Lukë 11:39 - Kuö Dëdrä Jenɛɛsë Rutë

³⁹ 'Iibäa' 'Pläkänyɔɔ nɩ: «'Amɔ Farisinyüülü nɩ, ‑köwü nyra 'plëëa ‑gälɩlɩ nyüü 'jääa' 'wʋ nɩ, 'ii 'a kpëtä, ‑maa 'ana 'mlɩ 'si 'jejiekʋ nyra bʋbɔwii.

Lukë 11:39 Referans Kwoze

Jaakë 4:8

'Ba jijrö Nyɔsʋa ‑gba, ‑bɛ 'ɔmä 'amɩ ‑gbajijrö. ‑Balʋnyüü 'amɩ, 'ba 'wʋ ‑fre 'lɩ; 'ba kpëtä 'ana polu, 'amɔ käa' polu 'sɔɔ!

Titë 1:15

Nyüülü 'nyɩa' ‑fre pa, diia 'fɩɔ kpëträ 'üa ‑gʋ, ‑maa ‑mülü 'paa' ‑fre ‑bɛ 'ünyɩ toroa' Nyɔsʋa plɛ nɩ, dɛɛ 'dee 'nyɩ kpëträ ‑a kpëträ 'üa në ‑gʋ, 'üa wiijejrekʋ pa ‑fre, 'üa plɛ nya 'su 'wʋ.

Akëtë 5:3

Piɛɛrë nya ‑gbala 'ɔɔn: «Ananiasë, dɛplɛɛ kä ‑gʋ ‑cɛɛrɛ Sataan ‑wälɩ ‑bɛ 'ɔ fa ‑na plɛ le? 'Nyüna ‑Susu ‑saara ‑gbagblɛ ‑nya ‑tʋ putulu ‑paaa' 'perua möliia 'pɛ 'dee ‑wälɩ.

Matiö 15:19

Nyɔɔa plɛklɩ, 'ii ‑balʋwiia bobokʋ sɔ: nyüübablakʋ, bätësa, ‑sagbili Nyɔsʋa 'nyɩ 'bataa', 'jejiekʋ, nyɔɔa ‑gbagblɛ ‑gälɩtʋtʋkʋ nyra nyüüa bʋbɔnyrɩa 'papakʋ.

Matiö 7:15

«'Ba ‑tre 'ana nyüfë ‑gbagblɛ nyɔsʋaamlɩpalanyüüa ‑gʋ! ‑Bablëëjüa 'fu 'ü 'paa ‑gälɩ ‑bɛ 'ü jö 'ana ‑tɔrʋpɩɔ, ‑maa klaklamlaa 'ü bä.

Jenɛɛsë 6:5

Yawe 'jäa' nyüü ‑bɛ 'ü nöa' ‑balʋ 'kɔkɔmlɛ ‑tʋtʋ ‑gälɩ, ‑bɛ wiili kä 'fɩɔ 'üa plɛ boboa' falaa' ‑balʋa 'dooa 'pɛlɩ nɩ,

Galaatënyüü 1:14

‑Bɛ 'na ‑mölöö juifëa ‑tɔrʋpɩɔ 'mɔɔ ma fumö, 'mɔɔ ma ‑träärälɩ juifëcɛcɩ ‑gböösa, 'mɔɔ ma ‑träärälɩ ana tʋɩɩa ‑dɔ.

Jaan 12:6

Wiili 'ɔ 'paaa' nɩ, ‑mää 'pʋablanyüüa ‑gʋ 'ɔnyɩ 'jä 'kasa ‑sʋɩ. 'Jejienyɔɔ 'ɔ bä: ‑bɛ 'ɔ ‑tʋʋä mölii ‑wälɩ, 'asɩ mölii paa' 'asɩ 'ɔ 'balɩ.

Lukë 16:15

'Ɔnya ‑gbala 'üün: «'A nö dii ‑beere 'sɩrɩ 'a bäa' 'cɩcanyüü, ‑maa Nyɔsʋa jre 'ana polu. Dɛɛlɛ nyüü 'daraa' dɛɛ nɩ, 'ɛ bä cacɩ Nyɔsʋaa 'klʋɩ ‑gälɩ.

Lukë 7:13

'Pläkänyɔɔ 'jäa' 'ŋlʋʋlɔ nɩ, 'ɔa nyatɛrɩ nya 'bla 'ɔɔn; 'ɔnya ‑gbala 'ɔɔn: «‑Nyɩ 'wu!»

2 Timotee 3:5

Yrʋsa 'ü toro Nyɔsʋa plɛ, ‑maa 'tasɩrɩ 'ünyɩ 'dara Nyɔsʋaa 'klü wii ‑a. Tʋŋlɔlɩ 'ia nyüülü dɛrɩ!

Jaan 13:2

'Ɔ nyra 'ɔa 'wʋnyɛrɛnyüü jö ɩ dɛɛ ‑gbiajrʋ 'lɩ. 'Ia 'taɩn 'lɩ nɩ, Sataan 'a ɩ Judaa Isëkario Simɔɔa 'jʋa 'wli 'lɩ bʋblɔ, 'ɔmä 'ɔɔn 'sa.

Lukë 7:19

'Ɔnya 'ba 'üa ‑tɔrʋpɩɔ nyüü 'sɔɔ 'ɔnya blɔ 'üün Jesu dɛrɩ ü 'bete 'ɔɔn ɔma bä nyɔɔlɔ nëmä ɩa' ji, ‑ale 'ia nɔ ma ‑ka bä dɛrɩ.