Lukë 1:17 - Kuö Dëdrä Jenɛɛsë Rutë

¹⁷ 'Ɔɔ nëmä 'nyʋfɔ ‑ta, ‑susu nyra 'klülü bä käa' Elii 'lɩ nya 'ɔɔn 'lɩbäa, 'ɔmä tʋɩɩa polu 'jüa 'pɛlɩ kälɩ ‑sie, ‑bɛ nyüülü 'nyɩ ‑trääräa' 'lɩ Nyɔsʋa nɩ, 'ɔmä 'üün bobowlili ‑gäa' 'klɩ ‑nyɩ. 'Ɔmä 'Pläkänyɔɔa ‑glügbö 'käsri.»

Lukë 1:17 Referans Kwoze

Matiö 11:14

'Ama nya 'mɩ 'wlinu nɩ, 'ɔɔ bä Eliilɔ nëmäa' ji.

Lukë 1:76

'Na 'jʋ, ‑mɔlɔ nɩ, ‑na 'nyrɩ bä 'Wʋsi Nyɔsʋaa mlɩpalanyɔɔ; ‑mɔ nëmä 'nyʋfɔ ‑ta ‑mä 'Pläkänyɔɔa 'nyifi 'känyɩgla,

Jaan 3:28

'Ana 'mʋgbɛa 'klɩ 'nyaa 'daa kä: ‹‑Mää 'mɔɔ 'nyɩ 'Kriisë bä. Bɔblɔnyɔɔ 'n bä, 'mɔɔ ‑ta 'ɔɔn 'nyʋfɔ 'klɩ.›

'Nyügälɩjawii 20:4

'Pɩrɩgälɩ nɩ, 'nyaa 'jä 'kɩɩkpatë; Nyɔsʋa ‑nyɩ nyüülü kʋa' 'lɩ ‑gälɩ 'klü 'ümä nyüüa ‑gä ‑tʋ. 'Nyaa 'jä nyüülü kä 'wia 'ü 'bö böa' 'lɩ, 'üa ‑sisi. Jesua 'cɩcasa nyra nyɔsʋaawiili 'ü 'paaa', 'ia ‑gʋ 'ü 'bla 'üün. 'Ünyɩ mrɛɛlɛ nyra 'ɛa ‑papaa nɛ ‑a ‑pʋpʋa. 'Üa 'dari ‑gba nyra 'üa 'kʋtapra ‑gälɩ 'nyɩ 'ɛa tie ‑a bä. 'Ünya sɔ jäjäa 'mlɩ 'üü ‑bɛ 'Kriisë 'mä 'kama 'kamaa ‑sɩa ‑diisɔɔ ‑glʋɩpʋ (1 000).

1 Piɛɛrë 2:9

‑Maa 'amɔlɔ nɩ, Nyɔsʋaa 'lɩba ‑glügbö 'a bä. 'Kɩɩa 'pɛrɩnyüü 'a bä, ‑tʋtʋ ‑gälɩa ‑glügbölä kä 'nyü 'naa', nyüülü bäa' Nyɔsʋaa nyüü. 'Ɔ 'balɩ 'amɩ 'mʋfa diili 'ɔ nʋa' nɩ, 'amä 'ia ‑gogo 'sa. 'Ɔɔ 'ba 'amɩ 'jöjrüükpü 'lɩ 'ɔnya were 'amɩ 'ɔa 'cɩca 'napɛ 'lɩ.

Kolɔɔsënyüü 1:12

‑Bɛ 'amä Tʋ 'trɛɛ, 'ɔɔlɔ nʋa' 'iin ‑bɛ amäa' ana në 'pɛ ‑jaaa 'mlɩ 'järä, ‑jaalä 'ɔ tɛrɛa' 'nyünanyüülü bäa' 'ɔa në 'napɛ 'lɩ.

2 Timotee 2:21

'A 'ia ‑gʋ nyɔɔlɔ 'cɛrɛa' 'ia bʋbɔgbilia 'fɩɔ ‑wälɩ nɩ, 'ɔnya ‑beere 'cɩca ‑püüülü 'nyɩ 'a 'lɩkäwla. 'Ünya 'ɔɔn 'klɩberea 'ɔa 'Kamanyɔɔa ‑gʋ. 'Ɔɔ 'ü nëmä 'cɩca 'jrʋpaa 'fɩɔ kälɩ ‑nyɩ.

Rɔmënyüü 9:23

'ɔmä 'ɔa 'wliklɩbʋabʋakʋ nyatɛ ‑takɔɩɩa 'pɛlɩ srara, 'ɔmä ü 'ɔ tɩa' ‑srɩ dɛrɩ 'ɔ ‑gbalaa' 'bʋala.

Akëtë 10:33

'A ‑plɩɩ 'n kʋ dotro 'nyaa blɔ nyüü ‑na ‑nyɛɛ. ‑Bɛ ‑jia' nɩ, 'i 'na. 'Ii känyrɩ, ana 'fɩɔ bä ‑pɩ Nyɔsʋaa 'klʋɩ amä ‑mɩ 'nyaklipo; wiili kä 'fɩɔ 'Pläkänyɔɔ ‑gbalaa' ‑mɩ ‑mä amɩ 'iin ‑gbala.»

Jaan 1:34

'Mɔɔlɔ ni 'n 'jä 'iin, 'nyaa 'sa 'iin 'lɩ, 'sɩrɩ 'ɔ bäa' Nyɔsʋaa 'Jʋ.»

Jaan 1:13

‑Mää 'sɩrɩ nyɔɔ ‑guuöa' 'jʋ, ‑mää 'sɩ 'ünyɩ Nyɔsʋa 'jü bä, ‑mää nyɔɔa plɛ 'klɩa wii ‑a, ‑mää nyɔɔa 'jrʋpa ‑a, ‑maa Nyɔsʋa 'ɔɔ nrörö 'üün 'ɔa 'jü 'lɩ.

Lukë 1:16

'Ɔnya Israɛɛlëa 'jü 'kɔkɔmlɛ 'üa 'Pläkänyɔɔlɔ bäa' Nyɔsʋa, 'ɔa 'pɛlɩ dɛrɩblöa.

Matiö 14:4

'Be Jaan ‑gbala kä 'ɔɔn ‑maa: «‑Nyɩ kä ‑a kä ‑mä Erɔdiadë ‑na 'ŋlʋʋ 'lɩnrörö.»

1 Jaan 2:28

'Na 'jü 'amɩ, 'ba kʋ 'ɔɔn 'lɩ. 'Ia 'taɩn 'lɩ ɔma ji ‑srɩɩ nɩ, ana plɛ 'mä nyɔnyrɔ, 'nyüsü ‑pɩ amɩ 'bla 'ɔa jijitaɩn 'lɩ.

Matiö 3:4

Samooa ‑püpliia 'lɩpadɛɛ Jaan ma 'sroo. Mlaafua ‑pɛɛtʋ 'ɔ ma kpasra 'lɩ ‑gälɩ. 'Ɔa jijri ma bä ‑aaga 'lɩa ‑kpakpëë nyra dʋgbakpɩ.

Matiö 3:3

'A Jaanlɔ kä ‑gä nyɔsʋaamlɩpalanyɔɔ Esaii 'pa käa' ‑bɛ 'ɔ 'daaa' ‑maa: Nyɔɔa wewewii ja ‑aaga 'lɩ: 'Ba ‑nyɩgla *'Pläkänyɔɔa 'trii 'kä; 'ba ‑gägä 'ɔa 'nyifi 'klɩ!