Jenɛɛsë 8:20 - Kuö Dëdrä Jenɛɛsë Rutë

²⁰ Noe nya nʋ ‑gbɔsatöwlö Yawea ‑gʋ; 'ɔnya dɔrɔ mlaa ‑tɔrʋpɩɔa mlaalë 'nyɩa' ‑fre 'lɩ bä 'wʋ, 'ɔnya dɔrɔ nyisiea ‑tɔrʋpɩɔa nyisielü 'nyɩa' ‑fre 'lɩ bä 'wʋ, ‑gbɔsatöwlö ‑gälɩ 'ɔnya 'sa ‑gbɔsadiili fia'.

Jenɛɛsë 8:20 Referans Kwoze

Rɔmënyüü 12:1

'Na ‑wlajü 'amɩ, Nyɔsʋaa nayatɛrɩa ‑gʋ 'n bibie 'amɩ, 'ba ‑nyɩ 'ɔɔn 'ana nyüfë ‑beere 'lɩbägbɔsadɛɛ ɛnyɩa' ‑fre pa ‑bɛ ɛ 'naa' Nyɔsʋaa ‑gʋ. 'A 'tasɩrɩa nyɔsʋabibiekʋ.

Jenɛɛsë 22:9

'Ü 'tɔa' ‑plɩɩlɩ Nyɔsʋa srara käa' 'ɔɔn nɩ, Abraamë nya 'pa ‑gbɔsatöwlö 'ɔnya tatra ‑gbalë 'klɩ. 'Ɔnya kpasa 'ɔa 'jʋ Isaakë. 'Ɔnya 'pie 'ɔɔn ‑gbalëlë bäa' ‑gbɔsatöwlö ‑gälɩ.

1 Piɛɛrë 2:9

‑Maa 'amɔlɔ nɩ, Nyɔsʋaa 'lɩba ‑glügbö 'a bä. 'Kɩɩa 'pɛrɩnyüü 'a bä, ‑tʋtʋ ‑gälɩa ‑glügbölä kä 'nyü 'naa', nyüülü bäa' Nyɔsʋaa nyüü. 'Ɔ 'balɩ 'amɩ 'mʋfa diili 'ɔ nʋa' nɩ, 'amä 'ia ‑gogo 'sa. 'Ɔɔ 'ba 'amɩ 'jöjrüükpü 'lɩ 'ɔnya were 'amɩ 'ɔa 'cɩca 'napɛ 'lɩ.

1 Piɛɛrë 2:5

'Ana 'mʋgbɛ 'ba ‑beere 'lɩbä 'täkë. 'Ba 'cɛrɛ Nyɔsʋa ‑wälɩ 'ɔmä 'amɩ nʋ 'ɔmä 'Nyüna ‑Susua nyuku 'pa. ‑Gbɔsapɛrɛnyüülü 'ü berea' 'klɩ Nyɔsʋaa 'jrʋpaa ‑gʋ, 'üü 'a nëmä bä, 'kä 'anya ‑gbɔɩɩlɩ Nyɔsʋaa ‑Susu 'bataa' 'sa; 'be Nyɔsʋa nya 'iin 'lɩ 'kʋɛɛ Jesu 'Kriisëa ‑gʋ.

Ebröönyüü 13:10

Amɔlɔ nɩ, a kä ‑gbɔsatöwlö, ‑maa ‑gbɔsapɛrɩnyüülü ma 'saraa' ‑gbɔ Nyɔsʋaa ‑Tetea 'mlɩ nɩ, 'ünyɩ kä ‑a kä 'ümä diili 'saraa' ana ‑gbɔsatöwlö ‑gälɩ ji.

Jenɛɛsë 35:7

Jakɔɔbë nya 'pala ‑plɩɩ ‑gbɔsatöwlö, 'ɔnya 'dara ‑plɩɩlɩ «Ɛlë Bɛtɛlë», 'be 'a ‑plɩɩlɩ Nyɔsʋa 'tɔrɔ kä 'ɔɔn 'klɩ, 'taɩn 'lɩ 'ɔ fɔlɔ käa' 'ɔa ‑wlajʋ 'klɩ.

Jenɛɛsë 35:1

Nyɔsʋa nya ‑gbala Jakɔɔbë: «Sɔwʋ, mi ‑a kʋ Bɛtɛlë. ‑Plɩɩlɩ Nyɔsʋa 'tɔrɔ käa' ‑mɩ 'klɩ, 'taɩn 'lɩ fɔlɔ käa' ‑na ‑wlajʋ Esau 'klɩ.» 'A ‑nyɛɛ ‑a ‑paala 'ɔa ‑gbɔsatöwlö.

Jenɛɛsë 33:20

'A ‑plɩɩ 'ɔ 'pala ‑gbɔsatöwlö, 'ɔnya 'dara ‑plɩɩlɩ Ɛlë Ɛloe Israɛɛlë.

Jenɛɛsë 26:25

'A ‑plɩɩ 'ɔ 'pala ‑gbɔsatöwlö, 'a ‑plɩɩ 'ɔ ‑pʋplʋa Yawe. 'Ɔnya 'pala 'lɩ 'ɔa ‑tete. Isaakëa 'jrʋpafɛnyüü nya ‑goolo 'lɩ 'nɩbütügba.

Jenɛɛsë 13:18

Abramë nya 'sa 'ɔa ‑tetu 'kou, 'ɔnya kʋ Eblɔɔn bätä, Mamirea tiili 'ü 'daraa' terebitëtii, 'ia ‑gba. 'A ‑plɩɩ 'ɔ 'pala ‑gbɔsatöwlö Yawea ‑gʋ.

Jenɛɛsë 13:4

'ii 'ɔ 'pala kä ‑gbɔsatöwlö. 'A ‑plɩɩ 'ɔ 'nyüglö 'ɔnya ‑pʋpʋa Yawe.

Jenɛɛsë 7:2

Mlaalü 'nyɩa' ‑fre pa 'na 'klʋɩ ‑gälɩ, 'balɩ ‑tɔrʋpɩɔ nyɩbɛrʋ nyra 'ŋlʋʋ 'wʋ ‑uunsɔɔ 'wʋ. ‑Maa mlaalü paa' ‑fre 'na 'klʋɩ ‑gälɩ nɩ, 'balɩ nyɩbɛrʋ 'doo 'ŋlʋʋ 'doo.

Jenɛɛsë 4:4

Abɛɛläa 'mʋgbɛ nya fa mlalë ‑kätɩ ‑glooroa' 'ɔa mlaa ‑tɔrʋpɩɔ nyra 'üa 'kpɩ. Abɛɛlë nyra 'ɔa ‑gbɔ nya kä Yawe 'tʋ,

Jenɛɛsë 22:2

'Ɔ ‑nëma: «Fa ‑na ‑wawajʋ 'doodoolɔ ‑waa' Isaakë, 'kä ‑mö Moriaa 'bre 'dʋgbalä 'nëmäa' ‑mɩ srara, 'äa ‑gälɩ. 'A ‑nyɛɛ ‑a ‑saara 'ɔɔn ‑gbɔ 'lɩ, 'sɩrɩ 'ü 'saaa' fifigbɔsadii.»

Jenɛɛsë 8:19

Mlaa 'fɩɔ, ‑pɛrɛdiia 'fɩɔ, nyisiea 'fɩɔ, nyra diili kä 'fɩɔ ‑pɛrɛa' ‑tʋtʋ ‑gälɩ, 'sɩrɩ 'üa ‑glügbü bäbläa' 'lɩ 'ünya 'cie 'mɩɩ 'lɩ.

Jenɛɛsë 7:3

Cɛlɩa Nyisiea ‑tɔrʋpɩɔ nɩ, 'ba bɩaa' 'lɩ nyɩbɛrʋ ‑bɛ 'ŋlʋʋ 'wʋ ‑uunsɔɔ 'wʋ. 'Ia 'taɩn 'lɩ nɩ, 'üa ‑glügbü nya 'pläwʋ tɩɔrɔa ‑tʋtʋ ‑gälɩ.