Lukë 10:2 - Kuö Dëdrä Jenɛɛsë Rutë

² 'Ɔnya ‑gbala 'üün: «Putulu nëmäa' 'bölö 'bʋa, ‑maa 'ua 'böbönyüü 'nyɩ ‑sümlö ‑a ‑sümlö. 'Ii känyrɩ, 'ba bibie Nyɔsʋa ɔ bäa' putukänyɔɔ, 'ɔmä 'jrʋpafɛnyüü ‑mölöö ja, 'ümä ji 'ümä 'uun 'bö.

Lukë 10:2 Referans Kwoze

1 Tɛsalonikënyüü 5:12

‑Gbala a ‑gbala 'amɩ ‑wlajü 'amɩ, 'ba ‑träärälɩ nyüülü bäa' 'ana ‑tɔrʋpɩɔ ü ‑fɛa' 'Pläkänyɔɔa 'jrʋpa, ü 'tierea' 'amɩ, ü 'paa' 'amɩ ‑tɔɔlɩ.

Marëkë 16:15

'Ɔnya ‑gbala 'üün: «'Ba mi 'pläa 'fɩɔ ‑gälɩ, 'ba 'saralɩ nyüüa 'fɩɔ 'mʋfagogo.

2 Timotee 4:5

‑Maa ‑mɔlɔ nɩ, ‑tre ‑na nyufa wiia 'fɩɔa 'mlɩ, 'nyiere ‑sʋɩ 'klɩ, ‑fɛ ‑na 'Mʋfagogoa 'sasakʋa 'jrʋpa, 'wlara 'mʋfasa 'jrʋpalä Nyɔsʋa ‑nyɩa' ‑mɩ.

2 Tɛsalonikënyüü 3:1

‑Jäsɩ 'n blöa' nɩ, ‑wlajü 'amɩ, 'ba bibie ana 'wlili 'Pläkänyɔɔa 'papawii 'mä 'klɔɔtrʋ mi a 'doo ‑bɛ 'imä 'bʋala 'sɩrɩ 'i bäa' 'ana ‑nyɛɛ,

Marëkë 13:34

'Inya ‑beere 'sɩrɩ nyɔɔ möa' nyɔtugbabre, ‑bɛ 'ɔ tɩɛa' 'ɔa nyuku nyüülü ‑fɛɛɛrɛa' 'ua ‑wälɩ 'jrʋpa ‑gba; ‑bɛ 'ɔ sraraa' ‑mɔ 'ɔa 'jrʋpa, ‑bɛ 'ɔ ‑gbalaa' nyɔɔlɔ ‑glaaraa' ‑gböööa tatu ‑gba; 'ɔ 'nɩ 'mʋmɔ.

1 Timotee 4:10

'A 'ia ‑gʋ a ‑fɛɛɛ 'jrʋpa ‑gböösa, ‑bɛ 'ü jejre amɩ, 'be a ‑tʋ ana plɛa 'fɩɔ 'Lɩbä Nyɔsʋalɔ bäa' nyüüa 'fɩɔa 'Lɩmlɩbanyɔɔ 'lɩ, ü ‑tɛɛ toroa' 'ɔɔn plɛ, 'üa ‑gʋ.

Akëtë 22:21

'Ɔ ‑nëma nɩ: ‹Mi! Kpaun 'n blɔ ‑mɩ nyüülü 'nyɩa' juifë bä, 'üa ‑nyɛɛ.› »

Akëtë 20:28

'Ii känyrɩ 'ba ‑tre 'ana nyüfë, 'ba ‑gäälä nyüülü kä 'fɩɔ 'Nyüna ‑Susu ‑nyɩa' 'amɩ kälɩ 'nyü ‑gba, 'sɩrɩ nyɔɔ ‑glaara ‑bablëëjü ‑gälɩ. 'Ba bä Nyɔsʋaa 'cɛcɩa 'nyiöligälänyüü; 'ɔa 'Jʋa 'mʋgbɛa ‑toru 'ɔ nʋ 'ɔnya ‑su 'üün.

Akëtë 13:4

'Asɩ 'Nyüna ‑Susu nʋ 'üa bʋblɔkʋ. 'Ünya mi Selusiibätä, 'a ‑plɩɩ 'ü sɔ 'ünya dɔrɔ 'mɩɩ 'wʋ 'ünya mi dugbalä 'ü 'daraa' Siiprëa 'mlɩ.

Akëtë 13:2

'Taɩn 'lɩ 'ü paa' su ‑bɛ 'ü bibiea' 'Pläkänyɔɔ nɩ, 'Nyüna ‑Susu ‑nëma: «'Ba bere Banabasë nyra Sɔɔlë 'klɩ 'ümä 'jrʋpalä kä ‑gʋ 'n wea' 'üün ‑fɛ.»

Akëtë 11:19

'Ü 'blaa' Etiɛɛnë nɩ, nyüü nʋ 'üün ‑gbigba nʋ nʋ 'ünya ‑gbaala ‑pɩɔa 'fɩɔ 'kä. 'Ü ‑srörö Fonisii nyra Siiprëa ‑tʋtʋ ‑gälɩ nyra Antiɔɔsëbätä. 'Ü ‑sröröa' 'lɩ nɩ, 'ü 'pala 'lɩ nyɔsʋaawii, ‑maa juifëa 'doo 'ü 'pala 'iin ‑gba.

Akëtë 8:4

'I känyrɩ 'cɛcɩnyüülü ‑gbagba ɩa' 'kä nya mi ‑pɩɔa 'fɩɔ nyɔsʋaawii 'pala.

Lukë 9:1

Jesu nya we 'ɔa nyüüpʋnyüüsɔɔlü, 'ɔnya ‑nyɛ ‑nyɛ 'üün 'klü nyra ‑gälɩkamladɛɛ 'ümä domüüa 'fɩɔ prɛ, ‑bɛ 'ümä ‑wusu ‑futo.

Marëkë 16:20

'Ünya mi ‑pɩɔa 'fɩɔ nyɔsʋaawii 'pala. 'Pläkänyɔɔ nyra 'üü ‑fɛɛɛrɛ 'jrʋpa 'wʋ, ‑saragbia tielë 'ü nöa', 'ii 'paa 'üa wii 'ku ‑gälɩ. 'Asɩ i bä!

Matiö 20:1

«'Be cɛɩɩa 'kamaplä ‑beere 'sɩrɩ ‑gböökänyɔɔ 'doo mia' ‑suwla ‑ŋʋɩsɩɩ 'jrʋpafɛnyüü 'bata 'ümä 'ɔa viinyëputu 'lɩ 'jrʋpa ‑fɛɛɛrɛ.

Filipënyüü 2:25

‑Maa 'n boboa' nɩ, 'nëma, ‑a blɔ 'ana ‑nyɛɛ ana ‑wlajʋ Epaflodiitë 'a blɔa' 'na ‑nyɛɛ ɔ ja 'mɩ dii. 'Na 'jrʋpawʋfɛɛrɛnyɔɔ 'ɔ bä, ‑bɛ 'ɔɔ 'nyraa 'ɔɔn ‑fuuö 'Mʋfagogoa 'wlilia tou.

Filipënyüü 2:21

‑Mülü nɩ, 'üa 'mʋgbɛa ‑gä 'ü bobo; 'ünyɩ bobo Jesu 'Kriisëa ‑gä ‑a.

1 Korɛɛntënyüü 12:28

Nyɔsʋa 'saa' 'klɩ apotrë ‑kätɩ 'ɔ ‑tʋ 'cɛcɩnyüköli, 'sɔɔa nü bä nyɔsʋaamlɩpalanyüü, tääa nü bä 'kpɩkpɩanyüü. 'Pɩrɩgälɩ ‑mülü nöa' ‑saragbi, ‑mülü ‑futoa' ‑wusublanyüü; 'pɩrɩgälɩ nɩ, nyüülü jöa' nyüü ‑gba, ü 'kamaa', nyra ‑mülü 'paaa' mlɩa wiia 'kaɩn 'kaɩn.

Kolɔɔsënyüü 1:29

'A 'ia ‑gʋ 'n ‑fɛɛɛ 'jrʋpa 'ɔa 'klüa 'nyrɩklɩ, 'ü 'tuto 'mɩ ‑gböösa.

Filipënyüü 2:30

'be 'a 'Kriisëa 'jrʋpaa ‑gʋ 'ɔ nëmä ɩ jä. 'Ɔ 'sa 'ɔa 'klä 'na ‑gbajijikʋa ‑gʋ, 'be 'ana 'mʋgbɛ 'nyɩ 'lɩ ‑a bɩa 'amä 'iin nʋ.

Ebröönyüü 3:6

‑Maa 'Kriisëlɔ nɩ, 'ɔ bä plɛgälɩpie 'Jʋ ‑bɛ 'ɔ bä nyukulua 'wliklɩ. Ama ‑sɔɔrɔ ana nyɔsʋaplɛtorokʋ 'wʋ ‑sɔrɔ 'pläa bɩarafa 'wʋ nɩ, ‑bɛ ama 'kpla ana nyɔsʋaplɛgälɩpipiekʋlʋ käa' amɩ dɔrʋ 'wʋ nɩ, ama nʋ 'imɩ nɩ, a bä 'ɔa nyuku.

1 Tɛsalonikënyüü 2:9

'Na ‑wlajü 'amɩ, 'jrʋpalä a ‑fɛa', 'sɩrɩ a sɩaa', 'n jresaa 'a ‑kaaŋlʋ 'iin ‑trɔ: ‑srɩ ‑bɛ ‑gbia kɔsɔ, a ‑fɛɛɛ 'jrʋpa a ‑pɩ 'ana nyɔɔ 'doo 'wli kʋ. 'Asɩ a 'sara 'lɩ 'amɩ Nyɔsʋaa 'Mʋfagogo.

Kolɔɔsënyüü 4:12

'Ana nyɔɔ Epafarasë 'trɛɛ 'amɩ. 'Ɔɔlɔ nɩ Jesu 'Kriisëa ‑geei 'ɔ bä, 'ɔnyɩ 'nyüglö 'ana 'wli 'lɩa ‑golufufukʋa ‑gʋ ‑a nyɔsʋabibiekʋ 'lɩ, 'amä 'wʋsɔɔrɔ ‑bɛ 'amä 'tasɩrɩ wiili Nyɔsʋa 'bataa' jre.

2 Korɛɛntënyüü 6:1

‑Bɛ a nyra Nyɔsʋa 'sɔ ‑fɛɛɛa' 'jrʋpa nɩ, a bibie 'amɩ: ‑gbinanakʋlʋ Nyɔsʋa ‑nyɩa' 'amɩ nɩ, 'anyɩ 'pa 'uun sawʋ.

1 Korɛɛntënyüü 15:10

‑Maa Nyɔsʋaa ‑gbinanakʋa ‑gʋ 'n bäsaa 'saarɩ, 'be 'ɔa ‑gbinanakʋlʋ ɔ sraraa' 'mɩ nɩ, ‑mää 'fëflɛsa ‑a, ‑bɛ 'n ‑fɛ 'jrʋpa 'nyaa ‑si apotrë ‑mülüa 'fɩɔwʋ. ‑Mää 'mɔɔ 'nyɩ 'jrʋpa ‑fɛ, ‑maa Nyɔsʋaa ‑gbinanakʋlʋ bäa' 'mɩ 'lɩ 'uu bäsaa.

Filemɔɔ 1:1

'Mɔɔ 'Pɔɔlë ɔ bäa' Jesu 'Kriisëa ‑jienyɔɔ nyra ‑wlajʋ Timotee, amɔ ‑jɩjra ‑mɩ 'wʋ Filemɔɔ; ‑mɔ bäa' ana ‑wawa 'jrʋpaa 'wʋfɛɛrɛnyɔɔ.

'Nyügälɩjawii 2:1

«‑Jɩjra 'aanjëlɔ bäa' Ɛfɛsëa 'cɛcɩ 'lɩ 'wʋ; ‑gbala 'ɔɔn ‑maa: ‹Nyɔɔlɔ 'klaaa' ‑särëeju ‑uunsɔɔlʋ 'ɔa 'dupa 'darʋ 'lɩ kälɩ, ɔ 'nyɛrɛa' ‑sikaa 'naputiia ‑tɔrʋpɩɔ, ‑jäsɩ 'ɔ ‑gbaa: