Lukë 11:2 - Kuö Dëdrä Jenɛɛsë Rutë

² 'Ɔnya ‑gbala 'üün: «'Ama bibie Nyɔsʋa nɩ, 'ba 'daa: Ana Tʋ, ɔ bäa' cɛa 'mlɩ, abɩa ‑na 'nyünanyrɩ 'bʋala; abɩa ‑na 'kamadɛɛ 'tɔ ‑tʋtʋ ‑gälɩ. Wiili ‑baataa', i nrörö ‑tʋtʋ ‑gälɩ 'sɩrɩ 'i nröröa' cɛa 'mlɩ.

Lukë 11:2 Referans Kwoze

'Nyügälɩjawii 15:4

Nyɔɔ 'plɛɛ ‑nëmä ‑mɩ nyɔɔwʋba le, 'Pläkänyɔɔ? Nyɔɔ 'plɛɛ 'mä 'daa 'ɔ ‑nëmä ‑na 'nyrɩ ‑a 'bʋala le? 'Be ‑na 'doo ‑na 'nyü 'ü 'na, 'kä ‑tʋtʋ ‑gälɩa ‑glügbüa 'fɩɔ nya ‑mɩ 'wlitrarakalɩ ji, 'be ‑na 'klɩgägäkʋ crɛrɛwʋ.»

'Nyügälɩjawii 20:4

'Pɩrɩgälɩ nɩ, 'nyaa 'jä 'kɩɩkpatë; Nyɔsʋa ‑nyɩ nyüülü kʋa' 'lɩ ‑gälɩ 'klü 'ümä nyüüa ‑gä ‑tʋ. 'Nyaa 'jä nyüülü kä 'wia 'ü 'bö böa' 'lɩ, 'üa ‑sisi. Jesua 'cɩcasa nyra nyɔsʋaawiili 'ü 'paaa', 'ia ‑gʋ 'ü 'bla 'üün. 'Ünyɩ mrɛɛlɛ nyra 'ɛa ‑papaa nɛ ‑a ‑pʋpʋa. 'Üa 'dari ‑gba nyra 'üa 'kʋtapra ‑gälɩ 'nyɩ 'ɛa tie ‑a bä. 'Ünya sɔ jäjäa 'mlɩ 'üü ‑bɛ 'Kriisë 'mä 'kama 'kamaa ‑sɩa ‑diisɔɔ ‑glʋɩpʋ (1 000).

1 Tɛsalonikënyüü 1:3

'Asɩ a bibiea' ana Tʋ Nyɔsʋa nɩ, a 'paa 'jrʋpalä 'ana nyɔsʋaplɛ ‑fɛɛɛa', 'äa ‑gä plɛ, 'ana ‑wawlakʋlʋ ‑fɛɛɛa' 'jrʋpa nyra 'ana plɛlɛ 'a 'piea' ana 'Pläkänyɔɔ Jesu 'Kriisë ‑gälɩ ɛnyɩ sɩaa'.

Filipënyüü 4:20

Abɩa ana Tʋ Nyɔsʋa 'bʋala 'taɩn a 'fɩɔ 'lɩ! 'Asɩ i bä!

Filipënyüü 1:2

Abɩa Nyɔsʋalɔ bäa' ana Tʋ nyra ana 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ.

Ɛfɛsënyüü 1:2

Abɩa Nyɔsʋalɔ bäa' ana Tʋ nyra ana 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ.

2 Korɛɛntënyüü 1:2

Abɩa ana Tʋ Nyɔsʋa nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ!

1 Korɛɛntënyüü 1:3

Abɩa Nyɔsʋalɔ bäa' ana Tʋ nyra 'Pläkänyɔɔ Jesu 'Kriisëa ‑gbinanakʋ, nyra plɛgälɩflɛrɛkʋ bä 'amɩ ‑gälɩ.

'Nyügälɩjawii 19:6

'I ‑sia' nɩ, 'n 'nu 'wʋsɔɔrɔwii 'wli cɛlɩ, 'i ‑beere nyüü 'kɔkɔmlɛa 'papawii, 'i ‑beere 'nie kpakia mlɩa wii, 'i ‑beere ‑mamɛɛa kpakia mlɩa wii ‑bɛ 'i nö: «Aleluya! 'Pläkänyɔɔ, ana 'Nɩmrɛɛ Nyɔsʋa, 'a 'ɔa 'kamakʋ 'käsri!

'Nyügälɩjawii 11:15

'Pɩrɩgälɩ nɩ, ‑uunsɔɔa nɔ 'aanjë nya bö 'ɔa dɛglɛ. Mlɩa wii kpakü 'pala cɛlɩ wii, ‑bɛ 'i nö: «‑Tʋtʋ ‑gälɩa nyüüa 'kamaplä bä ‑mlatɩ ana 'Pläkänyɔɔ nyra 'ɔa 'Kriisëa kälɩ, 'kä 'ɔa 'kamakʋ nya 'lɩbä 'plɔʋplɔʋa ‑gʋ!»

1 Tɛsalonikënyüü 1:1

'Mɔɔ 'Pɔɔlë ‑bɛ Silvɛɛn nyra Timotee, amɔ ‑jɩjra 'cɛcɩlɛ bäa' Tɛsalonikëbätä 'wʋ, ɛ bäa' ana Tʋ Nyɔsʋa 'lɩ, ɛ bäa' bɩa 'Pläkänyɔɔ Jesu 'Kriisë 'lɩ: abɩa ‑gbinanakʋ nyra plɛgälɩflɛrɛkʋ bä 'amɩ ‑gälɩ i sɔa' ana Tʋ nyra 'Pläkänyɔɔ Jesu 'Kriisëa ‑nyɛɛ!

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

Kolɔɔsënyüü 1:2

amɔ ‑jɩjraa' 'amɩ 'wʋ, 'amɔ Nyɔsʋaa 'nyünanyüülü kʋa' Kolɔɔsëbätä; 'amɔ 'Kriisë 'lɩa plɛgälɩpie ‑wlajü. Abɩa Nyɔsʋalɔ bäa' ana Tʋ nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ.

Rɔmënyüü 8:15

‑Bɛ ‑Susulu Nyɔsʋa ‑nyɩa' 'amɩ nɩ, ‑mää ‑geeidɛɛ nyra ŋalɛ 'mä 'sɔɔwʋ 'amɩ 'blaa ‑gʋ ‑a. ‑Maa 'ɔ ‑nyɩ 'amɩ ‑Susulu nröröa' 'amɩ 'sɔrɔjü 'lɩ. 'Uu känyrɩ ‑bɛ a we Nyɔsʋa: «Aba! Tʋ!»

Matiö 10:32

«Nyɔɔ o nyɔɔ 'mäa' 'mɩ jre nyüüa 'klɩ nɩ, 'na 'mʋgbɛlɔ nɩ, 'nyaa 'ɔɔn jrea 'na Tʋlɔ bäa' cɛlɩ, 'ɔa 'klɩ.

Matiö 5:16

'Asɩ 'ana 'napɛ kä 'ɛmä bɩa nyüü ‑gälɩ ŋʋala, 'ümä 'mʋfa ‑gbili 'a nöa' 'jä, ‑bɛ 'ümä 'ana Tʋlɔ bäa cɛɩɩa 'mlɩ 'bʋala.

Matiö 3:2

‑maa: «'Ba toro 'lɩ ‑balʋ ‑gälɩ, 'be Cɛɩɩa 'kamaplä ‑kanyɩ 'lɩdɛrɩ ‑a tʋŋlɔ!»

Galaatënyüü 1:4

'Kriisëlɔ 'saa' 'ɔa 'klä ana ‑balʋa ‑gʋ, 'ɔmä amɩ ‑taa bʋbɔplälä kʋa' ‑pɩa 'klü mlɩ 'ba, 'sɩrɩ ana Nyɔsʋalɔ bäa' Tʋ 'bataa'.

Rɔmënyüü 1:7

'N ‑jɩjra 'ana 'fɩɔlü bäa' Rɔmë 'wʋ, Nyɔsʋaa ‑wawanyüü 'amɩ, 'amɔ bäa' 'ɔa 'nyünanyüü. 'N 'trɛɛ 'amɩ; abɩa Nyɔsʋalɔ bäa' ana Tʋ nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ!

Lukë 11:1

'Taɩn 'doo 'lɩ nɩ, Jesu bereklɩ 'ɔnya mi Nyɔsʋa bibiekalɩ. 'Ɔ 'wlaraa' nɩ, 'ɔa 'wʋnyɛrɛnyüü ‑mölöö nya ‑gbala 'ɔɔn: «'Pläkänyɔɔ, 'kpɩa amɩ nyɔsʋaabibiekʋ, 'sɩrɩ Jaan 'kpɩaa' 'ɔa 'wʋnyɛrɛnyüü.»