Jenɛɛsë 9:25 - Kuö Dëdrä Jenɛɛsë Rutë

²⁵ 'ɔ ‑nëma: «Busukʋ jrä Kanaan ‑gälɩ, ɔ bä 'ɔa ‑wlajüa ‑gooua ‑geei!»

Jenɛɛsë 9:25 Referans Kwoze

Jaan 8:34

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, nyɔɔ nöa' ‑balʋ, ‑balʋa ‑geei 'ɔ bä.

Matiö 25:41

«'Kä 'ɔnya nyüülü bäa' 'ɔa kʋmla 'pɛlɩ ‑gbala ‑maa: ‹'Ba tʋŋlɔ 'mɩ 'lɩdɛrɩ, busunyüü! 'Ba mi kapulu 'nyɩ 'nyrɔlɔa' 'plɔʋa 'mlɩ, u Nyɔsʋa ‑ëlerea' Sataan nyra 'ɔa 'aanjëa ‑gʋ!

Jenɛɛsë 49:7

Abɩa 'üa 'crɛ busu; 'be 'ɛ bä 'klülɩ! 'Üa 'mʋgbʋgbʋɛ ‑siewli! 'Nyaa 'üün ‑gbasraraa Jakɔɔbëa ‑tɔrʋpɩɔ; 'nyaa 'üün Israɛɛlëa 'mlɩ 'kägbagblaa!

Jenɛɛsë 9:22

Kanaan a tʋ Samë 'jäa' 'ɔa tʋa ‑gbagbapadɛɛ nɩ, 'ɔnya 'ciere 'ɔnya ‑gbala 'iin 'ɔa ‑wlajü 'sɔɔlë.

Jenɛɛsë 4:11

'Ii känyrɩ 'bala 'saarɩ ‑gälɩ ‑nya busu, ‑tʋtʋlʋ maa' ‑na wlajʋlɔ ‑blaaa', 'ɔa ‑toru nɩ, 'nyaa ‑mɩ kpaun 'ua ‑gälɩ prɛrɛa.

Jenɛɛsë 3:14

Yawe Nyɔsʋa nya ‑gbala trɔɔ: «Wiili nʋa' 'ia ‑gʋ nɩ, busu mlaaa 'fɩɔa ‑tɔrʋpɩɔ, ‑nya busu 'klʋɛɛa mlaa 'fɩɔa ‑tɔrʋpɩɔ! ‑Na ‑gu ‑gälɩ ‑nëmä 'nyɛrɛ, 'mlʋ ‑nëma ji ji, 'kä ‑na jrüüa 'fɩɔ nya bɩa.

Jenɛɛsë 9:18

Noea 'jülü 'ciea' 'mɩɩa 'mlɩ nɩ, 'üü bä: Sɛmë, Samë nyra Jafɛtë. Samë nya bä Kanaan a tʋ.

Jenɛɛsë 9:24

'Nʋ bɩaa' Noea 'nyü ‑gälɩ nɩ, 'ɔnya 'nu wiili 'ɔa 'täpajʋ nʋa' 'wli,