Lukë 12:37 - Kuö Dëdrä Jenɛɛsë Rutë

³⁷ 'Kamanyɔɔlɔ ma ji ‑bɛ üma 'nyɩ 'mʋmɔ ‑a 'mʋmɔ, ‑bɛ ɔma jrä ‑plɩɩ 'üün dɔrʋlʋ nëmäa' 'üün 'bla ‑mää 'ua ‑srɩ ‑nëmä ‑pɛ. 'Tasɩrɩa 'cɩcasa 'n ‑gbala 'amɩ: 'jrʋpafɛkoti 'ɔ nëmä 'lɩpa, 'kä 'ɔnya 'üün ‑wälɩkʋfa ‑nyɩ, 'kä 'ɔnya 'lɩ 'üün jijri ‑päälä.

Lukë 12:37 Referans Kwoze

2 Piɛɛrë 3:14

'A 'ia ‑gʋ 'na ‑wawanyüü 'amɩ, 'a ‑glaaa' wiili nɩ, 'ba 'pa 'kpɔɔ 'amä nyüülü ‑fre 'nyɩa' 'lɩbä bä, nyüülü wii 'nyɩa' ‑gälɩ bä bä, nyüülü nyra Nyɔsʋa 'Nönröa' 'wli bä.

Matiö 24:42

'A 'ia ‑gʋ 'anyɩ 'mʋmɔ, 'be 'taɩn 'lɩ kä 'mlɩ 'ana 'Pläkänyɔɔ 'mäa' ji 'anyɩ 'iin jre ‑a jre.

Filipënyüü 1:23

'Na plɛ 'kʋkrʋɛɛ 'mɩ 'lɩ: 'n 'bata ‑a sɔ 'plälä kʋa' ‑pɩa 'mlɩ 'mä 'Kriisëa ‑nyɛɛ mi, 'i ‑siwʋ 'nanakʋ!

1 Korɛɛntënyüü 2:9

‑Maa 'i ‑jɩjra nyɔsʋapɔɔkʋ 'lɩ 'kä: Dɛɛlɛ 'nyiö 'nyɩa' 'jä, ɛ 'nyaklu 'nyɩa' 'wli 'nu, ‑bɛ wiili 'nyɩa' nyɔɔa plɛklɩ ji, Nyɔsʋa ‑ëlere 'ia 'fɩɔ nyüülü ‑waa' 'ɔɔn, 'üa ‑gʋ .

'Nyügälɩjawii 14:13

'Nyaa 'nu 'papawiili sɔa' cɛlɩ 'wli, 'inya ‑gbala 'mɩ: «‑Jɩjra: ‹'Bala 'saarɩ ‑gälɩ abɩa dɔrʋ 'bla nyüülü järäa' 'Pläkänyɔɔ 'lɩ! ‑Yɛɛ, 'asɩ Nyɔsʋaa ‑Susu ‑gba, 'be 'jrʋpalä 'ü ‑fɛa', 'ia ‑fʋflʋ 'ü 'paa ‑bɛ wiili 'ü nʋa' 'mä 'üün dɛrɩprɛ.› »

2 Piɛɛrë 1:11

'Inya 'amɩ ana 'Pläkänyɔɔ, ana 'Lɩmlɩbanyɔɔ Jesu 'Kriisëa 'kamaplälä 'nyɩa' blöröfa kä, 'äa tatu 'klɩsaa.

Jaan 12:26

Nyɔɔ ma ‑fɛ 'na 'jrʋpa, ɔ ‑mɛ 'mɩ ‑gälɩ; ‑bɛ ‑plɩɩlɩ 'n kʋa' 'na 'jrʋpafɛnyɔɔ 'mä bɩa 'lɩ kʋ. Nyɔɔ ma ‑fɛ 'na 'jrʋpa, 'na Tʋ nya 'ɔɔn 'bʋalaa.»

Lukë 21:36

'Ia ‑gʋ, 'ba ‑tre 'ana nyüfë, 'ba bibie Nyɔsʋa 'amä 'cɩcanyüü bä, 'amä 'ia wiili kä 'fɩɔ 'mäa' 'lɩjrä mlɩ 'wʋ, ‑bɛ 'amä Nyɔɔa 'Jʋ 'klɩ 'nyüglö.»

'Nyügälɩjawii 7:17

'be ‑Bablëëjʋlɔ bäa' 'kɩɩkpataa ‑tɔrʋpɩɔ nëmä 'üün ‑gbanyɛrɛ ‑beere ‑bablëëgbanyɛrɛnyɔɔ, 'ɔnya 'üün 'nielɛ ‑nyɛɛa' 'kläa 'wio 'wʋ faa. 'Kä Nyɔsʋa nya 'üa 'nyiölia 'mɩɔa 'fɩɔ wɔpɔ .»

'Nyügälɩjawii 3:21

Nyɔɔlɔ nëmäa' 'wʋsi nɩ, 'nyraa 'ɔɔn nya 'na 'kɩɩkpata ‑gälɩ kʋa, 'sɩrɩ 'na 'mʋgbɛ ‑sia' 'wʋ ‑bɛ 'n mia' ‑bɛ 'mɔɔ ‑bɛ 'na Tʋ kʋa' 'ɔa 'kɩɩkpata ‑gälɩ.

Filipënyüü 1:21

'Na në ‑nyɛɛ, 'Kriisë 'ɔɔ bä 'na 'klä, jäjä bä 'na 'lɩgälɩjärädɛɛ.

Lukë 17:8

‑Mää ‑gbala 'ɔ ‑nëmä ‑geeilɛ ‑gbala ‑maa: ‹'Cici ‑na 'sosroodii, 'kä pie 'na jijrɛ, 'kä ‑nyɛɛ 'mɩ 'na ni. Ama bɩara 'lɩ ‑bɛ ama bɩa 'mamlakʋ nɩ, ‑bɛ ‑mä dɛɛji ‑mä 'mla?›

Lukë 12:43

Nyukukänyɔɔ ma ji ɔma jrä 'jrʋpafɛnyɔɔlɔ 'jrʋpalä 'ɔ tɩa' 'ɔɔn ‑gba ‑gälɩ nɩ, abɩa dɔrʋ 'bla 'ia 'jrʋpafɛnyɔɔlɔ.

Lukë 12:36

'Kä 'a ‑beere 'sɩrɩ nyüü ‑glaaa 'üa 'kamanyɔɔ, ɔ mia' 'titiöa ‑glɩsɩglɩsɩ 'lɩ, 'kä 'ümäa' dotro 'ɔɔn tatu 'klɩsa 'ɔma bɔtɔ 'umɩ.

Lukë 22:27

Nyɔɔ 'plɛɛ bä kpakö le? ‑Mɔlɔ bäa' 'töwlö ‑gälɩ, ‑maa ‑mɔlɔ ‑fɛɛɛa' 'jrʋpa? ‑Mää ‑mɔlɔ bäa' 'töwlö ‑gälɩ ‑a? ‑Maa 'mɔɔlɔ nɩ, 'n bä 'ana ‑tɔrʋpɩɔ ‑beere 'ana 'fɩɔa 'jrʋpafɛnyɔɔ.

'Nyügälɩjawii 16:15

«‑Jää, 'nyaa jia ‑beere 'jejienyɔɔ. Abɩa dɔrʋ 'bla nyɔɔlɔ 'nyɩ 'mʋmɔa', ‑bɛ ɔ ‑tʋʋäa' 'ɔa 'koti ‑wälɩ 'kä 'ɔ ‑pɩ ‑gbagba 'pa ‑bɛ 'nyüsü ‑pɩa' 'bla nyüüa 'klɩ.»