Jenɛɛsë 49:4 - Kuö Dëdrä Jenɛɛsë Rutë

⁴ ‑Beere 'puplunɩ, ‑ka ‑nëmä ‑kätɩjʋ ‑a bä; ‑jraa ‑na tʋa ‑pɔkɩ ‑gälɩ nya 'pi 'lɩ, ‑nya pla 'na ‑pɔkɩ ‑fre 'lɩ, ‑pia' 'lɩ.

Jenɛɛsë 49:4 Referans Kwoze

Jenɛɛsë 35:22

'A 'blɩlɩa ‑gälɩ 'ü ma kʋ, Rubɛɛnë nya jre 'ɔa tʋ Israɛɛlëa ‑geeiŋlʋʋlɔ 'ü 'daraa' Bilia. 'Inya blö Israɛɛlëa 'nyakli 'lɩ. Jakɔɔbëa nyɩbɛjü bä ‑pʋ ‑bɛ 'sɔɔ:

1 Korɛɛntënyüü 5:1

A 'nrörö 'plɔʋplɔʋ nyüüa mlɩ wii 'wli 'ana 'pɛlɩ. Nyüü nɩnɩa ‑sagbili Nyɔsʋa 'nyɩ 'bataa', 'inyɩa' 'nɩmɩ nyüülü 'nyɩa' Nyɔsʋa jrea ‑tɔrʋpɩɔ bä nɩ, 'ii 'a nö. 'Ü nɩnɩa 'ana ‑tɔrʋpɩɔa nyɔɔ 'ba 'ɔa tʋ 'ŋlʋʋ kälɩ!

Jenɛɛsë 46:8

‑Jää Israɛɛlëa 'jülü 'ɔ nyra 'üü jia' Ejiipëtë, ‑jää 'üa 'nyrɩ. Jakɔɔbë nyra 'ɔa nyɩbɛjü. Jakɔɔbëa ‑kätɩ 'jʋa 'nyrɩ bä: Rubɛɛn.

2 Piɛɛrë 3:16

'Asɩ 'ɔ nö ‑pɔɔkɩ 'lɩ kä 'mlɩ 'ɔ 'palaa' ‑taa wiilia ‑gä. 'Papawii ‑mɩdoo bälɩ 'mlɩ 'ia 'wlinunukʋ klalɩ, nyüülü 'nyɩa' wii jre, nyra nyüülü kä polu ‑ka ‑piiea' 'lɩklɩ, 'ü totrolɩ 'ia ‑gbaa ‑gälɩ. 'Asɩ 'ü nö bɩa nyɔsʋapɔɔkɩ ‑mɩdooa 'mlɩ; 'üa 'mʋgbɛ 'bata 'üa bʋblɔkʋ.

2 Piɛɛrë 2:14

Bätësaa 'dooa wii 'ü bobo, ‑balʋa nʋnʋkʋa 'doo bä 'üa plɛ 'klɩ. 'Ü 'kʋɛɛrɛ ü 'fʋmaa' 'üa nyüfë ‑gba, 'üa polu 'si dɛɛnyükäkäkʋ 'klɩ. Nyɔsʋaa busukʋ bä 'üün ‑gälɩ.