Lukë 18:32 - Kuö Dëdrä Jenɛɛsë Rutë

³² 'Ünya 'ɔɔn nyüülü 'nyɩa' juifë bä kälɩ 'saraa, 'kä 'ünya 'ɔɔn srörö, 'kä 'ünya 'ɔɔn ‑gbigba nʋ, 'kä 'ünya 'ɔɔn ‑tatrii 'wʋ ‑gbagba.

Lukë 18:32 Referans Kwoze

Lukë 23:11

Erɔɔdë, nyra 'ɔa 'sʋgɩa, 'böö 'ɔɔn 'klɩ ‑bɛ 'ü srörö 'ɔɔn. 'Ünya 'pa 'ɔɔn 'kotulu plöa' ‑gälɩ, 'ünya 'blöö 'ɔɔn Pilatëa ‑nyɛɛ dɛrɩ.

Akëtë 3:13

Abraamë, Isaakë, Jakɔɔbë nyra ana tʋɩɩa Nyɔsʋa 'doolɔ, 'ɔɔ 'bʋala 'ɔa 'jrʋpafɛnyɔɔ Jesu. 'Amɔ 'sa 'ɔɔn 'anya sɔ 'ɔɔn dɛrɩ Pilatëa 'klɩ, ‑bɛ 'ɔ 'bata ɩ 'ɔa ‑wälɩcɛrɛkʋ.

Marëkë 14:65

‑Mölöö ‑gbagba 'ɔa 'klʋɩ ‑tatrii, ‑mölöö ‑gbreee 'ɔa 'wli dɔʋ 'kä, 'ü 'kakla 'ɔɔn ‑kɔtrë, 'kä 'ü 'bete 'ɔɔn: «Nyɔɔlɔ 'kalaa' ‑mɩ dɛɛ, ‑ga 'ɔɔn 'nyrʋ!» 'Jrʋpafɛnyüü nya dɔrʋ 'ɔɔn 'wʋ 'ünya 'papa 'ɔa 'nyakli 'lɩ 'kpë.

Matiö 26:67

‑Mölöö ‑gbagba 'ɔa 'klʋɩ ‑tatrii, ‑bɛ 'ü kakla 'ɔɔn ‑kɔtrë. ‑Mölöö 'papa 'ɔa ‑glagbi ‑gba 'kpë

Matiö 16:21

'Bala ‑plɩlɩ ɔ nɩ, Jesu ‑gbala 'ɔa 'wʋnyɛrɛnyüü 'sɩrɩ 'ɔ käa' 'ɔmäa' Jerusalɛɛmë mi, ‑bɛ 'ɔmäa' ‑sʋɩ 'jä ‑gböösa; juifëa tagbü, ‑gbɔsapɛrɩnyüü kpakü nyra ‑dɔkpɩanyüüa ‑gʋ; 'sɩrɩ 'ümäa' 'ɔɔn 'blaa ‑bɛ 'ɔmäa' 'kuaabre sɔ 'ia jrüü tääa ‑srɩ 'lɩ.

Akëtë 2:23

'Ia nyɔɔlɔ nɩ, 'ɔ 'sara 'amɩ kälɩ 'sɩrɩ Nyɔsʋa tʋ käa' 'lɩ 'imɩ ‑bɛ 'sɩrɩ 'ɔ jre ɩa' 'iin. 'Anya dɔrɔ 'ɔɔn 'wʋ 'anya 'bla 'ɔɔn: nyüülü 'nyɩa' Nyɔsʋa jre, 'üü 'a ‑srörö kälɩ 'anya kolo 'ɔɔn krʋa ‑gälɩ.

Jaan 18:35

Pilatë nya 'bete 'ɔɔn: «Juifënyɔɔ 'n bä? ‑Na ‑glügbö nyra ‑gbɔsapɛrɩnyüü kpakü, 'üü ja 'mɩ ‑mɩ. Dɛplɛɛ ‑nʋ le?»

Jaan 18:30

'Iibäa' 'üün nɩ: «Ɔma 'nyɩ ɩ ‑balʋnyɔɔ ‑a bä nɩ, a ‑nëmä ɩ ‑mɩ 'ɔɔn ‑a ja.»

Jaan 18:22

Jesu nʋa' 'saa ‑bɛ 'ɔ 'paa' wii nɩ, 'sʋgɩanyɔɔ 'doo kʋ ɩ ‑plɩɩ, 'ɔnya 'pa Jesua ‑glagbʋ ‑gba 'kpa. 'Iibä: «'Asɩ ‑dɛɛtrɛ ‑Gbɔsapɛrɩnyɔɔ kpakö ‑gbaa?»

Lukë 23:35

‑Bɛ nyüü 'nyüglö 'ü tɛ tɛ 'üün 'klɩ. 'Kamanyüü nyra nyüü ‑mölöö srörö 'ɔɔn ‑bɛ 'ü nö: «'Ɔ 'pʋɔ nyüü ‑mölöö; ɔma bä 'Kriisëlɔ Nyɔsʋa 'baa' 'lɩ nɩ, 'kä 'ɔ 'baalɩ 'ɔa nyufa mlɩ 'la!»

Lukë 23:1

Nyüüa 'fɩɔ nya sɔsɔwʋ, 'ünya fa 'ɔɔn Pilatëa ‑nyɛɛ.

Matiö 27:2

'Ü kpasaa' 'ɔɔn nɩ, 'ünya fa 'ɔɔn 'ünya ‑nyɩ 'ɔɔn ‑gʋmla kpakö Pɔɔsë Pilatë kälɩ.

Jaan 18:28

‑Suwla ‑ŋʋɩsɩɩ, 'ünya 'ba Jesu Kaiifëa ‑nyɛɛ, 'ünya fa 'ɔɔn ‑gofɩanëmaa ‑gbööli. ‑Maa juifënyüü 'nyɩ ‑gböölia 'mlɩ ‑a pa, 'ü ‑pɩ ‑fre 'lɩbä, 'ümä ‑gʋ ‑glɩsɩglɩsɩlɛ 'ü 'daraa' 'Paakë 'jä.

Marëkë 15:1

‑Srɩkägbalawlaa, ‑gbɔsapɛrɩnyüü kpakü, tagbü ‑dɔkpɩanyüü nyra juifëa tropina 'lɩa nyüüa 'fɩɔ nya 'plasraa. 'Ü kpasaa' Jesu nɩ, 'ünya fa 'ɔɔn 'ünya ‑nyɩ 'ɔɔn Pilatëa kälɩ.

Matiö 20:19

'Ünya 'ɔɔn nyüülü 'nyɩa' juifë bä kälɩ 'saraa, 'kä 'ünya 'ɔɔn srörö. 'Ünya 'ɔɔn ‑gbalɛfi ‑gälɩgbaa, 'kä 'ünya 'ɔɔn krʋa ‑gälɩ kolo 'kä 'ɔnya jä. Jrüü tääa ‑srɩ 'lɩ nɩ, 'kä 'ɔnya 'kuaabre sɔ.»

Matiö 22:6

‑Mölöö 'kpla 'jrʋpafɛnyüü 'ünya nʋ 'üün ‑gbigba, 'ünya 'bla 'üün.

Lukë 18:33

'Ünya 'ɔɔn ‑gbalɛfi ‑gälɩgbaa, 'kä 'ünya 'ɔɔn 'bla, ‑maa 'dugua jrüü tääa ‑srɩ 'lɩ 'ɔnya 'kuaabre sɔa.»

Jaan 18:32

'Ia 'fɩɔlʋ nɩ, 'a ‑tɔɔɔlʋ Jesu 'pa käa', 'sɩrɩ 'ɔmäa' jä nɩ, 'ii nrörö.