Lukë 1:68 - Kuö Dëdrä Jenɛɛsë Rutë

⁶⁸ «A 'bʋala 'Pläkänyɔɔa 'nyrɩ, Israɛɛlëa Nyɔsʋa, 'sɩrɩ 'ɔ nʋa' ‑bɛ 'ɔ jia' 'ɔa ‑glügbö 'jä, ‑bɛ 'ɔ 'paatä 'ɔ 'baa' 'lɩ 'üün mlɩ.

Lukë 1:68 Referans Kwoze

Lukë 7:16

'I prɛ 'üa ‑gälɩa 'ku, 'ia ‑gʋ 'ü 'bʋala Nyɔsʋaa 'nyrɩ ‑bɛ 'ü nö: «Nyɔsʋaamlɩpalanyɔɔ kpakö 'a ana ‑tɔrʋpɩɔ 'tɔrɔ! Nyɔsʋa nya ji 'ɔa ‑glügbö ‑gbaji!»

Ɛfɛsënyüü 1:3

Abɩa Nyɔsʋa 'bʋala, 'ɔɔ bä ana 'Pläkänyɔɔ Jesu 'Kriisëa Tʋ. 'Ɔ 'pa amɩ 'nɩ 'Kriisë 'lɩ, 'ɔɔ kälɩ 'ɔ ‑srörö 'ɔnya ‑nyɩ amɩ 'ɔa 'nɩpapakʋlʋa 'fɩɔ bäa' cɛa 'mlɩ.

Lukë 2:38

'A 'ia 'taɩn 'doolʋa 'mlɩ 'ɔa 'mʋgbɛ ji. 'Ɔnya 'bʋala Nyɔsʋaa 'nyrɩ, ‑bɛ 'ɔ 'paa Jesua ‑gä, 'ɔ ‑gbala nyüülü kä 'fɩɔ ‑glaaa' Jerusalɛɛmëa 'lɩmlɩbanyɔɔ.

1 Piɛɛrë 1:3

A 'bʋala Nyɔsʋa, ana 'Pläkänyɔɔ Jesu 'Kriisëa Tʋ! 'Ɔa nyatɛplɛ kpakia ‑gʋ 'ɔ ‑glooro 'sɔɔwʋ amɩ 'ɔnya 'ba Jesu 'Kriisë 'kuaabre. 'Asɩ a 'jä plɛgälɩpiepiekʋlʋ ‑nyɛɛa' 'kläa 'jäjäkʋ.

Ɛfɛsënyüü 1:7

'Kriisëa ‑toru Nyɔsʋa ‑srörö kälɩ 'ɔnya 'balɩ amɩ mlɩ, 'ɔɔ 'lɩ Nyɔsʋa cere amɩ ana ‑balʋ, 'ɔa ‑gbinanakʋlʋ ‑siea' 'wli, 'ia ‑gʋ.

Jenɛɛsë 14:20

Abɩa 'Wʋsi Nyɔsʋalɔ 'saraa' ‑na 'nyüamlɩjraranyü ‑na kälɩ 'bʋala!» Abramë nya ‑nyɩ 'ɔɔn diili kä 'fɩɔ 'ɔ 'blööa' dɛrɩ, 'ia ‑pʋa ni 'pɛ.

Jenɛɛsë 9:26

'Ɔ ‑nëma 'sɔɔwʋ: «Abɩa Yawe, Sɛmëa Nyɔsʋa, 'bʋala! 'Kä Kanaan bä Sɛmëa ‑geei!

Lukë 19:44

'Ünya ‑mɩ bʋblɔa, ‑mɔ ‑bɛ ‑na 'jü, 'ü ‑nëmä 'täkä 'dööa ‑gälɩ 'täkä ‑a tɩ; 'be 'taɩn 'lɩ kä mlɩ Nyɔsʋa jia' ‑mɩ 'lɩmlɩbakalɩ nɩ, ‑nyɩ 'iin wiiwʋ ‑a 'ba.»

Jenɛɛsë 24:27

'ɔ ‑nëma: «Abɩa 'na 'kamanyɔɔa Nyɔsʋalɔ bäa' Yawe 'bʋala! 'Ɔa ‑gbinanakʋ nyra 'ɔa 'cɩcasa bä 'na 'kamanyɔɔ ‑gälɩ 'plɔʋplɔʋ! 'Na 'mʋgbɛlɔ nɩ, Yawe nya 'tiere 'mɩ 'na 'kamanyɔɔa ‑wlajüa ‑nyɛɛ!»

Lukë 1:71

'Lɩmlɩbanyɔɔ nya amɩ ana 'nyüamlɩjraranyüü kälɩ 'baa, 'ɔnya amɩ nyüülü kä 'fɩɔ 'nyɩ 'bataa' amɩ kälɩ 'baa.

Lukë 24:21

Amɔlɔ nɩ, a toro ɩ 'ɔɔn plɛ 'ɔmä ɩ 'lɩ Israɛɛlë mlɩba. ‑Bɛ 'sɔɔwʋ nɩ, 'ia 'fɩɔ nröröa' 'ia jrüü tää 'saarɩ.

Ebröönyüü 9:12

'Kriisë nya pa 'wʋ 'doo 'wʋ ‑tetelɛa papapɩɔ kpakö 'kä 'plɔʋplɔʋa ‑gʋ. ‑Mää wluaɩɩ nyra bruujüa ‑toru 'ɔnyɩ nʋ, 'ɔnyɩ ‑gbɔ 'sa; ‑maa 'ɔa 'mlɔɔa ‑toru 'ɔ nʋ 'ɔnya 'sa ‑gbɔ, 'ɔ 'ba amɩ ‑balʋ kälɩ 'plɔʋplɔʋa ‑gʋ.