3 «'Ba mi! Blɔ 'n blɔ 'amɩ ‑beere nyɔɔ blɔ ‑bablëëjü 'klʋɛɛa ‑fäa ‑tɔrʋpɩɔ.
«'Ba mi! Blɔ 'n blɔ 'amɩ ‑beere ‑bablëëjü bä 'klʋɛɛa ‑fäa ‑tɔrʋpɩɔ. 'Ia ‑gʋ 'ba ‑tre 'ana nyüfë ‑beere ‑trii ‑bɛ 'ba 'wlalɩkä ‑beere ‑sögü.
'N jre 'iin 'sɩrɩ ama toroa' 'lɩ ‑gälɩ klaklamlaa 'mäa' 'ana ‑tɔrʋpɩɔ pala, 'ü ‑nëmä ‑bablëëjüa nyatɛrɩ ‑a 'jä.
'Ünya 'amɩ juifëa 'sraaplanyëka ‑wälɩ prɛa. ‑Bɛ 'sɔɔwʋ, 'taɩn jö, 'üü 'mä 'amɩ 'babla. 'Ümäa' 'iin nʋ nɩ, 'üa plɛ nɩnɩa Nyɔsʋaa 'jrʋpa 'ü ‑fɛɛɛ.
'Ba 'pa waklöölä 'n ‑gbala käa' 'amɩ plɛ: ‹'Jrʋpafɛnyɔɔ 'nyɩ 'ɔa 'kamanyɔɔ 'wʋ ‑a ‑si.› Üma nʋ 'mɩ ‑gbi ‑gba, 'ünya 'amɩ ‑gbi ‑gba nʋa bɩa; üma ‑träärälɩ 'na mlɩa wii, 'ünya 'lɩ 'ana ni ‑trääräa bɩa.
Nyüüa 'fɩɔ nëmä 'amɩ 'nyüamlɩjraraa 'na 'nyrɩa ‑gʋ, ‑maa nyɔɔlɔ ‑nëmäa' 'iin 'klɩfɔlɔ, ɔmäa' 'ia bɩarafa 'wʋ 'tɔ nɩ, 'ɔnya 'lɩmlɩwʋa.
«'Ba ‑tre 'ana nyüfë ‑gbagblɛ nyɔsʋaamlɩpalanyüüa ‑gʋ! ‑Bablëëjüa 'fu 'ü 'paa ‑gälɩ ‑bɛ 'ü jö 'ana ‑tɔrʋpɩɔ, ‑maa klaklamlaa 'ü bä.
'ɔmä ‑pɔɔkɩ ‑jɩjra 'ɔmä 'ɔɔn ‑nyɩ, juifëa 'sraaplanyëka bäa' Damasëbätä 'lee nɩ, 'ɔmä 'lɩ mi. Ɔma 'järä 'lɩ nyɩberü 'aiɛ 'ŋlëgë üma prɛ Jesua 'Nyʋfɔa Nyüü dɛrɩ nɩ, 'ɔmä 'üün kpasa ‑bɛ 'ɔmä 'üün Jerusalɛɛmë ja.
‑Maa 'jrʋpafɛnyɔɔlɔ 'nyɩa' ‑bablëëgbanyɛrɛnyɔɔ bä, ‑bɛ ɔnyɩa' ‑bablëëlë kä nɩ, ɔma 'jä kaklamrɛɛ ɛma ji nɩ, 'a ‑plɩɩ 'ɔ tɩɛ ‑bablëë 'kä 'ɔ fɔ, 'kä kaklamrɛɛ 'babla 'üün, 'kä 'ü ‑gbagba 'kä.
‑Sʋɛlɛ kä 'fɩɔ 'ɔmäa' 'jä 'na 'nyrɩklɩa ‑gʋ nɩ, 'nyaa 'ɔmɩ 'ɛɛn sraraa.»
'Anyɩ fa pɔtëmɔnɛɛ, 'anyɩ fa sakɔsʋ, 'anyɩ fa 'sii ‑mɩdoo, 'anyɩ 'nyüglö 'anyɩ 'trɛɛ nyüü 'nyʋfɔ mlɩ.