Lukë 1:1 - Kuö Dëdrä Jenɛɛsë Rutë

¹ Nyüü 'kɔkɔmlɛ ‑floro 'ünya ‑jɩjra wiili ‑sröröa' ana ‑nyɛɛ.

Lukë 1:1 Referans Kwoze

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

Jaan 20:31

‑Mɩlɩ kʋa' ‑pɩ nɩ, 'i ‑jɩjra 'kä 'amä 'saa jre Jesu bä 'Kriisë. 'Ɔ bä Nyɔsʋaa 'Jʋ, 'ama toro 'ɔɔn plɛ, 'amä 'klä 'jä 'ɔa 'nyrɩklɩ.

2 Timotee 4:17

‑Maa 'Pläkänyɔɔ bä ɩ 'na ‑gba 'ɔnya ‑nyɩ 'mɩ 'klü; 'mɔɔ 'ɔ ‑srörökalɩ 'ɔnya 'saralɩ 'ɔa wii nyüülü kä 'fɩɔ 'nyɩa' Nyɔsʋa jre. 'Ɔnya 'ba 'mɩ sruku 'mä.

Marëkë 16:20

'Ünya mi ‑pɩɔa 'fɩɔ nyɔsʋaawii 'pala. 'Pläkänyɔɔ nyra 'üü ‑fɛɛɛrɛ 'jrʋpa 'wʋ, ‑saragbia tielë 'ü nöa', 'ii 'paa 'üa wii 'ku ‑gälɩ. 'Asɩ i bä!

Rɔmënyüü 4:21

Wiili kä 'doo 'ɔ 'piea' plɛ ‑gälɩ 'iibä: Nyɔsʋa 'mrɛɛ ɔ nʋ wiili 'ɔ 'daaa'.

Rɔmënyüü 14:5

‑Molooa plɛɛ jrüü ‑mölöö ‑si ‑mɩdoo 'wʋ; ‑mölööa plɛɛ jrüüa 'fɩɔ bä dɛɛ 'dee. ‑Moloo ma bälɩ ɔ 'suru 'ɔa 'mʋgbɛa bobowli.

Kolɔɔsënyüü 2:2

'N 'bata abɩa 'üa 'klü 'jrara, ü bä 'tasɩrɩ nyüü 'doo ‑wawlakʋ 'lɩ, 'kä 'ümä 'lɩgaglakʋ kpaku 'jä, 'ümä wiili Nyɔsʋa ‑sisiea' 'wli 'nu, 'iibä 'Kriisë.

Kolɔɔsënyüü 4:12

'Ana nyɔɔ Epafarasë 'trɛɛ 'amɩ. 'Ɔɔlɔ nɩ Jesu 'Kriisëa ‑geei 'ɔ bä, 'ɔnyɩ 'nyüglö 'ana 'wli 'lɩa ‑golufufukʋa ‑gʋ ‑a nyɔsʋabibiekʋ 'lɩ, 'amä 'wʋsɔɔrɔ ‑bɛ 'amä 'tasɩrɩ wiili Nyɔsʋa 'bataa' jre.

1 Tɛsalonikënyüü 1:5

'be 'Mʋfagogolä a 'saraa' 'lɩ 'amɩ nɩ, 'änyɩ 'fʋflɛ ‑gogo ‑a bä, ‑maa 'Nyüna ‑Susua 'klü bä 'lɩ, anya 'suru 'sɩrɩ 'i bäa 'cɩcasa; 'be 'a 'jä 'sɩrɩ a 'nyɛrɛa' 'ana ‑tɔrʋpɩɔ, 'ia 'fɩɔlʋ nɩ 'ana 'cɩcasaa ‑gʋ.

Ebröönyüü 6:11

‑Maa a 'bata ‑mɔ ma bälɩ ɔ nʋ 'saa 'doo 'ɔ fumöa 'doo kä ‑gälɩ 'blörö jrüü jrälɩ, 'kä wiili kä 'fɩɔ 'a 'bataa' nrörö.

Ebröönyüü 10:22

ŋalɛ 'nyɩ 'blaa amɩ a jijrö Nyɔsʋa ‑gba, 'be ana plɛ ‑gäklɩ, 'ɛ 'si 'ɔa plɛtorokʋ 'klɩ. Bʋbɔ bobowiili kä 'fɩɔ bäa' ana plɛ ‑gälɩ, i kpëträ, 'kä ana fugba ‑futo 'nɩlɩ 'nyɩa' ‑fre pa.