläa 'lɩmlɩbanyɔɔ.
Filipë nya mi bɩa Natanaɛɛlë ‑gbala: «Nyɔɔlɔ kä ‑gä Moisë 'palaa' ‑Dɔa ‑pɔɔkʋa 'mlɩ, i nyɔsʋaamlɩpalanyüü ‑gbalaa' amɩ, anya 'ɔɔn 'jä. Josɛɛfëa 'jʋ Jesu bäsaa, Nasarɛɛtënyɔɔ.»
'Ɔ ‑gbala 'üün ‑bɛ 'ɔ srara 'üün 'sɩrɩ 'Kriisëlɔ kä 'ɔmä ɩa' ‑sʋɩ 'jä ‑bɛ 'ɔmäa' jäjänyüü ‑tɔrʋpɩɔ sɔ. 'Ɔ nɩnɩa: «Jesulɔ kä ‑gä 'n ‑gbalaa' 'amɩ nɩ, 'ɔɔ bä 'Kriisë.»
'Ɔɔ Nyɔsʋa 'jrara, 'ɔnya nrörö 'ɔɔn 'Cifi nyra 'Lɩmlɩbanyɔɔ 'lɩ, 'ɔmä 'iin nʋ Israɛɛlë 'mä 'lɩ ‑balʋ ‑gälɩtoro, ‑bɛ 'üa ‑balʋ 'mä cere.
A toro ‑na mlɩa wii plɛ, anya jre 'sa ‑mɔ bä 'Kriisë, 'Lɩbä Nyɔsʋaa 'Jʋ.»
'Ɔnya mi dotro, 'ɔnya ‑gbala 'ɔa ‑wlajʋ Simɔɔ: «Anyaa' Mesii 'jä.» Mesiia ‑gbaa bä «'Kriisë».
'Pɩrɩgälɩ nɩ, Jesu nya ‑gbala 'ɔa 'wʋnyɛrɛnyüü ünyɩ ‑gbala 'iin nyɔɔ 'sɩrɩ 'ɔɔ Jesu bäa' 'Kriisë.
'Kama sɩsɩɛ ‑nëmä 'lɩ Judaa dɛrɩ ‑a tʋŋlɔ. 'Kɩɩa sɩsɩɛ ‑nëmä 'ɔa beia ‑tɔrʋpɩɔ ‑a sɔ, 'kä 'ɛa käkänyɔɔ nya ji. 'Ɔɔ 'plä ‑nëma 'lɩträärä.
'Nyaa ‑mɔ bɛ 'ŋlʋʋa ‑tɔrʋpɩɔ ‑yrɛ berea, 'nyaa bɩa ‑na 'jüa 'jü nyra 'ɔa 'jüa jüa ‑tɔrɔpɩɔ ‑yrɛ berea. 'Ɔnya ‑na 'wli 'käsusroa, 'kä ‑nya 'ɔa bɔtötö mlu.»
'Be 'anya 'a 'kpɩkpɩakʋlʋ 'paaa' 'Pläkänyɔɔ Jesu 'Kriisëa ‑gä 'klɩnyiere nɩ, 'ba 'nyɛ 'sɩrɩ 'a nyra 'ɔɔn bäa' 'doo.
'Pɩrɩgälɩ nɩ, 'Kriisë Jesua jejrekʋa ‑gʋ 'n 'jää diia 'fɩɔwʋ ‑beere diili 'nyɩa' ‑tɔɔ kä. 'Na 'Pläkänyɔɔ 'Kriisëlɔ 'n toroa' plɛ, 'ɔɔ bä 'cɩca wiili. 'Ɔa ‑gʋ 'n 'nyiere diia 'fɩɔa ‑wälɩcɛrɛkʋ 'klɩ, ‑yɛɛ, 'n 'jää 'iin 'wʋ ‑beere dɛɛ 'ü bea' 'kʋtʋfʋ ‑gälɩ, 'kä 'mä 'Kriisë 'kpla;
'Iibäa' Marëtë nɩ: «‑Yɛɛ! 'Pläkänyɔɔ, 'n jre 'iin ‑mɔ bä 'Kriisë, Nyɔsʋaa 'Jʋlɔ nëmäa' 'pläa 'mlɩ ji.»
‑Mölöö nö: «'Kriisë bäsaa.» ‑Bɛ ‑mölöö nö: «Galileea ‑tʋtʋ ‑gälɩ 'Kriisë 'mä ɩ sɔ?
'unya ‑gbala kä 'ɔmɩ, 'sɩrɩ 'ɔmäa' 'Pläkänyɔɔa 'Kriisë 'jä 'fɩɔwʋ ‑bɛ 'ɔmäa' jä.
'Ɔ ja amɩ 'lɩmlɩbanyɔɔlɔ ‑sɔɔrɔa' 'wʋ. 'Ɔa 'jrʋpafɛnyɔɔ 'kɩɩ Daviidëa ‑glügbö kälɩ 'ɔ srörö 'ɔɔn;
'Iibäa' 'ŋlʋʋlɔ nɩ: «'N jre 'iin Mesii nya jia, ɔ 'ü 'daraa' 'Kriisë, 'taɩn 'lɩ 'ɔmäa' ji nɩ, 'ɔnya amɩ wiia 'fɩɔ ‑gbalaa.»
'A 'ɔa ‑glügböa 'mlɩ Nyɔsʋa 'ba 'Lɩmlɩbanyɔɔ 'doo Israɛɛlëa ‑gʋ. 'Ɔ ‑gbala käa' 'iin Israɛɛlë 'i 'a 'lɩwlɛ. 'Ɔɔ bä Jesu.