17 Cɛ nyra ‑tʋtʋa sakakʋ ‑nëmä 'lɩ ‑a kla 'i ‑nëmä ‑dɔpɔɔkʋa 'mlɩa 'jrii jɔa sakakʋ 'wʋ ‑a ‑si.
'Cɩcasa 'n ‑gbala 'amɩ nɩ, cɛɩɩ nyra ‑tʋtʋ ‑ka bäa' ‑plɩɩ nɩ, ‑dɔa ‑pɔɔkʋa 'mlɩa ‑jɩjrajrii, nyra 'nɩmɩ 'ua 'mlɩa 'jrii jɔ ‑nëmä ‑srɩɩ ‑si ‑a ‑si 'plɔʋ 'kä wiia 'fɩɔ nya nrörö.
Cɛ nyra ‑tʋtʋ nya ‑sia, ‑maa 'na mlɩa wii ‑nëmä ‑si ‑a ‑si 'plɔʋ.
‑maa 'Pläkänyɔɔa 'papawii 'nyɩ bɩarafa ‑a kä . ‑Bɛ ‑taa 'papawiili nɩ, 'a 'Mʋfagogolä 'saraa' 'lɩ 'amɩ.
‑Bɛ ima bäsaa nɩ, 'a ‑dɔ a ‑gblooo? ‑Mää 'sɩ 'inyɩ bä! ‑Dɔ a 'sreekä.
Nyɔsʋa nya 'üa 'nyiölia 'mɩɔa 'fɩɔ wɔpɔa. 'Jäjä ‑ka ‑nëmä 'lɩ ‑a bä, 'dugu ‑ka ‑nëmä 'lɩ ‑a bä, nyüü ‑ka ‑nëmä 'wu ‑a 'wu, mɩmɩakʋ ‑ka ‑nëmä 'lɩ ‑a bä, 'be ‑kätɩa ni dii 'a ‑si.»
'Pɩrɩgälɩ nɩ, 'nyaa 'jä cɛ dëdrä nyra ‑tʋtʋ dëdrä. ‑Kätɩa nɛ cɛ nyra kätɩa ‑tʋtʋ nya saka; 'tanie ‑kanyɩ 'lɩ ‑a bä.
'Pɩrɩgälɩ nɩ, 'nyaa 'järä 'pɔlɔ 'kɩɩkpata kpakö ‑gälɩ nyɔɔ 'doo. ‑Tʋtʋ nyra cɛ nya fɔlɔ 'ɔɔn 'klɩ; 'ü ‑kanyɩ 'järä ‑a 'järä.
‑Maa 'Pläkänyɔɔa jrüü nya ‑beere 'sɩrɩ 'jejienyɔɔ jöa' ‑gbiara; cɛ nya ‑yrɛ kpaki nʋa 'kä 'ɛnya saka, 'pläa ‑dɔ nya fia kä 'inya saka, 'kä ‑tʋtʋ nyra diili kä 'fɩɔ nyɔɔ nröröa' 'ua ‑gälɩa 'fɩɔ nya fi.