Jenɛɛsë 49:25 - Kuö Dëdrä Jenɛɛsë Rutë

²⁵ ‑Na tʋa Nyɔsʋa nya ‑mɩ ‑gba jia, abɩa Ɛlë Sadaii 'pa ‑mɩ 'nɩ, 'papanɩlɩ sɔa' 'cɛlɩ, 'papanɩlɩ sɔa' ‑fli, nyra 'papanɩlɩ sɔa' mlaa nyëtëa 'mlɩ nyra 'ŋlʋʋa ‑gua 'mlɩ.

Jenɛɛsë 49:25 Referans Kwoze

Jenɛɛsë 35:11

Nyɔsʋa nya ‑gbala 'ɔɔn: «'Mɔɔ bä Ɛlë Sadaii. ‑Gu! 'Paplagälɩ! 'Nyaa ‑na 'jüa 'jü 'plä nyra 'pläɩɩ 'lɩnröröa 'kä ‑nya 'kɩɩɩ ‑gua.

Jenɛɛsë 28:13

Yawe 'nyüglö ‑gbleteilɛa ‑gälɩ 'ɔ ‑nëma: «'Mɔɔ bä Yawe, ‑na tʋ Abraamë, nyra Isaakëa Nyɔsʋa. ‑Tʋtʋlʋ kä ‑gälɩ ‑piia' 'n ‑nyɩ ‑mɩ 'uun, ‑nyra ‑na 'jüa 'jü 'sɔ.

Filipënyüü 4:19

'Na Nyɔsʋa nya 'amɩ diili kä 'fɩɔ 'a 'bataa' ‑nyɩa 'sɩrɩ 'ɔa 'wliklɩbʋa 'bɩɔlʋ bäa' Jesu 'Kriisë 'lɩ bäa', 'asɩ 'ɔmä 'amɩ 'iin ‑nyɩ.

1 Timotee 4:8

Fʋfɔlʋ jö nyɔɔa fugba ‑gba ‑jie. ‑Maa Nyɔsʋaa 'lɩträäkʋ 'na diia 'fɩɔa ‑gʋ, 'be 'i ‑nyɛɛɛ amɩ 'klä: 'saarɩa 'klä nyra ‑srɩɩa nä.

Jenɛɛsë 43:23

Nyɔɔlɔ ‑nëma: «Ŋalɛ 'nyɩ 'bla 'amɩ! 'Ana tʋa Nyɔsʋa, 'ɔɔ ‑nyɩ 'amɩ 'bɩɔ 'ana ‑bɛjʋa 'mlɩ. ‑Maa 'ana ‑kätɩ möliili nɩ, 'n 'jä 'iin.» 'Ɔnya ja 'üün Simeɔɔn.

Jenɛɛsë 27:28

Abɩa Nyɔsʋa ‑nyɩ ‑mɩ cɛlɩa nifätë nyra 'mʋfa ‑tʋtʋa nyra papladii ‑bɛ ‑duvɛɛn 'kɔkɔmlɛ!

Ɛfɛsënyüü 1:3

Abɩa Nyɔsʋa 'bʋala, 'ɔɔ bä ana 'Pläkänyɔɔ Jesu 'Kriisëa Tʋ. 'Ɔ 'pa amɩ 'nɩ 'Kriisë 'lɩ, 'ɔɔ kälɩ 'ɔ ‑srörö 'ɔnya ‑nyɩ amɩ 'ɔa 'nɩpapakʋlʋa 'fɩɔ bäa' cɛa 'mlɩ.

Jenɛɛsë 28:21

‑bɛ 'na plɛ ‑gälɩ ma flɛrɛ ama 'blöö 'na tʋa nyɛɛ dɛrɩ nɩ, 'ia 'taɩn 'lɩ Yawe nya 'na Nyɔsʋa bäa.

Matiö 6:33

'Ba 'bata ‑kätɩ Nyɔsʋaa 'kamaplä nyra 'ɔa 'klɩgägäkʋ, ‑bɛ 'ɔmä 'lɩ 'amɩ ‑taa diilia 'fɩɔ 'wlibɩa.

Jenɛɛsë 35:3

'Ba sɔwʋ amä Bɛtɛlë mi, 'mä Nyɔsʋaa ‑gbɔsatöwlö 'pie. 'Ɔɔ ji 'mɩ ‑gba 'taɩn 'lɩ 'n bä käa' ‑sʋɩ 'lɩ. ‑Plɩɩlɩ kä 'fɩɔ 'n ‑sröröa' 'ɔɔ bä kä 'na ‑gba.»

Jenɛɛsë 17:1

Abramë kä käa' ‑sɩa ‑glʋɩmlɔɔ ‑sɩ ‑pʋ ‑sɩ ‑uunmlɔɔ nɩ, Yawe 'tɔrɔ kä 'ɔɔn 'nyü ‑gälɩ 'ɔnya ‑gbala 'ɔɔn: «'Mɔɔ bä Ɛlë Sadaii. 'Nyɛrɛ 'na 'papawiia 'mlɩ, ‑nyɔɔ 'nyɩ 'kplara ‑mɩ wii 'plɔʋ!

Jenɛɛsë 28:3

Abɩa Ɛlë Sadaii 'pa ‑mɩ 'nɩ: ɔ ‑nyɩ ‑mɩ 'jü 'kɔkɔmlɛ, 'ümä 'lɩ ‑goglo ‑bɛ ‑mä ‑glügbü 'kɔkɔmlɛ kɔkɔmlɛa tʋ bä.

Jenɛɛsë 32:9

'Ɔa plɛklɩ 'ɔ ‑nëma: «Esau ma bɩalɩ 'pɛɛ 'dee nɩ, 'sɔɔa nɛ nya 'lɩmlɩwʋa.»

Jenɛɛsë 48:3

Jakɔɔbë nya ‑gbala Josɛɛfë, ‑maa: «Ɛlë Sadaii 'tɔrɔ 'mɩ 'klɩ Lusëbätälä bäa' Kanaan a ‑tʋtʋ ‑gälɩ; 'ɔnya 'pa 'mɩ 'nɩ.