Lukë 15:20 - Kuö Dëdrä Jenɛɛsë Rutë

²⁰ 'Ɔnya sɔwʋ, 'ɔnya 'blöö 'ɔa tʋa ‑nyɛɛ dɛrɩ. 'Ɔ ‑ka tʋŋlɔlɩ nyuku dɛrɩ, 'ɔa tʋ nya 'jä 'ɔɔn ‑bɛ 'ɔ jö 'lee; 'ɔa nyatɛrɩ nya ‑si 'ɔɔn 'klɩ, 'ɔnya fɔ, 'ɔnya mi 'ɔɔn ‑gbere dɔrʋsa.

Lukë 15:20 Referans Kwoze

Ɛfɛsënyüü 2:13

‑Maa 'köklesaplɩɩ ɔ nɩ, 'amɔ ma tʋŋlɔa' 'lɩ Nyɔsʋa dɛrɩ nɩ, 'Kriisë Jesu 'lɩa bäbäkʋa ‑gʋ nɩ, 'a ‑kanyɩ 'lɩ 'ɔɔn dɛrɩ ‑a tʋŋlɔ, 'Kriisëa ‑torua ‑gʋ.

Jenɛɛsë 33:4

Esau nya fɔ 'ɔnya ‑plöörö 'wʋ, 'ɔnya ‑gbere 'ɔɔn; ‑bɛ 'üa 'sɔɔ 'wuö.

Ɛfɛsënyüü 2:17

'Ɔ ja 'amɩ fugbalɩflɛrɛkʋ 'amɔ tʋŋlɔ ɩa' 'lɩ Nyɔsʋa dɛrɩ nyra 'ü maa' bɩa 'lɩgbakä.

Jenɛɛsë 46:29

Josɛɛfë nya ‑te 'ɔa jakasɩ 'ɔnya mi Gosɛnë 'ɔmä 'ɔa tʋ Israɛɛlë 'jä. 'Ɔ 'jäa' 'ɔɔn dotro 'ɔnya blö 'ɔɔn ‑plɩɩlɩ 'ɔnya 'wu. 'Ɔ 'wu 'wu 'ɔnya ‑wlɛlɩ.

Jenɛɛsë 45:14

'Ɔnya kpla 'ɔa ‑wlajʋ Bɛnjamɛɛ, 'ɔnya blö 'ɔɔn ‑plɩ 'lɩ 'ɔnya 'wu. Bɛnjamɛɛa 'mʋgbɛ nya 'wloro 'ɔa ‑plɩ 'lɩ.

Akëtë 20:37

'Üa 'fɩɔa 'dugu 'ünya jijrö 'ɔɔn ‑gba ‑bɛ 'ü ‑gbere 'ɔɔn.

Akëtë 2:39

'Ɔ nɩnɩa 'ɔnya 'amɩ 'uun ‑nyɩa, 'ana 'jü, nyra nyüülü tʋŋlɔa' 'lɩdɛrɩ nyra nyüülü kä 'fɩɔ ana 'Pläkänyɔɔ Nyɔsʋa 'mäa' 'ɔa nyufa ‑gba were.»

Lukë 15:19

'N ‑kanyɩ ‑na 'jʋ 'klɩ ‑a 'wʋ. Dɔrɔ 'mɩ 'wʋ ‑beere ‑na 'jrʋpafɛnyɔɔ.›

Lukë 15:21

'Jʋlɔ nya ‑gbala 'ɔɔn: ‹'Na Tʋ, 'n nʋ Nyɔsʋa ‑balʋ ‑gba, 'nyaa nʋ ‑mɩ ‑balʋ ‑gba. 'Nyaa ‑kanyɩ ‑na 'jʋ 'klɩ 'wʋ.›