Lukë 15:22 - Kuö Dëdrä Jenɛɛsë Rutë

²² ‑Maa 'ɔa tʋ nya ‑gbala 'ɔa 'jrʋpafɛnyüü: ‹'Ba 'sosowʋ 'ba ja 'kotulu 'naa' u ‑sia' 'ia 'fɩɔwʋ, 'kä 'a 'sroo 'ɔmɩ 'uun. 'Ba 'pa 'ɔa wli 'lɩ ‑kpatrawee, 'kä 'a pla 'ɔa bökli 'lɩ 'sii!

Lukë 15:22 Referans Kwoze

'Nyügälɩjawii 6:11

Nyɔsʋa nya ‑nyɛ ‑nyɛ 'iin 'pɔlɔ ‑panë, 'ɔnya ‑gbala 'iin, i ‑glaaa jie 'sɔɔwʋ, 'üa ‑wlajülü nöa' Nyɔsʋaa 'jrʋpa nyra nyüülü 'ü nyra 'üün ‑fɛɛɛa' 'jrʋpalä; ü nyüü 'mäa' bɩa 'bla ‑beere 'üün 'mä ‑kätɩ 'wlijrä.

Jenɛɛsë 41:42

Faraɔɔn nya 'balɩ 'ɔa 'kɩɩ ‑kpatrawee, 'ɔnya pla 'ɛɛn Josɛɛfëa wli 'lɩ. 'Ɔnya 'sroo 'ɔɔn 'tasɩrɩ 'fʋmakoti, 'ɔnya 'pa 'ɔɔn ‑sikaa 'wle ‑plɩ 'lɩ.

'Nyügälɩjawii 19:8

Nyɔsʋa nya ‑gbala 'ɔɔn ɔ 'sroo 'tasɩrɩ 'fʋmakotili kä 'peru 'bʋaa', i kä 'nyü 'naa' ‑bɛ i plöa'.» 'Tasɩrɩ 'fʋmakotu, 'iibä nyɔsʋaanyünanyüüa 'cɩcagbili 'ü nʋa'.

'Nyügälɩjawii 7:9

I kʋa' ‑pɩ ‑sia' nɩ, 'n 'jä nyüü 'kɔkɔmlɛ 'kɔkɔmlɛ ünyɩa' ‑täsäsa bä: ‑tʋtʋ ‑gälɩa ‑glügbüa 'fɩɔa, ‑glügbüa 'fɩɔ, ‑tʋtʋ ‑gälɩa nyüüa 'fɩɔ nyra nyüüa mlɩa 'papawiia 'fɩɔ. 'Ü 'nyüglö 'kɩɩkpata nyra ‑bablëëjʋa 'klʋɩ. 'Ü pa 'pɔlɔ 'koti 'lɩ ‑bɛ ‑napusragbɩ bä 'üa kälɩ.

Rɔmënyüü 8:15

‑Bɛ ‑Susulu Nyɔsʋa ‑nyɩa' 'amɩ nɩ, ‑mää ‑geeidɛɛ nyra ŋalɛ 'mä 'sɔɔwʋ 'amɩ 'blaa ‑gʋ ‑a. ‑Maa 'ɔ ‑nyɩ 'amɩ ‑Susulu nröröa' 'amɩ 'sɔrɔjü 'lɩ. 'Uu känyrɩ ‑bɛ a we Nyɔsʋa: «Aba! Tʋ!»

'Nyügälɩjawii 2:17

«Nyɔɔlɔ käa' 'nyakli ɔ po wiili Nyɔsʋaa ‑Susu ‑gbalaa' 'Cɛcʋ 'nyakli! «Nyɔɔlɔ nëmäa' 'wʋsi 'nyaa 'ɔɔn 'maanëlë ‑sisiea' ‑nyɩa 'ɔmä 'ään ji; 'kä 'nyaa 'ɔɔn 'pɔlɔ 'täkä ‑nyɩ. 'Ü ‑jɩjra 'täkäläa ‑gälɩ 'nyrɩ dëdrä nyɔɔ 'nyɩa' jre ima 'nyɩ nyɔɔlɔ 'ü ‑nyɩa' 'ään ‑a bä.»

Galaatënyüü 3:27

'Amɔlɔ kä 'fɩɔ 'ü 'paa' 'nɩ 'wli 'Kriisë 'lɩ nɩ, 'anya 'a 'saa 'Kriisë 'lɩpa ‑beere 'kotu.

Rɔmënyüü 13:14

‑Maa 'ba pa 'Pläkänyɔɔ Jesu 'Kriisë 'lɩ ‑beere 'kotu, 'anyɩ bobo 'nɩmɩ bʋbɔgbili käa' plɛ 'tʋ 'kä 'amä 'ana plɛ 'wʋ 'cie.

'Nyügälɩjawii 3:18

'Ii känyrɩ, ‑jää ‑tɔɔɔlʋ 'n 'paaa' ‑mɩ 'lɩ: ‑srooro 'mɩ 'tasɩrɩa ‑sikalä ‑sröröa' kapu 'lɩ kälɩ ‑bɛ ‑mä 'bɩɔ ji. ‑Su bɩa 'pɔlɔ 'koti ‑mä 'sroo, ‑mä ‑na 'nyüsü ‑sisie. 'Kä ‑suuö ‑wöseri ‑mä ‑na 'nyüa 'mlɩ 'pa, ‑mä 'käjä.

Ɛfɛsënyüü 6:15

'Ba pa ‑si 'lɩ ‑beere 'Mʋfagogolä ‑nyɛɛa' 'wlinönrökʋ, 'be 'ää ‑ëlere 'amɩ.

Rɔmënyüü 3:22

'Klɩgägäkʋlʋ sɔa' 'ɔɔn kälɩ nɩ, Jesu 'Kriisëa plɛtorokʋ 'lɩ 'u ‑srörö 'kä 'u jrä nyüülü kä 'fɩɔ toroa' Nyɔsʋa plɛ ‑gälɩ; 'be nyüüa 'fɩɔ bä dɛɛ 'dee.

Lukë 15:21

'Jʋlɔ nya ‑gbala 'ɔɔn: ‹'Na Tʋ, 'n nʋ Nyɔsʋa ‑balʋ ‑gba, 'nyaa nʋ ‑mɩ ‑balʋ ‑gba. 'Nyaa ‑kanyɩ ‑na 'jʋ 'klɩ 'wʋ.›

Lukë 15:23

'Kä 'a 'kplaa bruujʋlɔ nɔa', 'kä 'a 'böö 'ɔɔn ‑plɛlɩ amä dɛɛji, amä 'bri!