Lukë 12:32 - Kuö Dëdrä Jenɛɛsë Rutë

³² «Ŋalɛ 'nyɩ 'bla 'amɩ, 'amɔ ‑beerea' ‑bablëëkpa jɔ, 'be 'tʋ 'i kä Tʋ, 'ɔnya ‑nyɩ 'amɩ 'kamaplälä.

Lukë 12:32 Referans Kwoze

Ebröönyüü 12:28

‑Bɛ 'kamaplälä Nyɔsʋa ‑nyɩa' amɩ 'nyɩa' ‑gbogbloosa bä nɩ, a 'trɛɛ 'ɔmɩ. Ana 'tɛtrɛɛkʋ 'lɩ ‑a bibie 'ɔɔn 'sɩrɩ 'ɔ 'bataa', ‑a ‑träärälɩ 'ɔɔn, 'kä ‑a pɩɛ 'ɔɔn.

'Nyügälɩjawii 1:6

'Ɔ nrörö amɩ 'kamaplä 'lɩ 'ɔnya nrörö amɩ ‑gbɔsapɛrɩnyüü 'lɩ amä 'ɔa Tʋ Nyɔsʋaa 'jrʋpafɛ. Abɩa 'wliklɩbʋbʋakʋ nyra 'klü bä Jesu 'lɩ 'plɔʋplɔʋa ‑gʋ! 'Asɩ i bä.

Filipënyüü 2:13

'be Nyɔsʋa ‑nyɛɛ 'amɩ 'nyienyiekʋa 'klü nyra 'ia nʋnʋkʋa 'klü amä wiili käa' 'ɔɔn 'tʋ nʋ.

Lukë 10:21

'A 'ia 'taɩn 'lɩ dotro dɔrʋ 'si Jesu 'klɩ 'Nyüna ‑Susu 'lɩ 'ɔ ‑nëma: «Tʋ, cɛ nyra ‑tʋtʋa 'Pläkänyɔɔ, 'n 'trɛɛ ‑mɩ 'sɩrɩ nʋa' ‑bɛ ‑sisrea' wiili 'lɩglanyüü nyra ‑pɔɔkɩjrenyüü ‑gba, ‑bɛ ‑sraraa' 'iin 'jütɛtɛɛ. ‑Yɛɛ, Tʋ, 'a wiili käa' ‑mɩ 'tʋ, 'ii nʋ!

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

2 Tɛsalonikënyüü 1:11

'A 'ia ‑gʋ a bibie 'ana 'wlili 'taɩn a 'fɩɔ 'lɩ, ana Nyɔsʋalɔ wea' 'amɩ 'mä 'lɩ 'amɩ 'kʋɛɛ, ‑bɛ 'ɔmä 'amɩ 'klülɩpa, 'amä wiili kä 'fɩɔ 'naa' nʋ 'ɔa 'klü 'lɩ 'ana nyɔsʋaplɛtorokʋa ‑gʋ.

2 Piɛɛrë 1:11

'Inya 'amɩ ana 'Pläkänyɔɔ, ana 'Lɩmlɩbanyɔɔ Jesu 'Kriisëa 'kamaplälä 'nyɩa' blöröfa kä, 'äa tatu 'klɩsaa.

Matiö 14:27

'A ‑plɩɩ Jesu kʋ dotro 'ɔnya ‑gbala 'üün: «'Ba 'pa plɛ 'mlɩ, ŋalɛ 'nyɩ 'bla 'amɩ, 'mɔɔ bäsaa.»

'Nyügälɩjawii 22:5

‑Gbia ‑ka ‑nëmä 'lɩ ‑a bä, 'üa ‑gbʋʋ ‑ka ‑nëmä 'napɛ nyra 'jrʋa 'batakʋ ‑gba ‑a bä, 'be 'Pläkänyɔɔ Nyɔsʋa nëmä 'üün ‑gälɩ ŋʋala, 'kä 'ünya 'kama 'plɔʋplɔʋa ‑gʋ.

2 Tɛsalonikënyüü 1:5

Nyɔsʋa srara 'ia ‑plɩɩlɩ 'sɩrɩ 'ɔa ‑gätʋtʋkʋ bäa' 'cɩcasa, 'amä Nyɔsʋaa 'kamaplälä kä ‑gʋ 'a 'jääa' ‑sʋɩ, 'klɩ 'wʋ.

Rɔmënyüü 6:23

‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.

Jaakë 2:5

'Ba ponyakli 'na plɛ ‑gälɩa ‑wlajü 'amɩ: ‑mää nyüülü 'plä 'daraa' 'pʋablanyüü nɩ, ‑mää 'üün Nyɔsʋa 'nyɩ 'lɩba 'kä 'üa 'bɩɔ 'mä nyɔsʋaplɛtorokʋ bä, ‑bɛ 'ɔa 'plälä 'ɔ tɛrɛa' nyüülü ‑waa' 'ɔɔn, 'ümä 'äa ‑jaaa ji?

Jaan 18:36

'Iibäa' Jesu nɩ: «‑Mää ‑pɩ ‑tʋtʋ ‑gälɩ 'na 'kamaplä 'nyɩ bä. 'Na 'kamaplä ma bä ɩ ‑pɩ ‑tʋtʋ ‑gälɩ nɩ, 'na 'jrʋpafɛnyüü nya ɩ 'na 'wli 'lɩa tou ‑fua, 'nyɩ ‑pɩ juifë kälɩ blö. ‑Maa ‑mää 'iin ‑a, 'na 'kamaplä 'nyɩ ‑pɩ ‑tʋtʋ ‑gälɩ ‑a bä.»

Matiö 20:16

«'Asɩ 'i bä: dɛrɩtäpanyüülü nɩ, 'ünya ‑srɩɩ 'wliklɩ bäa, 'kä ‑mülü bäa' 'wliklɩ nya ‑srɩɩ dɛrɩtäpa. 'Be tuponyüü ‑sümlö, ‑maa ‑mülü 'ü 'baa' 'lɩ 'nyɩ ‑sümlö ‑a ‑sümlö.»

Matiö 7:15

«'Ba ‑tre 'ana nyüfë ‑gbagblɛ nyɔsʋaamlɩpalanyüüa ‑gʋ! ‑Bablëëjüa 'fu 'ü 'paa ‑gälɩ ‑bɛ 'ü jö 'ana ‑tɔrʋpɩɔ, ‑maa klaklamlaa 'ü bä.

Akëtë 20:28

'Ii känyrɩ 'ba ‑tre 'ana nyüfë, 'ba ‑gäälä nyüülü kä 'fɩɔ 'Nyüna ‑Susu ‑nyɩa' 'amɩ kälɩ 'nyü ‑gba, 'sɩrɩ nyɔɔ ‑glaara ‑bablëëjü ‑gälɩ. 'Ba bä Nyɔsʋaa 'cɛcɩa 'nyiöligälänyüü; 'ɔa 'Jʋa 'mʋgbɛa ‑toru 'ɔ nʋ 'ɔnya ‑su 'üün.

Akëtë 20:29

'N jre 'iin 'sɩrɩ ama toroa' 'lɩ ‑gälɩ klaklamlaa 'mäa' 'ana ‑tɔrʋpɩɔ pala, 'ü ‑nëmä ‑bablëëjüa nyatɛrɩ ‑a 'jä.

1 Korɛɛntënyüü 1:21

'Be Nyɔsʋaa 'lɩgaglakʋ 'lɩ nɩ, 'ɔ nʋ 'iin 'plä ‑pɩ 'lɩgaglakʋ nʋ 'ä ‑pɩ 'ɔɔn jre. 'A 'ia ‑gʋ Nyɔsʋa 'daa 'papawiili a 'paaa' nɩ, 'ii 'ü 'daraa' mlüü, 'inya kä Nyɔsʋa 'tʋ 'ɔmä 'iin kälɩ ‑srörö ‑bɛ 'ɔmä 'lɩmlɩ nyüülü toroa' 'ɔɔn plɛ 'ba.