Jenɛɛsë 6:17 - Kuö Dëdrä Jenɛɛsë Rutë

¹⁷ 'Mɔɔlɔ ‑o, 'nyaa 'nʋŋlʋkpaku ‑tʋtʋ ‑gälɩ jaa, 'mä diili kä 'fɩɔ fioa' ‑bɛ i bäa' cɛa ‑wälɩ ‑gblooro. Diili kä 'fɩɔ bäa' ‑tʋtʋ ‑gälɩ nya jäjäa.

Jenɛɛsë 6:17 Referans Kwoze

2 Piɛɛrë 2:5

Nyɔsʋa 'nyɩ bɩa ‑kätɩ 'plälä nʋa' ‑balʋa nyatɛrɩ ‑a 'jä. 'Ɔ ja 'nʋŋlʋ kpaku 'unya dara 'üün dara ‑tʋtʋa nya 'si 'nɩ 'klɩ. ‑Maa 'ɔ 'balɩ Noe mlɩ; 'cɩcasaa 'lɩsanyɔɔ, 'ɔɔ bä ‑uuntääa nyɔɔlɔ Nyɔsʋa 'baa' 'lɩmlɩ nyra 'ɔa ‑gböölia nyüü ‑uunsɔɔ ‑mölöö.

Jenɛɛsë 7:4

'Be jrüü ‑uunsɔɔa 'mlɩ 'nyaa 'nʋŋlʋ ‑tʋtʋ ‑gälɩ bea; 'unya dadaa jrüüa ‑glʋɩsɔɔ ‑gbiaa ‑glʋɩsɔɔ. 'Nyaa 'lɩbädiili kä 'fɩɔ 'n nʋa' ‑tʋtʋ ‑gälɩ ‑gbloooa.»

1 Piɛɛrë 3:20

'A nyüülü 'nyɩ käa' 'lɩ Nyɔsʋa ‑träärä 'taɩn 'lɩ 'ɔ ‑glaara käa' 'üün Noea 'taɩn 'lɩ, 'taɩn 'lɩ kä 'mlɩ Noe nʋ käa' 'mɩɩ kpaki. Nyüü jie 'üü ‑srörö 'nie ‑gälɩ 'ünya 'wʋlɩmlɩ: 'üa nyüü ‑uuntää.

Ebröönyüü 11:7

Noea nyɔsʋaplɛtorokʋa ‑gʋ 'ɔ ko 'mɩɩ 'ɔmä 'ɔa ‑gbööö 'lɩmlɩba. Wiili nëmäa' 'lɩjrä ‑bɛ 'i blöa' ‑fälɩ 'ɔa 'nyü ‑gälɩ nɩ, 'ɔ 'dara 'iin wii ‑bɛ 'i ‑kaaŋlʋ 'lɩjrä. 'Ɔa nyɔsʋaplɛtorokʋa ‑gʋ, 'ɔ srara 'sɩrɩ Nyɔsʋa 'mäa' 'pläa ‑gä ‑tʋ. 'A 'ɔa nyɔsʋaplɛtorokʋa ‑gʋ Nyɔsʋa ‑nyɩ 'ɔɔn 'klɩgänyɔɔ, 'iibä 'ɔa ‑jaaa.

Rɔmënyüü 6:23

‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.

Rɔmënyüü 5:21

‑Kätɩsa ‑balʋ ma kälä nyüü 'klü ‑gälɩ 'u ja jäjä, 'asɩ Nyɔsʋaa ‑gbinanakʋ nëmä nyüü 'klügälɩ kälä 'umä 'üün 'klɩgä, 'ümä ana 'Pläkänyɔɔ Jesu 'Kriisë kälɩ ‑srörö 'ümä 'klälä 'nyɩa' blöröfa kä 'jä.

Lukë 17:27

Nyüü ma jödɛɛ ‑bɛ 'ü ma 'mlaa 'nʋ, 'ü ma 'tie ‑bɛ 'ü ma 'tie 'üa 'ŋlëkayörü. 'Asɩ 'ü kä kä, Noe nya 'jra kä 'mɩɩlɛa 'mlɩ. 'Nɩ nya ji 'ia 'fɩɔ ‑gblooo.

Jenɛɛsë 6:13

'A 'ia ‑gʋ Nyɔsʋa nya ‑gbala Noe: «Nyüüa 'fɩɔa bʋblɔtaɩn 'a 'lɩjrä, 'ü 'sie ‑tʋtʋ bʋbɔgbi 'klɩ. 'Üü ‑bɛ ‑tʋtʋ kɔsɔ 'nyaa 'üün ‑gblooa.

Jenɛɛsë 6:7

Yawe ‑nëma: «Nyɔɔlɔ 'n nʋa', 'nyaa 'ɔɔn ‑tʋtʋ ‑gälɩ 'baa, kolo 'ɔɔn ‑gälɩ 'kä ‑a ‑tɔɔ mlaa ‑gälɩ, ‑a ‑tɔɔ ‑pɛrɛdii nyra nyisie ‑gälɩ. 'I pa 'mɩ ‑gba dɛɛlɛ kä ‑gʋ 'n nʋa' 'üün.»

Matiö 24:39

'Üa ‑gbʋʋ 'nyɩ kä 'lɩ ‑a bä bä, 'nʋŋlʋ kpaku nya ji 'unya fa 'üa 'fɩɔ. 'Asɩ 'i nëmä bɩa bä Nyɔɔa 'Jʋa jijitaɩn 'lɩ.

Jenɛɛsë 9:9

«'Mɔɔlɔ nɩ, 'nyaa 'mɔɔ ‑bɛ 'amɔa ‑tɔrʋpɩɔ kuö 'paa, nyra 'mɔɔ ‑bɛ 'ana 'jüa 'jüa ‑tɔrʋpɩɔ,

Jenɛɛsë 7:17

'Nʋŋlʋkpaku dara ‑tʋtʋ ‑gälɩ daradara kpraalɩa jrüüa ‑glʋɩsɔɔ. 'Nɩ nya jrajraa 'inya 'jrara 'mɩɩ 'nie 'klɩ.

Jenɛɛsë 7:15

'Lɩbädiili kä 'fɩɔ ‑ka fioa' nya 'jra 'mɩɩ 'lɩ 'sɔrɔ 'sɔɔ Noea ‑gba.

Jenɛɛsë 2:7

Yawe Nyɔsʋa nya nʋ ‑tʋtʋa 'mlʋ 'ɔnya nʋ nyɔɔ, 'ɔnya 'pa 'ɔa 'mrʋ 'lɩ ‑fʋflʋlɔ ‑nyɛɛa' 'klä. Nyɔɔ nya bä 'lɩbänyɔɔ.

Jenɛɛsë 6:16

Kpa 'mɩɩa cɛlɩ 'klɩ, i ‑bɛ 'mɩɩa kotüa ‑tɔrʋpɩɔa 'wli tʋŋlɔdɛɛ bä santimɛɛtrëa ‑glʋɩsɔɔ ‑bɛ ‑gböö. ‑Tʋ bɩa 'mɩɩa 'pɛ ‑mɩdee ‑gälɩ tatu, 'kä ‑paaa bɩa 'mɩɩlɛa 'mlɩ ‑gälɩpeprekʋfë tää.