Lukë 10:11 - Kuö Dëdrä Jenɛɛsë Rutë

¹¹ ‹'Ana bätäa ‑tʋtʋlʋ bäa' 'nɩmɩ ana bei ‑gba a ‑gbɔpɔ 'uun. ‑Maa 'ba jresaa: Nyɔsʋaa 'kamaplä 'a 'amɩ ‑gbajijrö.›

Lukë 10:11 Referans Kwoze

Akëtë 13:51

'Üülü nɩ, 'ünya ‑gbɔplɔ 'lɩ 'üa bei ‑gbaa ‑tʋtʋ, 'ünya mi Ikoniɔɔbätä.

Lukë 10:9

'Ba ‑futo ‑wusublanyüülü bäa' 'lɩ, 'kä 'a ‑gbala 'üün: ‹Nyɔsʋaa 'kamaplä 'a 'amɩ ‑gbajijrö.›

Ebröönyüü 1:3

'A 'Jʋlɔ bä Nyɔsʋa 'wliklɩbʋabʋakʋa srarakʋ, 'ɔɔ bä 'tasɩrɩ 'ɔa 'pije. 'Ɔɔ 'klaa diia 'fɩɔ kälɩ 'ɔa 'wʋsɔɔrɔ 'papawiia 'mlɩ. 'Ɔa 'mʋgbɛ kälɩ 'ɔ ‑srörö 'ɔ bɩaa' amɩ ‑gbafutokʋ ana ‑balʋa ‑gʋ nɩ, 'ɔnya kʋwälɩ cɛ 'lɩ Nyɔsʋalɔ 'bʋaa' 'wliklɩa 'dupa 'lɩ.

Akëtë 13:46

'Pɔɔlë nyra Banabasë nya 'pa plɛ 'klü 'lɩ, 'ünya ‑gbala 'üün ‑maa: «Nyɔsʋaa wii kä 'imä 'amɩ ‑gba 'pala ‑kätɩ. ‑Maa 'be 'anyɩ 'bata 'iin ‑a, ‑bɛ 'ama 'jä 'ana nyüfë nɩ, 'anyɩ 'klälä 'nyɩa' blöröfa kä 'klɩ ‑a 'wʋ. 'I känyrɩ nɩ, nyüülü 'nyɩa' juifë bä 'üa 'pɛlɩ a mö.

Akëtë 13:40

'Ii känyrɩ, 'ba ‑tre 'ana nyüfë wiili ‑jɩjra nyɔsʋaamlɩpalanyüüa ‑pɔɔkʋ 'lɩ 'i ‑pɩ 'amɩ ‑gälɩjrä:

Akëtë 13:26

«'Na ‑wlajü 'amɩ, 'amɔ bäa' Abraamëa 'jü nyra 'amɔ ‑trääräa' 'lɩ Nyɔsʋa: 'amɔ Nyɔsʋa ja 'papawiili 'baaa' 'lɩ nyüü mlɩ.

Marëkë 6:11

‑Pɩɔ o ‑pɩɔ 'a nëmäa' 'tɔ 'ia nyüü ma 'nyɩ 'amɩ nyuku ‑a ‑nyɩ, ‑bɛ üma 'nyɩ po 'amɩ 'nyakli ‑a nɩ, 'ba sɔ 'lɩ, 'kä 'a ‑gbɔplɔ 'lɩ 'ana böklölia ‑tʋtʋ, 'ii 'mä 'üün ‑gbala 'sɩrɩ 'üa nʋnʋgbi 'nyɩa' 'na. 'Cɩcasa 'n ‑gbala 'amɩ, jrüülü kä 'mlɩ Nyɔsʋa 'mäa' ‑gä ‑tʋ nɩ, Sodɔɔmë nyra Gomɔɔrëbätäa ‑gä ‑nëmä dɛɛ ‑a bä 'kä 'ia në bätäläa ‑gʋ.»

Matiö 10:14

«‑Maa nyüü ma 'nyɩ 'lɩ 'amɩ ‑a 'kʋɛɛ, ‑bɛ üma 'nyɩ po 'amɩ 'nyakli ‑a nɩ, 'ba 'cie ‑gböölä 'aiɛ bätäläa 'mlɩ, 'kä 'a ‑gbɔplɔ 'lɩ 'ana bökli ‑wälɩa ‑tʋtʋ.

Rɔmënyüü 10:21

‑Maa dɛɛlɛ bäa' Israɛɛlë nɩ, Nyɔsʋa nɩnɩa: «'N to 'na 'dari 'taɩn a 'fɩɔ 'lɩ ‑glügbölä 'klɩ, änyɩ ‑trääräa' 'lɩ 'mɩ ‑bɛ ä kä 'klɩsɔɔrɔa' 'wʋ.»

Rɔmënyüü 10:8

‑Asɩ nyɔsʋaapɔɔkʋ ‑gbaaa le? 'U nɩnɩa: «'Papawii bä ‑na ‑gba, 'i bä ‑na mlɩ nyra ‑na plɛklɩ.» 'A 'papawiili 'ii 'paa nyɔsʋaplɛtorokʋlʋ kä ‑gä a 'paaa'.

Matiö 3:2

‑maa: «'Ba toro 'lɩ ‑balʋ ‑gälɩ, 'be Cɛɩɩa 'kamaplä ‑kanyɩ 'lɩdɛrɩ ‑a tʋŋlɔ!»

Matiö 10:7

«‑Plɩɩlɩ kä 'fɩɔ 'a nëmäa' ‑srörö nɩ, 'ba ‑gbala nyüü ‑maa: ‹Cɛɩɩa 'kamaplä 'a 'amɩ ‑gbajijrö.›

Lukë 9:5

‑Bɛ nyüü ma 'nyɩ 'amɩ 'lɩ ‑a 'kʋɛɛ nɩ, 'ba sɔ 'ia bätäläa 'mlɩ, 'kä 'a ‑gbɔplɔ 'lɩ 'ana bökli ‑wälɩa ‑tʋtʋ: 'ii 'mä 'üün ‑gbala 'sɩrɩ 'üa nʋnʋgbi 'nyɩa' 'na.»

Lukë 10:10

‑Maa 'ama mi bätäa 'mlɩ, ‑bɛ üma 'nyɩ 'lɩ 'amɩ ‑a 'kʋɛɛ nɩ, 'ba mi 'äa 'nyifi mlɩ 'kä 'a nö: