15 'Ɔnya ‑gbala 'üün: «'A nö dii ‑beere 'sɩrɩ 'a bäa' 'cɩcanyüü, ‑maa Nyɔsʋa jre 'ana polu. Dɛɛlɛ nyüü 'daraa' dɛɛ nɩ, 'ɛ bä cacɩ Nyɔsʋaa 'klʋɩ ‑gälɩ.
'Ii känyrɩ 'anyɩ tɩ 'taɩnlɩ ‑trääräa' 'lɩdɛrɩ 'anyɩ ‑tʋ ‑gä. 'Ba ‑glaaa 'Pläkänyɔɔ. Diili ‑sisrea' 'jöjrüükpü 'lɩ nɩ, 'ɔnya 'iin ‑srɩ 'klɩ jaa, 'kä 'ɔnya bobowiili ‑sisrea' nyɔɔa plɛklɩ srara. 'Kä Nyɔsʋa nya nyüü 'bʋala, ‑moloo ‑bɛ 'ɔa 'bʋalakʋ.
‑Bɛ Nyɔsʋa jrea' nyɔɔa plɛ nɩ, 'ɔnya 'kʋɛɛlɩ 'üün; 'ɔ srara 'iin 'taɩn 'lɩ 'ɔ ‑nyɩa' 'üün 'Nyüna ‑Susu, 'sɩrɩ 'ɔ ‑nyɩa' bɩa amɩ 'uun.
‑maa abɩa 'ana 'nanakʋ bä 'ana polua 'mlɩ: plɛlɛ 'naa' ɛ traraa' 'kä. 'Ia 'samaa 'nanakʋlʋ 'nyɩ bʋblɔ bʋblɔ ‑a. 'Unya kä 'peru kpaku Nyɔsʋa ‑nyɛɛ.
'Iibäa' 'Pläkänyɔɔ nɩ: «'Amɔ Farisinyüülü nɩ, ‑köwü nyra 'plëëa ‑gälɩlɩ nyüü 'jääa' 'wʋ nɩ, 'ii 'a kpëtä, ‑maa 'ana 'mlɩ 'si 'jejiekʋ nyra bʋbɔwii.
‑Bɛ 'ɔ 'bataa' 'ɔmäa' ‑gä kä nɩ, 'ɔnya 'bete Jesu: «‑Bɛ nyɔɔ 'plɛɛ bä 'na ‑moloo le?»
'Nyaa 'ɔa 'jüa 'fɩɔ 'blaa, 'kä 'cɛcʋa 'fɩɔ nya 'saa jre 'mɔɔ bä nyɔɔlɔ jrea' bobowii nyra wiili bäa' nyüüa plɛ ‑gälɩ. Dɛɛlɛ ‑moloo nʋa' 'ɛɛ 'mä 'klɩtɛ ‑bɛ 'mä 'ɔɔn 'ɔa nɛ ‑nyɩ.
‑Sëgbë 'amɩ, 'ana 'mʋgbɛ 'ba ‑träärälɩ 'cɛcɩtagbü, 'kä 'a ‑täträlɩ. 'Ba 'cie 'ana nyüfë 'wʋ, 'be 'i ‑jɩjra: «Nyɔsʋa 'nyɩ 'bata nyüülü 'jraraa' 'üa nyüfëa, ‑maa 'ɔ srara 'ɔa ‑gbinanakʋ nyüülü 'ciea' 'üa nyüfë 'wʋ.»
Nyɔɔ 'doo nyɔɔ 'doo ‑nëmä 'klɩ ‑a ‑gä 'ɔa 'klɔɔtrʋ ‑dɔa 'lɩträäräkʋ ‑a ‑gʋ; 'be ‑dɔ srara nyɔɔ dɛɛlɛ bäa' ‑balʋ.
'ɔnyɩ nyɔɔ ‑molooa ‑gäa ‑gbalakʋ ‑a kä, 'ɔ jre wiili bäa' nyɔɔa plɛklɩ.
Diili kä 'fɩɔ 'ü nöa', nyüü 'mä ‑gʋ 'üün 'jäjrä. 'Ü kpasra 'üa 'kʋtapra ‑gälɩ nyɔsʋaawii. 'Ü tʋŋlɔ 'üa ‑panëa 'mri ‑gböösa.
'Iibäa' nyɔɔlɔ nɩ: «I kä 'fɩɔ ‑daaa', 'n ‑träärälɩ 'iin kolo 'na nyɔkɔdɛɛ 'lɩ 'kä.»
Farisinyɔɔlɔ nya 'nyüglö ‑bɛ 'ɔ bibrie Nyɔsʋa 'ɔa plɛklɩ 'ɔ ‑nëma: ‹Nyɔsʋa, 'n 'trɛɛ ‑mɩ 'sɩrɩ 'nyɩa' nyüü ‑mölöö, ü 'jiea', ünyɩa' 'klɩgä, ü 'paaa' bätësa ‑a 'sa bä. 'N 'trɛɛ ‑mɩ ‑gböösa 'sɩrɩ 'nyɩa' ‑taa dapookälɩpɛrɛnyɔɔlɔa 'sa bä.
Nyɔɔlɔ nɩ, möliili 'ü 'pɛɛa' 'ɔɔn 'ɔa bʋbɔgbia ‑gʋ nɩ, 'ii 'ɔ nʋ 'ɔnya ‑su putu. 'Ɔ toro 'wli ‑fli 'ɔnya blö, 'ɔa ‑gu nya ‑gaalalɩ 'ɔa 'mia 'fɩɔ nya 'cie.
'Ü bɩa 'kusroŋlëgë diia 'fɩɔ kälɩ, ‑bɛ üma bibie Nyɔsʋa 'ü ‑wlɛlɩ ‑beere 'cɩcanyüü nyüü 'mä ‑gʋ 'üün 'jäjrä. 'Üa ‑gäa ‑tʋtʋkʋ nya 'lɩklaa ‑gböösa.»
'Bala 'ia ‑srɩ 'lɩ, 'ü 'prɛrɛ 'ɔɔn 'nyü dɛrɩa 'doo. 'Ünya pla 'ɔɔn nyüü ‑wälɩ, ‑bɛ 'ü 'betre 'ɔɔn wii 'lɩ ‑beere 'sɩrɩ nyüü ‑gäa' 'klɩ; 'ia 'taɩn 'lɩ 'ɔa 'papawii ma sɔ 'nyʋfɔ 'wʋ nɩ, 'ümä 'ɔmɩ 'iin 'kplara. 'Ümä 'ɔɔn ‑gofɩanëma kälɩ ‑nyɩ 'ia ‑gʋ 'ü nö 'saa.
«‑Bɛ 'ama pa su nɩ, 'anyɩ 'kpɔɔ ‑beere ‑glagälɩsrörönyüü. Üma pa su nɩ, 'ü kpasa 'klɩ nyüü 'mä 'saa jre 'sɩrɩ 'ü paa' su. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!
«‑Ama bibie Nyɔsʋa nɩ, ‑nyɩ nʋ ‑glagälɩsrörönyüüa 'sa. 'Üü ‑wa 'nyüglökʋ üma bibie Nyɔsʋa juifëa 'sraaplanyëka ‑wälɩ nyra 'nyifi ‑gba; 'üü ‑wa nyüü 'mä 'üün 'jäjrä. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!
'Ii känyrɩ, ‑ama ‑nyɩ 'pʋablanyɔɔ dɛɛ nɩ, ‑nyɩ 'fɛrɛ 'iin 'kä, ‑beere 'sɩrɩ ‑glagälɩsrörönyüü nöa' juifëa 'sraaplanyëka ‑wälɩ nyra 'nyifi 'wʋ. Nyüü 'mä 'üün 'bʋala, 'a 'ia ‑gʋ 'ü nö 'iin. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!
'Ɔnya ka 'sɔɔwʋ tää, 'ɔnya 'bete 'ɔɔn: «Jonaasëa 'jʋ Simɔɔ, ‑wa 'mɩ?» 'I pa Piɛɛrë ‑gba 'kä Jesu 'mä 'ɔɔn 'bete 'wʋ tää 'wʋ: «‑Wa 'mɩ?» 'Ɔ ‑nëma: «'Pläkänyɔɔ, ‑jre wiia 'fɩɔ; ‑jre 'iin 'sɩrɩ 'n ‑waa' ‑mɩ.» Jesu nya ‑gbala 'ɔɔn: «'Fini 'na ‑bablëë 'klɩ.
'Ɔnya 'pa tapönänä ‑mölöö 'ɔnya ‑gbala nyüülü jrea' 'saa 'ü ‑gäklɩ 'ünya ‑si 'üa ‑mölöö 'wʋ, i kä ‑gʋ 'ünyɩ 'daraa' 'üün nyüü:
'Amɔ 'n ‑gbala: «‑Taa nyɔɔlɔ nɩ, 'ɔɔ ‑gäklɩ Nyɔsʋaa 'klʋɩ ‑gälɩ 'ɔnya mi ‑gbööli, ‑mää ‑mɔlɔ ‑a; 'be nyɔɔ o nyɔɔ 'jraraa' 'ɔa nyufa 'ɔnya 'wʋcierea, ‑maa nyɔɔlɔ 'ciea' 'ɔa nyufa 'wʋ 'ɔnya 'jraraa.»
'Ünya bibie Nyɔsʋa, 'ü ‑nëma: «'Pläkänyɔɔ, ‑mɔ jrea' nyüüa 'fɩɔa polu, srara amɩ ‑mɔlɔ ‑baaa' 'lɩ 'üa 'sɔɔa ‑tɔrʋpɩɔ,
‑Bɛ Nyɔsʋalɔ 'järäa' polu ‑gälɩ 'kä nɩ, 'ɔ jre wiili ‑Susu boboa': 'be 'sɩrɩ Nyɔsʋa 'bataa', 'asɩ ‑Susu bibie Nyɔsʋaa 'nyünanyüüa 'wli 'lɩ.