Judë 1:6 - Kuö Dëdrä Jenɛɛsë Rutë

⁶ 'Aanjëlü 'nyɩa' bɩa 'üa 'kamablɩa 'mlɩ kʋ ‑bɛ ü sɔa' 'lɩ nɩ, Nyɔsʋa 'pa 'üün 'cɩ 'jöjrüükpü 'lɩ 'plɔʋplɔʋa ‑gʋ, 'ümä ‑gäa ‑srɩ ‑susugbee ‑glaaa.

Judë 1:6 Referans Kwoze

2 Piɛɛrë 2:4

'A jre 'iin 'sɩrɩ, Nyɔsʋa 'nyɩa' 'aanjëlü nʋa' ‑balʋ 'klɩ ‑a bere, ‑maa 'ɔ be 'üün 'lɩtʋŋlɔbütügbaa 'mlɩ, 'ü 'pala 'cɩ 'jöjrüükpü 'lɩ; 'üa ‑gätʋtaɩn 'ü ‑glaaa.

Ɛfɛsënyüü 6:12

'Be ‑golulu a ‑fuuöa' 'nyɩ 'jajɛ nyra ‑torua ‑golu ‑a bä; ‑maa 'klü, 'kamanyüü, nyüülü 'kama 'jöjrüükpüa 'blɩlɩ kʋa' ‑pɩ, nyra bʋbɔsisili kʋa' cɛ nyra ‑tʋtʋa ‑tɔrʋpɩɔ, 'üü a nyra 'üün ‑fuuö.

Matiö 25:41

«'Kä 'ɔnya nyüülü bäa' 'ɔa kʋmla 'pɛlɩ ‑gbala ‑maa: ‹'Ba tʋŋlɔ 'mɩ 'lɩdɛrɩ, busunyüü! 'Ba mi kapulu 'nyɩ 'nyrɔlɔa' 'plɔʋa 'mlɩ, u Nyɔsʋa ‑ëlerea' Sataan nyra 'ɔa 'aanjëa ‑gʋ!

Matiö 8:29

'Üa 'kpökpöwiia 'mlɩ, 'ü ‑nëma: «Wii 'plɛɛ bä a nyra ‑mɔ 'sɔa ‑tɔrʋpɩɔ le, Nyɔsʋaa 'Jʋ Jesu? Amɔ ‑ji ‑gbi ‑gba nʋ 'fɩɔwʋ ‑bɛ ana ‑sʋɩa ‑srɩ 'mä 'lɩjrä ‑ale?»

2 Piɛɛrë 2:9

'Ia 'fɩɔlʋ 'ii srara 'sɩrɩ 'Pläkänyɔɔ jrea' 'sɩrɩ 'ɔmäa' 'klɩgänyüü ‑sʋɩ 'lɩba, ‑bɛ 'sɩrɩ 'ɔmäa' nyüülü 'nyɩa' 'klɩgä ‑wälɩtʋ ‑bɛ 'üa ‑gätʋtaɩn 'mäa' 'wlijrä.

Ebröönyüü 10:27

Dɛɛlɛ kä 'doo tɩɔa' 'lɩ amɩ nɩ, 'iibä a kʋ tɩtrɛkʋ 'lɩ a ‑glaaa ‑gä nyra kapu kpakulu nëmäa' nyüülü kä 'fɩɔ jraraa' Nyɔsʋa 'nyüamlɩ 'pütö.

Jaan 8:44

'Amɔlɔ nɩ, 'ana tʋ bä Sataan. Wiili 'ana tʋ 'bataa' 'ii 'a 'bata 'amä nʋ. 'Bala 'pläa 'käkolofa 'wʋ 'ɔ bä nyüüblanyɔɔ, 'ɔnyɩ 'salɩ 'cɩcasa ‑a, 'cɩcasa 'nyɩ 'ɔɔn 'lɩ ‑a bä. Ɔma 'salɩ 'ɔa plɛ 'klɩa wii, 'ia 'fɩɔ bä ‑gbagblɛ. ‑Gbagblɛkänyɔɔ 'ɔ bä, ‑bɛ 'ɔ bä ‑gbagblɛa tʋ.

'Nyügälɩjawii 20:10

Diabëlëlɔ ‑trɔɔrɔ ɩa' 'üün nɩ, 'ünya bere 'ɔɔn kapuprʋgbalä kä 'pʋpʋ 'pütöa' a 'mlɩ, i mrɛɛlɛ nyra ‑gbagblɛ nyɔsʋaamlɩpalanyüü bäa'. 'Ünya 'lɩ ‑sʋɩ 'järäa' ‑srɩ ‑bɛ ‑gbia 'plɔʋplɔʋa ‑gʋ.

Matiö 10:15

'Cɩcasa 'n ‑gbala 'amɩ, jrüülü kä 'mlɩ Nyɔsʋa 'mäa' ‑gä ‑tʋ nɩ, Sodɔɔmë nyra Gomɔɔrëbätäa ‑gä ‑nëmä dɛɛ ‑a bä 'kä 'ia në bätäläa ‑gʋ.

Rɔmënyüü 2:5

‑Na 'nyakliwlisusukʋ nyra ‑na plɛlɛ 'nyɩ 'cicia' nɩ, 'ia ‑gʋ 'ɔa 'crɛ bä ‑mɩ ‑gälɩ ‑bɛ ‑glaaa Nyɔsʋaa 'crɛa srara ‑srɩa 'taɩn 'lɩ 'ɔmäa' nyüüa ‑gä ‑tʋ 'klɩgäsa.

Judë 1:13

'Ü ‑beere 'sɩrɩ 'taniea dakë bea' 'ɛa bʋbɔdii 'kɔtʋmlɩ; 'ü ‑beere 'sɩrɩ ‑särëeju sɔa' 'üa kʋfa 'wʋ, Nyɔsʋa nya tɛrɛ 'üün 'jöjrüükpüa ‑pɩɔ i 'napɛ 'nyɩa' bä 'plɔʋplɔʋa ‑gʋ.

'Nyügälɩjawii 20:2

'Ɔnya 'kpla ‑gblɔtrɔlʋ, ‑kätɩ trɔɔlʋ 'ü 'daraa' Diabëlë 'aiɛ Sataan, 'ɔnya kpasa 'uun 'umä 'lɩ ‑sɩa ‑diisɔɔ ‑glʋɩpʋ ‑si (1 000).