14 ‑Maa 'ɔa 'blɩlɩ ‑gälɩa nyüü 'nyɩ 'bata 'ɔɔn ‑a. 'Ünya blɔ 'ɔɔn nyüü ‑tɛ 'lɩ 'ɔ mia 'ü ‑gbala 'üün ‑maa: ‹Anyɩ 'bata 'bata ‑a ‑taa nyɔɔlɔ 'mä ana 'bɩɔ bä.›
«'Plä ma jrara 'amɩ 'nyüa 'mlɩ, 'ba jresaa 'mɔɔ ‑kätɩ 'ä jrara 'nyüa 'mlɩ.
'Na 'nyüamlɩjraranyüülü nɩ, 'ünyɩ 'bata ɩa' 'mäa' 'kama nɩ, 'ba ja ‑pɩ 'üün 'na 'klɩ 'kä 'a 'blaa 'üün.› »
'Inya ji 'ia 'mʋgbɛa ‑glügbö 'klɩ, ‑maa 'ia ‑glügbönyüü 'nyɩ 'iin 'lɩ ‑a 'kʋɛɛ.
'Ɔma jresaa 'ɔnyɩ 'lɩ ‑a bɩa nɩ, 'ɔnya 'diprö blɔa' 'ɔɔ ‑bɛ 'kɩɩ ‑mɔlɔ 'mä 'wli 'nönrö, ‑bɛ 'wlinönrökʋ 'mä 'üa ‑tɔrʋpɩɔ bä.
'Ɔnya we 'ɔa 'jrʋpafɛnyüüa ‑tɔrʋpɩɔa nyüü ‑pʋ. 'Ɔnya ‑nyɩ ‑moloo minë ‑pʋ, 'ɔnya ‑gbala 'üün ‑maa: ‹'Ba 'pa 'peru pa pa 'kä 'n jö.›
'Ü nröröa' 'ɔɔn 'bɩɔ 'lɩ, ‑bɛ 'ɔ jia' nɩ, 'ɔnya we 'jrʋpafɛnyüülü 'ɔ ‑nyɩ käa' mölii, 'ü ji ü ‑gbala 'ɔɔn mölii ‑srülü ‑moloo 'jäa'.