Lukë 1:6 - Kuö Dëdrä Jenɛɛsë Rutë

⁶ Sakarii ‑bɛ 'ɔa 'ŋlʋʋ ‑gäklɩ Nyɔsʋa 'klɩ ‑gälɩ; 'ü ‑träärälɩ 'ɔa ‑dɔa 'fɩɔ, wiili 'Pläkänyɔɔ 'daaa' 'ii 'ü nö, 'ünyɩ wala dɛɛ ‑a.

Lukë 1:6 Referans Kwoze

Jenɛɛsë 7:1

Yawe nya ‑gbala Noe ‑maa: «'Jra 'mɩɩ 'lɩ, ‑mɔ ‑bɛ ‑na ‑gböööa 'fɩɔ; 'be ‑mɔ 'n 'jä ɔ ‑gäklɩ ‑taa ‑tʋtʋgälɩa nyüüa ‑tɔrʋpɩɔ.

Jenɛɛsë 17:1

Abramë kä käa' ‑sɩa ‑glʋɩmlɔɔ ‑sɩ ‑pʋ ‑sɩ ‑uunmlɔɔ nɩ, Yawe 'tɔrɔ kä 'ɔɔn 'nyü ‑gälɩ 'ɔnya ‑gbala 'ɔɔn: «'Mɔɔ bä Ɛlë Sadaii. 'Nyɛrɛ 'na 'papawiia 'mlɩ, ‑nyɔɔ 'nyɩ 'kplara ‑mɩ wii 'plɔʋ!

Filipënyüü 2:15

'ana 'nyü 'mä 'na, 'ü ‑pɩ 'ana 'kläa 'mlɩ ‑balʋ 'järä. 'Amä Nyɔsʋaa 'jülü 'nyɩa' bʋbɔdɛɛ ‑gba kä ‑gbagblɛnyüü nyra plɛbʋbɔnyüüa ‑tɔrʋpɩɔ, 'ana 'klä 'mä 'pläa 'mlɩ ŋʋala.

Akëtë 24:16

'A 'ia ‑gʋ 'n 'paalɩklü ‑srɩ o ‑srɩ, 'na plɛ ‑pɩ 'mɩ 'daa Nyɔsʋa nyra nyüüa 'klʋɩ.

1 Tɛsalonikënyüü 3:13

Abɩa 'Pläkänyɔɔ ‑sɔɔrɔ 'amɩ 'wʋ, 'ia 'taɩn 'lɩ ‑srɩlɩ kä 'mlɩ ana 'Pläkänyɔɔ Jesu 'Kriisë 'mäa' dɛrɩ 'blöö, 'ɔɔ ‑bɛ 'ɔa nyüülü kä 'fɩɔ 'ɔ käa' nɩ, 'anya nyüülü kä 'nyü 'naa' bäa ana Tʋ Nyɔsʋaa 'klɔɔtrʋ; nyɔɔ ‑nëmä 'amɩ wii ‑a 'kplara.

1 Jaan 2:3

Ama ‑träärälɩ 'ɔa ‑dɔ nɩ, 'a ‑plɩɩ a jresaa 'sɩrɩ a jrea' 'ɔmɩ.

2 Piɛɛrë 3:14

'A 'ia ‑gʋ 'na ‑wawanyüü 'amɩ, 'a ‑glaaa' wiili nɩ, 'ba 'pa 'kpɔɔ 'amä nyüülü ‑fre 'nyɩa' 'lɩbä bä, nyüülü wii 'nyɩa' ‑gälɩ bä bä, nyüülü nyra Nyɔsʋa 'Nönröa' 'wli bä.

1 Jaan 3:7

'Na 'jü 'amɩ, nyɔɔ 'nyɩ 'pa 'amɩ mlüülɩ. Nyɔɔ o nyɔɔ nöa' wiili ‑gäa' 'klɩ nɩ, 'ɔ ‑gäklɩ 'sɩrɩ Jesua 'mʋgbɛ ‑gäa' 'klɩ.

1 Jaan 2:29

'Ama jre 'iin 'sɩrɩ 'ɔ ‑gäa' 'klɩ nɩ, 'ba jresaa nyɔɔ o nyɔɔ nöa' wiili ‑gäa' 'klɩ nɩ, 'ɔɔ bä 'ɔa 'jʋ.

Kolɔɔsënyüü 1:22

‑Maa 'köklesaplɩɩ ɔ nɩ, 'ɔa 'Jʋlɔ 'ɔ nröröa' nyɔɔ 'lɩ nɩ, 'ɔa jäjäkʋ 'lɩ 'ɔ ‑srörö 'ɔ nyra 'amɔ nya 'nönröwli, 'amä 'ɔa 'klʋɩ 'nyüglö 'sɩrɩ 'a bäa' nyüülü kä 'nyü 'naa' ünyɩa' bʋbɔdɛɛ ‑gba kä, ü wii ‑nëmäa' 'kpla.

2 Korɛɛntënyüü 1:12

‑Jää wiili kä ‑gʋ dɔrʋ 'blaaa' amɩ ana bobowlia 'mlɩ: ana nʋnʋgbi 'wlalɩkä, 'inya bä 'cɩcasa nyüüa ‑tɔrʋpɩɔ ‑gböösa. 'Iili nɩ, Nyɔsʋaa ‑nyɛɛ 'i sɔ ‑bɛ 'i jö amɩ ‑gälɩ. Nyɔsʋaa ‑gbinanakʋ 'uu 'tiere amɩ, ‑mää nyɔɔa 'lɩgaglakʋ ‑a.

1 Korɛɛntënyüü 11:2

'N 'kɔlɔ 'amɩ wiili 'a boboa' 'na ‑gʋ wiia 'fɩɔa 'mlɩ, ‑bɛ wiili 'n 'kpɩaa' 'amɩ nɩ, 'a ‑ka ‑träärälɩ 'imɩ.

Akëtë 23:1

'Pɔɔlë nya tɛ juifëa tropina 'lɩa nyüü 'klɩ 'ɔ ‑nëma: «'Na ‑wlajü 'amɩ, Nyɔsʋaa 'nyrɩklɩa ‑gʋ 'nyɩ 'na ‑susu ‑fre ‑a pla ‑a ji 'saarɩ ‑gälɩ; 'na plɛ 'nyɩ ‑taaralɩ ‑a 'ia ‑gʋ.»

Jenɛɛsë 6:9

‑Jäsɩ Noea 'jüa 'jüa wii nʋa' ‑sisidɛɛ. Noea 'taɩn 'lɩa nyüüa ‑tɔrʋpɩɔ nɩ, 'ɔɔ bäa' Noe 'ɔɔ bä kä 'klɩgänyɔɔ, 'ɔɔ ma bä 'cɩcanyɔɔ. 'Ɔɔ nyra Nyɔsʋa ma 'nyɛɛ.

Lukë 16:15

'Ɔnya ‑gbala 'üün: «'A nö dii ‑beere 'sɩrɩ 'a bäa' 'cɩcanyüü, ‑maa Nyɔsʋa jre 'ana polu. Dɛɛlɛ nyüü 'daraa' dɛɛ nɩ, 'ɛ bä cacɩ Nyɔsʋaa 'klʋɩ ‑gälɩ.

Lukë 1:7

‑Maa 'ünyɩ 'jʋ ‑a kä. Elisabɛɛtëlɔ ‑gbɔ, 'üa 'sɔɔ nya bɩaklɩ.

Lukë 2:25

Nyɔɔ 'doo bä kä Jerusalɛɛmë 'ɔɔ 'ü 'dara Simeɔɔn. Nyɔɔlɔ ‑gäklɩ, 'ɔ ‑träärälɩ Nyɔsʋa. Israɛɛlëa 'klülɩpapakʋ 'ɔ ma ‑glaaa'. 'Nyüna ‑Susu bä kä 'ɔɔn 'lɩ,

Akëtë 2:25

Daviidë nya 'pa 'ɔa ‑gä, 'ɔ nɩnɩa: 'N 'järä 'Pläkänyɔɔ 'na 'klɩ 'plɔʋplɔʋ, 'ɔ bä 'na 'dupa 'lɩ dɛɛ ‑pɩ 'mɩ 'kä 'dögö.

Akëtë 8:21

‑Nyɩ ‑taa wiilia 'mlɩ dɛɛ ‑a kälä; ‑nyɩ kä ‑a kä ‑mä 'nɩmɩ 'lɩ dɛɛ kälä, 'be ‑na plɛ 'nyɩ 'klɩ ‑a ‑gä Nyɔsʋaa 'klɔɔtrʋ.

Rɔmënyüü 8:4

'Ɔ nʋ 'imɩ 'kä wiili ‑dɔ 'paa' 'mä ana 'kläa 'mlɩ nrörö, amɔlɔ 'nyɩ 'nyɛrɛa' 'jajɛa wii ‑gälɩ, ‑maa amɔlɔ Nyɔsʋaa ‑Susu 'tierea' ana ‑gʋ.