Lukë 1:32 - Kuö Dëdrä Jenɛɛsë Rutë

³² 'Ɔnya nyɔɔ bäa, 'kä 'ünya 'ɔɔn Nyɔsʋalɔ ‑sia' 'wʋa 'Jʋ 'dara, 'kä 'Wʋsi Nyɔsʋalɔ nya 'ɔɔn 'kɩɩ 'lɩnrörö, ‑beere 'ɔa tʋ Daviidë;

Lukë 1:32 Referans Kwoze

Lukë 1:35

'Aanjë nya ‑gbala 'ɔɔn: «'Nyüna ‑Susu nya ‑mɩ ‑gälɩ 'cerea, 'kä 'Wʋsi Nyɔsʋaa 'klü nya ‑mɩ 'klɩtrara ‑beere ‑gbru. 'A 'ia ‑gʋ 'jʋlɔ ‑nëmäa' ‑gu nɩ, ‑balʋ nëmä 'ɔɔn 'lɩ ‑a bä, 'kä 'ünya 'ɔɔn Nyɔsʋaa 'Jʋ 'dara.

Marëkë 5:7

'ɔnya 'kpölɩkä: «Wii 'plɛɛ bä 'nyraa ‑mɔ 'sɔa ‑tɔrʋpɩɔ le, 'Wʋsi Nyɔsʋaa 'Jʋ Jesu? 'N bibie ‑mɩ Nyɔsʋaa 'nyrɩklɩa ‑gʋ, ‑nyɩ nʋ 'mɩ ‑gbi ‑gba!»

'Nyügälɩjawii 3:7

«‑Jɩjra 'aanjëlɔ bäa' Filadɛlëfiibätäa 'cɛcɩa 'wli 'klɩ 'wʋ; ‑gbala 'ɔɔn ‑maa: «'Nyünanyɔɔ, 'Cɩcanyɔɔ, nyɔɔlɔ 'klaaaa' Daviidëa 'sapɛ, ɔma 'saa' dɛɛ ‑bɛ nyɔɔ 'nyɩa' 'lɩbɩa 'ɔmäa' 'ɛɛn 'pa, ‑bɛ 'ɔ ma 'paa' dɛɛ nyɔɔ 'nyɩa' 'lɩbɩa 'ɔmäa' 'sa, ‑jäsɩ 'ɔ ‑gbaa:

Lukë 1:76

'Na 'jʋ, ‑mɔlɔ nɩ, ‑na 'nyrɩ bä 'Wʋsi Nyɔsʋaa mlɩpalanyɔɔ; ‑mɔ nëmä 'nyʋfɔ ‑ta ‑mä 'Pläkänyɔɔa 'nyifi 'känyɩgla,

Matiö 28:18

Jesu nya jijrö 'üün ‑gba 'ɔ ‑nëma: «Nyɔsʋa ‑nyɩ 'mɩ ‑tʋtʋ nyra cɛlɩa 'kama 'klüa 'fɩɔ.

Rɔmënyüü 1:4

‑Maa Nyɔsʋa 'baa' 'ɔɔn 'kuaabre nɩ, 'Nyüna ‑Susu nya srara 'ɔɔn 'sɩrɩ 'ɔ bäa' Nyɔsʋaa 'Jʋlɔ käa' 'klü, 'sɩrɩ 'ɔ bäa' Jesu 'Kriisë ana 'Pläkänyɔɔ.

Akëtë 2:30

‑Maa 'ɔ bäa' nyɔsʋaamlɩpalanyɔɔ ‑bɛ 'ɔ jre 'iin 'sɩrɩ Nyɔsʋa 'sɔrɩa', ‑bɛ 'ɔ ‑gbalaa' 'ɔɔn ‑maa 'ɔa 'jüa ‑tɔrʋpɩɔ 'ɔmä ‑srɩɩ nyɔɔ 'ba 'ɔmä 'ɔa 'kɩɩkpata ‑gälɩ kʋ.

Matiö 1:1

‑Jää Jesu 'Kriisëa tʋɩɩa tʋɩɩa wii; 'ɔɔlɔ bäa' Daviidë nyra Abraamëa ‑glügbö 'klɩa 'jʋ:

Akëtë 16:17

'Ɔ prɛ amɩ dɛrɩ, amɔ ‑bɛ 'Pɔɔlë, ‑bɛ 'ɔ 'kpöö: «‑Taa nyüülü kʋa' ‑pɩ, 'Wʋsi Nyɔsʋaa 'jrʋpafɛnyüü 'ü bä! 'Ünya ji 'ümä amɩ 'nyʋfɔlʋ 'amäa' fa ‑bɛ 'amäa' 'lɩmlɩwʋ srara!»

Akëtë 2:36

'Ii känyrɩ, Israɛɛlëa 'fɩɔ kä 'ümä 'saa jre 'tasɩrɩ 'sɩrɩ Jesulɔ 'a koloa' krʋa ‑gälɩ nɩ, 'ɔɔ bäa' Nyɔsʋa, 'ɔɔ nrörö 'ɔɔn 'Pläkänyɔɔ nyra 'Kriisë 'lɩ.»

Jaan 12:34

'Iibäa' ‑jria nɩ: «‑Dɔa ‑pɔɔkʋ nɩnɩa 'Kriisë nya 'plä 'wʋ tɩɔrɔa; 'a 'ii a jre. Dɛplɛɛ kä ‑gʋ ‑nö, ‑maa: ‹Nyɔɔa 'Jʋ kä 'ɔmä cɛlɩ 'jrara› le? Ɔ bä Nyɔɔa 'Jʋlɔ le?»

Jaan 6:69

A toro ‑na mlɩa wii plɛ, anya jre 'sa ‑mɔ bä 'Kriisë, 'Lɩbä Nyɔsʋaa 'Jʋ.»

Marëkë 14:61

Jesu 'nyɩ mɛ ‑a cɛ. ‑Gbɔsapɛrɩnyɔɔ kpakö nya 'patä 'ɔnya 'bete 'ɔɔn: «‑Mɔ bä 'Kriisë, Nyɔsʋalɔ 'palaa' 'nɩ, 'ɔa 'jʋ?»

Akëtë 7:48

‑bɛ 'Wʋsi Nyɔsʋa 'nyɩ kʋ nyüüa 'papanyëka ‑wälɩ ‑a, 'sɩrɩ nyɔsʋaamlɩpalanyɔɔ ‑gba käa':

Matiö 3:11

«'Mɔɔlɔ nɩ, 'nɩ 'n 'paa 'amɩ 'wli 'amä ‑balʋ 'pie; ‑maa nyɔɔlɔ nëmäa' 'mɩ 'klɩtroro, 'ɔ ‑sɔɔrɔwʋ 'ɔnya ‑si 'mɩ 'wʋ. 'Nyɩ 'nɩmɩ 'lɩ ‑a bɩa ‑a 'balɩ 'ɔa 'sii. 'Ɔɔlɔ nɩ, 'ɔnya 'amɩ 'Nyüna ‑Susu nyra kapu 'wlipaa.

Lukë 6:35

‑Maa 'amɔlɔ nɩ, 'ba ‑wa nyüülü bäa' 'ana 'kpɛɛ 'lɩ, 'kä 'a nö 'üün 'cɩcagbi ‑gba. 'Ba ‑nyɩ 'üün, 'kä 'anyɩ bobo 'ümä 'amɩ dɛɛ ‑nyɩ. 'Ama nʋ 'saa nɩ, 'anya 'pɛɛ kpaki 'jäa, 'kä 'anya 'Wʋsi Nyɔsʋaa 'jü bä. 'Be 'ɔɔlɔ nɩ, nyüülü 'nyɩ jrea' nyüüa 'cɩcagbi, nyra plɛbʋbɔnyüü, 'ɔ nö 'cɩcagbi ‑gba.

Lukë 3:16

'Ɔnya ‑gbala 'üa 'fɩɔ: «'Mɔɔlɔ nɩ, 'nɩ 'n 'paa 'amɩ 'wli; ‑maa nyɔɔlɔ ‑sɔɔrɔa' 'wʋ ɔ ‑sia' 'mɩ 'wʋ nya jia, 'nyɩ 'lɩ ‑a bɩa 'mä 'ɔa 'siia pɩa ‑jie. 'Ɔnya 'amɩ 'Nyüna ‑Susu nyra kapu 'wlipaa.

Lukë 1:15

'be 'ɔnya nyɔɔ kpakö bäa 'Pläkänyɔɔa 'klɩ ‑gälɩ. 'Ɔ ‑nëmä ‑duvɛɛn ‑a 'mla, 'ɔ ‑nëmä kaklanʋ ‑a 'mla. Kolo 'ɔa 'yioa 'mlɩ 'kä, ‑a ji 'ɔa ‑glooro 'taɩn 'lɩ nɩ, 'Nyüna ‑Susu nya 'ɔɔn 'lɩ 'sia.

Matiö 12:42

‑Srɩlɩ kä 'mlɩ Nyɔsʋa 'mäa' nyüüa ‑gä ‑tʋ nɩ, 'ŋlʋʋlɔ 'kamaa' Saba nya 'wʋsɔa, 'kä 'ɔnya ‑taa nyüüglügbölä kʋa' ‑pɩ srara 'sɩrɩ 'ünyɩa' ‑gä kä. 'Ɔɔlɔ nɩ, 'ɔ sɔ 'blɩa blöröfa 'wʋ 'ɔnya ji kä 'Kɩɩ Salomɔɔa 'lɩgaglakʋ 'nyaklipo; ‑bɛ nyɔɔ bä ‑pɩ 'ɔ ‑si Salomɔɔ 'wʋ!