Jenɛɛsë 8:21 - Kuö Dëdrä Jenɛɛsë Rutë

²¹ Yawe nya 'kʋɛɛ ɩa' 'mʋfa 'nɔnʋ, 'ɔa plɛklɩ 'ɔ ‑nëma: «'N ‑ka ‑nëmä ‑tʋtʋ ‑a busu nyɔɔa ‑gʋ, 'be kolo 'ɔa ‑sëgbadɛɛ 'lɩ 'kä nɩ, wiili 'ɔa plɛ 'bataa' 'i bʋbɔ. 'N ‑ka ‑nëmä diili kä 'fɩɔ bäa' 'lɩ ‑a ‑gblooo, ‑beere 'sɩrɩ 'n nʋa' ‑plɩɩ.

Jenɛɛsë 8:21 Referans Kwoze

2 Korɛɛntënyüü 2:15

Nyɔsʋa 'jää amɩ ‑beere 'sɩrɩ 'Kriisëa ‑daŋlʋɩnɩ bäa' nyüülü bäa' 'lɩmlɩwʋwʋkʋa 'nyʋfɔ mlɩ, nyra nyüülü bäa' 'mɔlɔnyʋfɔ mlɩa ‑tɔrʋpɩɔ.

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

Jenɛɛsë 6:5

Yawe 'jäa' nyüü ‑bɛ 'ü nöa' ‑balʋ 'kɔkɔmlɛ ‑tʋtʋ ‑gälɩ, ‑bɛ wiili kä 'fɩɔ 'üa plɛ boboa' falaa' ‑balʋa 'dooa 'pɛlɩ nɩ,

Filipënyüü 4:18

'N 'jä 'ia 'fɩɔ, 'inya ‑siewli. ‑Bɛ Epaflodiitë jaa' 'mɩ diili kä 'fɩɔ 'a jaa' 'mɩ nɩ, 'n 'klaa diili kä 'fɩɔ 'nyɩa' kla. Diili 'a ‑nyɩa' 'mɩ, 'i ‑beere 'nɔnʋpa ‑gbɔ, ‑gbɔlʋ Nyɔsʋa 'kʋɛɛa' 'lɩ ‑bɛ u käa' 'ɔɔn 'tʋ ‑gböösa.

Rɔmënyüü 3:23

Nyüüa 'fɩɔ nʋ ‑balʋ, 'ia ‑gʋ Nyɔsʋa 'ba 'üün 'ɔa 'wliklɩbʋabʋakʋ kälɩ.

Matiö 15:19

Nyɔɔa plɛklɩ, 'ii ‑balʋwiia bobokʋ sɔ: nyüübablakʋ, bätësa, ‑sagbili Nyɔsʋa 'nyɩ 'bataa', 'jejiekʋ, nyɔɔa ‑gbagblɛ ‑gälɩtʋtʋkʋ nyra nyüüa bʋbɔnyrɩa 'papakʋ.

Jenɛɛsë 3:17

'Ɔnya ‑gbala Adaan: «‑Na 'ŋlʋʋ ponyakli, ‑nya ji tuubölä 'n ‑gbalaa' ‑mɩ ‑nyɩ jia'. 'Ii känyrɩ, ‑tʋtʋ 'a busu ‑na ‑gʋ. ‑Sʋɩ ‑nëmä 'jä ‑a ji ‑mä 'ua 'mlɩ jijrɛ 'ba, ‑srɩlɩ kä 'fɩɔ ‑nëmäa' ‑si.

Jaan 3:6

Dɛɛlɛ nyɔɔ ‑gua' bä nyɔɔa dɛɛ, ‑maa ‑mɛlɛ ‑Susu ‑gua' bä ‑susua dɛɛ.

1 Jaan 5:19

A jre 'iin 'sɩrɩ a bäa' Nyɔsʋaa 'jü, ‑bɛ a jre bɩa 'iin 'sɩrɩ 'pläa 'fɩɔ bäa' Plɛbʋbɔsusu kälɩ.

Rɔmënyüü 1:21

'Asɩɛ 'ü jre 'iin 'sɩrɩ Nyɔsʋa bäa' 'plä 'wʋ ‑maa 'ünyɩ 'ɔɔn 'bʋala ‑a 'bʋala, 'ünyɩ 'ɔɔn 'trɛɛ ‑a 'trɛɛ. 'Ü ‑gölöa' 'üa bɔwɛ bobowli 'ü 'nyɛɛ ‑gälɩ, 'äa polulu 'nyɩa' bobokʋ kä nya blö 'jöjrüükpü 'lɩ.

Jenɛɛsë 6:17

'Mɔɔlɔ ‑o, 'nyaa 'nʋŋlʋkpaku ‑tʋtʋ ‑gälɩ jaa, 'mä diili kä 'fɩɔ fioa' ‑bɛ i bäa' cɛa ‑wälɩ ‑gblooro. Diili kä 'fɩɔ bäa' ‑tʋtʋ ‑gälɩ nya jäjäa.

Jenɛɛsë 5:29

'Ɔnya ‑nyɩ 'ɔɔn Noe 'nyrɩ, 'be 'ɔ nɩnɩa: «Yawe busu ‑tʋtʋ. ‑Taa 'jʋlɔ nya amɩ 'klülɩpaa ana 'jrʋpa ‑fɛfɛkʋ nyra ana 'daria sɩasɩakʋa ‑gʋ.»

Jenɛɛsë 4:12

‑Ama ‑ka pla dɛɛ nɩ, ‑tʋtʋ ‑ka ‑nëmä ‑mɩ 'klü ‑a ‑nyɩ. ‑Nëmä ‑togo ‑a kä, 'lɩklɩ ‑nëmä ‑pi ‑tʋtʋ ‑gälɩ.»

Jenɛɛsë 6:7

Yawe ‑nëma: «Nyɔɔlɔ 'n nʋa', 'nyaa 'ɔɔn ‑tʋtʋ ‑gälɩ 'baa, kolo 'ɔɔn ‑gälɩ 'kä ‑a ‑tɔɔ mlaa ‑gälɩ, ‑a ‑tɔɔ ‑pɛrɛdii nyra nyisie ‑gälɩ. 'I pa 'mɩ ‑gba dɛɛlɛ kä ‑gʋ 'n nʋa' 'üün.»

Jenɛɛsë 6:13

'A 'ia ‑gʋ Nyɔsʋa nya ‑gbala Noe: «Nyüüa 'fɩɔa bʋblɔtaɩn 'a 'lɩjrä, 'ü 'sie ‑tʋtʋ bʋbɔgbi 'klɩ. 'Üü ‑bɛ ‑tʋtʋ kɔsɔ 'nyaa 'üün ‑gblooa.