Lukë 11:13 - Kuö Dëdrä Jenɛɛsë Rutë

¹³ 'Amɔ kä plɛ bʋbɔa', 'a jre 'ana 'jüa 'mʋfadiia ‑nyɩnyɩkʋ. ‑Maa 'ana Tʋlɔ bäa' cɛlɩ 'ɔɔ ‑nëmä 'Nyüna ‑Susu nyüülü ‑sɛɛɛa' 'ɔmɩ 'uun ‑nyɩ!»

Lukë 11:13 Referans Kwoze

Matiö 7:11

'Amɔ kä plɛ bʋbɔa', 'a jre 'ana 'jüa 'mʋfadiia ‑nyɩnyɩkʋ. ‑Maa 'ana Tʋlɔ bäa' cɛlɩ 'ɔɔ ‑nëmä 'mʋfadii nyüülü ‑sɛɛɛa' 'ɔmɩ 'iin ‑nyɩ?

Jaan 4:10

'Iibäa' Jesu nɩ: «‑Ama jre ɩ dɛɛlɛ Nyɔsʋa ‑nyɩa' ‑mɩ nɩ, ‑bɛ ‑ama jre ɩ nyɔɔlɔ 'daaa': ‹‑Nyɩ 'mɩ 'nɩ ‑a 'mla› nɩ, ‑na 'mʋgbɛ ‑tɛɛ, ‑mä nëmä 'ɔɔn ‑sɛ ‑mä 'mla 'kä 'ɔnya ‑mɩ 'nɩlɩ ‑nyɛɛa' 'klä ‑nyɩ.»

Rɔmënyüü 8:32

'Ɔɔ 'nyɩa' 'ɔa 'Jʋ 'klɩbere ‑bɛ ɔ 'saa 'ɔɔn ana 'fɩɔa ‑gʋ, ‑asɩ 'ɔ ‑nëmä bɩa 'ɔa 'Jʋ nyra amɩ diia 'fɩɔ ‑nyɩ le?

Akëtë 2:38

'Iibäa' Piɛɛrë nɩ: «'Ba toro 'lɩ ‑balʋ ‑gälɩ, ‑moloo ma bälɩ 'kä 'ü 'paa 'ɔɔn 'nɩwli Jesu 'Kriisëa 'nyrɩklɩ, 'ɔa ‑balʋ 'mä 'ɔmɩ cere, ‑bɛ Nyɔsʋa 'mä 'amɩ 'Nyüna ‑Susu ‑nyɩ.

Matiö 6:14

«'Be 'ama cere nyüü 'üa ‑balʋ, 'ana Tʋ bäa' cɛa 'mlɩ 'ɔnya 'amɩ 'ana ‑balʋ cerea.

Matiö 6:32

'Be 'ia ‑taa diilia 'fɩɔlʋ nɩ, nyüülü 'nyɩa' Nyɔsʋa jre 'bata 'iin ‑gböösa. 'Be 'ana Tʋlɔ bäa' cɛlɩ, 'ɔ jre diilia 'fɩɔ 'makɩa' 'amɩ.

Lukë 11:2

'Ɔnya ‑gbala 'üün: «'Ama bibie Nyɔsʋa nɩ, 'ba 'daa: Ana Tʋ, ɔ bäa' cɛa 'mlɩ, abɩa ‑na 'nyünanyrɩ 'bʋala; abɩa ‑na 'kamadɛɛ 'tɔ ‑tʋtʋ ‑gälɩ. Wiili ‑baataa', i nrörö ‑tʋtʋ ‑gälɩ 'sɩrɩ 'i nröröa' cɛa 'mlɩ.

Matiö 6:30

‑Bɛ Nyɔsʋa ma nʋ 'saa ɔma 'sroo 'klʋɛɛa 'sipili nëmäa' ‑pɩ doro 'ümäa' 'pütö nɩ, ‑asɩ 'ɔ ‑nëmä 'amɩ 'sroo le, 'amɔ kä nyɔsʋaplɛ 'nyɩa' 'bʋa?

Matiö 5:45

'A nöa' 'saa nɩ, nyüü 'a srara 'sɩrɩ 'a bäa' 'ana Tʋlɔ bäa' cɛlɩ, 'ɔa 'jü; 'be 'ɔ ŋʋala 'ɔa 'jrʋ plɛbʋbɔnyüü nyra 'cɩca nyüüa ‑gälɩ; 'ɔa 'nʋŋlʋ 'dara ü ‑gäa' 'klɩ nyra nyüülü 'nyɩa' 'klɩgä ‑gälɩ.

Matiö 5:16

'Asɩ 'ana 'napɛ kä 'ɛmä bɩa nyüü ‑gälɩ ŋʋala, 'ümä 'mʋfa ‑gbili 'a nöa' 'jä, ‑bɛ 'ümä 'ana Tʋlɔ bäa cɛɩɩa 'mlɩ 'bʋala.

Rɔmënyüü 7:18

'N jre 'iin 'sɩrɩ 'cɩcasa 'nyɩa' 'mɩ 'lɩ bä, 'na 'jajɛ 'n 'daa. 'N 'bata 'cɩcasaa nʋnʋkʋ 'mʋfasa, ‑maa 'nyɩ 'ia 'klü ‑a kä.

Rɔmënyüü 5:17

Jäjä ma kälä nyüü 'klü ‑gälɩ nyɔɔ 'dooa ‑balʋa ‑gʋ nɩ, nyɔɔ 'doo Nyɔsʋa ‑srörö kälɩ 'ɔnya ‑nyɩ nyüü i ‑sia' 'wʋ: nyüülü 'ɔ ‑nyɛɛa' 'ɔa ‑gbinanakʋlʋ 'ɔnyɩ 'mɩsɩa' nyra 'klɩgägäkʋ, 'ünya 'klä 'jäa Jesu 'Kriisëa 'dooa 'nyrɩklɩ 'kä 'ü nyra 'ɔɔn nya 'kama.

Titë 3:3

Ana 'mʋgbɛlü nɩ, anyɩ kä 'lɩ ‑a ‑gla, a ma blajra, 'mɔlɔnyüü a ma bä. Dɛɛnyü nyra bʋbɔdiili käa' ana plɛ 'tʋ 'ia ‑goou a ma bä. Plɛbʋbɔkʋ nyra ‑wasägbi 'lɩ a ma kʋ, nyüü ma jrara amɩ 'nyüamlɩ ‑bɛ a ma jrajranyüamlɩ.

Jenɛɛsë 8:21

Yawe nya 'kʋɛɛ ɩa' 'mʋfa 'nɔnʋ, 'ɔa plɛklɩ 'ɔ ‑nëma: «'N ‑ka ‑nëmä ‑tʋtʋ ‑a busu nyɔɔa ‑gʋ, 'be kolo 'ɔa ‑sëgbadɛɛ 'lɩ 'kä nɩ, wiili 'ɔa plɛ 'bataa' 'i bʋbɔ. 'N ‑ka ‑nëmä diili kä 'fɩɔ bäa' 'lɩ ‑a ‑gblooo, ‑beere 'sɩrɩ 'n nʋa' ‑plɩɩ.

Lukë 11:12

'Aiɛ, ɔma ‑sɛ 'ɔɔn sapëgɩ nɩ, 'kä 'ɔnya 'ɔɔn ‑gbätä ‑nyɩ?

Lukë 18:7

‑Bɛ Nyɔsʋa le? 'Ɔa 'jülü 'ɔ 'baa' 'lɩ ü wea' ‑srɩ ‑bɛ ‑gbia 'sɔ nɩ, 'ɔ ‑nëmä 'üün 'üa ‑gä ‑a ‑nyɩ? 'Ɔnya dɛrɩ ‑wlɛa 'ɔmä 'üün ‑gbaji?