Lukë 12:21 - Kuö Dëdrä Jenɛɛsë Rutë

²¹ Jesu nya ‑gbala 'üün: «Nyɔɔlɔ kä 'mʋgbɛ 'paplaa' käkädii ‑gba ‑bɛ ɔnyɩa' Nyɔsʋaa ‑nyɛɛ dɛɛ kälä nɩ, ‑jää wiili jräa' 'ɔɔn ‑gälɩ.»

Lukë 12:21 Referans Kwoze

Jaakë 2:5

'Ba ponyakli 'na plɛ ‑gälɩa ‑wlajü 'amɩ: ‑mää nyüülü 'plä 'daraa' 'pʋablanyüü nɩ, ‑mää 'üün Nyɔsʋa 'nyɩ 'lɩba 'kä 'üa 'bɩɔ 'mä nyɔsʋaplɛtorokʋ bä, ‑bɛ 'ɔa 'plälä 'ɔ tɛrɛa' nyüülü ‑waa' 'ɔɔn, 'ümä 'äa ‑jaaa ji?

Lukë 12:33

'Ba 'pa 'ana käkädii 'peru, 'kä 'a ‑nyɛɛ 'pʋablanyüü. 'Ba nʋ pɔtëmɔnɛɛlɛ 'nyɩ bʋblɔa', ɛ kä mlɩa 'bɩɔ 'nɩ 'bölöa' 'klɩ. 'Ba ‑tʋ 'uun cɛlɩ 'jejienyüü ‑nëmä 'ɛɛn ‑gälɩ ‑a jrä, ‑bɛ 'nya 'nyɩ 'lɩ ‑a bä 'imä 'uun bʋblɔ.

'Nyügälɩjawii 2:9

'N jre wiili ‑nöa', ‑na ‑sʋɛ nyra ‑na 'pʋa, ‑maa ji 'bɩɔ. 'N jre 'sɩrɩ ‑mölöö ‑jejreea' ‑mɩ. 'Ü nɩnɩa juifë 'ü bä, ‑maa ‑gbagblɛ bäsaa. Sataan a ‑jria 'ü bä.

Rɔmënyüü 2:5

‑Na 'nyakliwlisusukʋ nyra ‑na plɛlɛ 'nyɩ 'cicia' nɩ, 'ia ‑gʋ 'ɔa 'crɛ bä ‑mɩ ‑gälɩ ‑bɛ ‑glaaa Nyɔsʋaa 'crɛa srara ‑srɩa 'taɩn 'lɩ 'ɔmäa' nyüüa ‑gä ‑tʋ 'klɩgäsa.

Lukë 16:11

‑Bɛ 'ama 'nyɩ ‑träärälɩ 'bɩɔlʋ bäa' ‑pɩ ‑tʋtʋ ‑gälɩ ‑a nɩ, nyɔɔ 'plɛɛ 'mä 'amɩ 'mʋfa 'bɩɔ ‑nyɩ le?

Lukë 6:24

‑Maa busukʋ jrä 'amɩ ‑gälɩ, 'amɔ 'bɩɔjinyüü 'amɩ, 'anya 'a kä 'ana nu ‑jɔrʋ 'jä!

2 Korɛɛntënyüü 6:10

'Ü pala amɩ sɩɔ, ‑maa dɔrʋ 'blaa amɩa 'doo. 'Ü 'dara amɩ 'pʋablanyüü, ‑bɛ a nrörö nyüü 'kɔkɔmlɛ 'bɩɔjinyüü 'lɩ. 'Ü nɩnɩa anyɩ dɛɛ ‑a kä, ‑bɛ a kä diia 'fɩɔ.

1 Timotee 6:9

Nyüülü 'bataa' 'bɩɔjijikʋ 'nyɩ 'lɩ ‑balʋ dɛrɩ ‑a tʋŋlɔ, 'ü böblö ‑gbasu mlɩ: mlüüdii 'kɔkɔmlɛ nyra bʋbɔdiia 'tʋ 'tutro nyüü bʋblɔkʋ nyra 'mɔlɔkʋ 'lɩ.