Judë 1:21 - Kuö Dëdrä Jenɛɛsë Rutë

²¹ 'Ba kʋ Nyɔsʋaa ‑wawakʋ 'lɩ, ‑bɛ 'ba ‑glaaa ana 'Pläkänyɔɔ Jesu 'Kriisëlɔ ‑nyɛɛa' 'klälä 'nyɩa' blöröfa kä, 'ɔa nyatɛrɩ.

Judë 1:21 Referans Kwoze

1 Jaan 4:16

Amɔlɔ nɩ, a jre ‑wawakʋlʋ Nyɔsʋa ‑waa' amɩ, anya toro 'uun plɛ. Nyɔsʋa bä ‑wawakʋ. Nyɔɔlɔ kʋäa' ‑wawakʋ 'lɩ nɩ, Nyɔsʋa 'lɩ 'ɔ kʋ, ‑bɛ Nyɔsʋa kʋ 'ɔɔn 'lɩ.

2 Piɛɛrë 3:12

Nyɔsʋaa jijisrɩ 'a ‑glaaa, ‑bɛ 'a 'paa 'kpɔɔ 'imä 'lɩjrä sɔsɔ. 'Ia ‑srɩlɩa 'mlɩ nɩ, kapu nya cɛ 'pütöa, 'kä 'pläa ‑dɔ nya kapua 'mlɩ frere 'kä 'unya saka.

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.

'Nyügälɩjawii 12:11

‑Bablëëjʋa ‑torua 'nyrɩklɩ nyra nyɔsʋaawiili 'ü 'salɩ, 'a 'ia ‑gʋ 'ü ‑siwʋ. 'Ü 'cɛrɛ 'üa 'kläa ‑wawakʋ ‑wälɩ, 'ünya 'nyiere jäjäkʋ 'klɩ.

2 Tɛsalonikënyüü 3:5

Abɩa 'Pläkänyɔɔ 'tiere 'ana polu Nyɔsʋaa ‑wawakʋa 'pɛlɩ, nyra 'Kriisëa 'wʋsɔɔrɔkʋ 'lɩ!

Rɔmënyüü 6:23

‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.

Jaan 14:21

Nyɔɔlɔ poa' 'na 'papawii 'nyakli ‑bɛ ɔ ‑trääräa' 'lɩ 'iin nɩ, 'ɔɔ ‑wa 'mɩ; ‑bɛ nyɔɔlɔ ‑waaa' 'mɩ nɩ, 'na Tʋ nya 'ɔɔn ‑waa, 'na 'mʋgbɛ 'nyaa 'ɔɔn ‑waa, 'kä 'nyaa 'ɔɔn 'na nyufa srara.»

2 Timotee 4:8

'Bala 'saarɩ ‑gälɩ nɩ, 'klɩgä 'wlugbölä 'ümäa' 'mɩ ‑nyɩ nɩ, 'mɔɔ 'ä ‑glaaa. 'Pläkänyɔɔlɔ ‑gäa' 'klɩ ɔ ‑tʋʋäa' ‑gä, nya 'mɩ 'ään ‑nyɩa 'ia ‑srɩlɩa 'mlɩ. ‑Bɛ ‑mää 'na 'doo ‑a, nyüülü kä 'fɩɔ ‑waa' 'ɔɔn ü ‑glaaa' bɩa 'ɔa jijisrɩ bä bɩa 'lɩ.

2 Timotee 1:2

'Na ‑wawajʋ Timotee, 'n ‑jɩjra ‑mɩ 'wʋ: abɩa Nyɔsʋalɔ bäa' Tʋ nyra ana 'Pläkänyɔɔ Jesu 'Kriisëa ‑gbinanakʋ, nyatɛplɛ, nyra plɛgälɩflɛrɛkʋ bä ‑mɩ ‑gälɩ.

Rɔmënyüü 8:39

'aiɛ dɛɛlɛ bäa' cɛ 'lɩ, 'aiɛ ɛ bäa' ‑tʋtʋ 'wʋ, 'aiɛ ‑fälɩa dɛɛ ‑mɩdee 'nyɩ 'lɩ ‑a bɩa i 'ba amɩ Nyɔsʋaa ‑wawakʋlʋ 'ɔ sraraa' amɩ ana 'Pläkänyɔɔ Jesu 'Kriisë 'lɩ kälɩ.

Rɔmënyüü 5:21

‑Kätɩsa ‑balʋ ma kälä nyüü 'klü ‑gälɩ 'u ja jäjä, 'asɩ Nyɔsʋaa ‑gbinanakʋ nëmä nyüü 'klügälɩ kälä 'umä 'üün 'klɩgä, 'ümä ana 'Pläkänyɔɔ Jesu 'Kriisë kälɩ ‑srörö 'ümä 'klälä 'nyɩa' blöröfa kä 'jä.

1 Jaan 5:18

A jre 'iin, nyɔɔ o nyɔɔ bäa' Nyɔsʋaa 'jʋ nɩ, 'ɔnyɩ nʋ ‑balʋ ‑a, 'be nyɔɔlɔ bäa' Nyɔsʋaa 'jʋ nɩ, 'ɔa nyufa 'ɔ ‑gäälänyiöli Plɛbʋbɔsusu ‑pɩ 'ɔa ‑gbanʋdɛɛ kä.

Rɔmënyüü 5:5

‑Bɛ plɛgälɩpiepiekʋ 'nyɩ ‑trɔɔrɔ nyɔɔ ‑a, 'be Nyɔsʋa ‑srörö 'Nyüna ‑Susulu 'ɔ ‑nyɩa' amɩ kälɩ 'ɔnya 'fɛrɛ ana polu ‑gälɩ 'ɔa ‑wawakʋ 'kä.

Akëtë 11:23

'Ɔ 'tɔa' ‑bɛ 'ɔ 'järäa' Nyɔsʋaa ‑gbinanakʋ 'üa ‑tɔrʋpɩɔ nɩ, dɔrʋ 'bla 'ɔɔn, 'ɔnya 'jrara 'üa 'fɩɔa 'klü 'ɔnya ‑gbala 'üün ü nʋ 'üa plɛa 'fɩɔ ü toro 'Pläkänyɔɔ plɛ.

Judë 1:24

Abɩa Nyɔsʋa 'bʋala, 'ɔ 'mrɛɛ 'ɔ 'ba 'amɩ böblökʋ mlɩ, 'ɔɔ 'mrɛɛ ɔ ja 'amɩ 'ɔa 'wliklɩbʋabʋakʋ 'lɩ dɔrʋa 'mlɩ ‑beere nyüülü 'nyɩa' bʋbɔdɛɛ ‑gba kä.

1 Jaan 5:21

'Na 'jü amɩ, 'anyɩ toro ‑gbagblɛ nyɔsʋaɩɩ plɛ! 'Asɩ i bä.

2 Timotee 1:18

Abɩa 'Pläkänyɔɔ 'jä 'ɔa nyatɛrɩ ‑Gätʋsrɩ 'lɩ. ‑Na 'mʋgbɛ ‑jre 'wʋ ‑srülü 'ɔ jia' 'mɩ ‑gba Ɛfɛsëbätä.

Jaan 1:17

'Iibä, ‑Dɔ jara Moisë kälɩ; Nyɔsʋaa ‑gbinanakʋ nyra 'cɩcasa nya jara Jesu 'Kriisë kälɩ.

1 Timotee 1:2

Timotee. ‑Mɔ bäa' 'na 'cɩca 'jʋ nyɔsʋaplɛtorokʋ 'lɩ. Abɩa ana Tʋ Nyɔsʋa nyra Jesu 'Kriisë ana 'Pläkänyɔɔa ‑gbinanakʋ, 'ɔa nyatɛplɛ nyra 'ɔa plɛgälɩflɛrɛkʋ bä ‑mɩ ‑gälɩ.

2 Timotee 1:16

Abɩa 'Pläkänyɔɔ 'jä Onesefɔrë nyra 'ɔa ‑gböööa nyatɛrɩ, 'be 'ɔ 'paa 'mɩ 'klü 'lɩ ‑srɩ ‑mɩdoo 'lɩ. 'N bäa' 'nɩmɩ ‑jie 'lɩ 'inyɩ 'ɔɔn 'nyüsü 'wʋ ‑a kä.

Judë 1:1

'Mɔɔ Judë, Jesu 'Kriisëa ‑geei, Jaakëa ‑wlajʋ, 'mɔɔ ‑jɩjraa' 'amɩ 'wʋ: 'amɔ Nyɔsʋalɔ bäa' Tʋ ‑wa ‑bɛ 'ɔ wea', 'amä 'ɔa nü bä Jesu 'Kriisëa ‑gʋ.

Judë 1:22

'Ba 'jä ‑mülü kä plɛ ‑kaaŋlʋa' 'käsri ‑a nyatɛrɩ.