Jenɛɛsë 48:14 - Kuö Dëdrä Jenɛɛsë Rutë

¹⁴ ‑Maa Israɛɛlë nya 'pie 'ɔa 'dupa klʋgba blaaadɩɔ Efraimëa 'wli. 'Ɔnya ‑tʋ 'ɔa kʋmla klʋgba Manasɛa 'wli. ‑Bakää Manasɛ bä ‑kätɩjʋ, ‑jɔjɔsa 'ɔnya 'pepre 'ɔa 'dari ‑gälɩ.

Jenɛɛsë 48:14 Referans Kwoze

Jenɛɛsë 41:51

Josɛɛfë nya 'dara 'ɔa ‑kätɩjʋ Manasɛ. 'Ɔ ‑nëma: «'Ɔɔ Nyɔsʋa nʋ 'nyaa ‑trɔ 'na ‑sʋɩa 'fɩɔ nyra 'na tʋa ‑gböööa 'fɩɔ.»

1 Timotee 5:22

‑Nyɩ 'sosowʋ nyɔɔa 'wlia 'darʋ 'piepiekʋa ‑gʋ; ‑nyɩ 'cakla ‑na nyufa nyɔɔ ‑moloa ‑balʋ, ‑na 'mʋgbɛ tʋŋlɔlɩ ‑balʋ dɛrɩ.

1 Timotee 4:14

'Srɛlɛ Nyɔsʋa ‑tʋa' ‑mɩ 'lɩ, 'srɛlɛ ‑jääa' 'taɩn 'lɩ Nyɔsʋa ‑sröröa' nyüü kälɩ ‑bɛ 'ɔ 'paa' wii, 'taɩn 'lɩ 'cɛcɩtagbü 'piea' ‑mɩ 'dari 'wli nɩ, ‑nyɩ 'pa 'ɛɛn sa 'wʋ.

Akëtë 13:3

'Ii känyrɩ 'ü 'wlaraa' su nyra nyɔsʋabibiekʋ nɩ, 'ünya 'pie 'üün klʋgbë ‑gälɩ 'ünya 'cɛrɛ 'üün ‑wälɩ 'ünya mi.

Akëtë 6:6

'Ünya ja 'üün Apotrëa 'klʋɩ. 'Ünya 'pie 'üün klʋgbë ‑gälɩ, 'ünya bibie 'üa 'wli 'lɩ.

Lukë 13:13

'Ɔnya 'pie 'ɔɔn klʋgbë ‑gälɩ, 'a ‑plɩɩ 'ɔ kʋ 'ɔnya ‑gäklɩ, 'ɔnya 'bʋala Nyɔsʋaa 'nyrɩ.

Lukë 4:40

‑Gbiajrʋ möa' nɩ, nyüüa 'fɩɔ nya ja 'üa ‑wusublanyüülü ‑wusua 'kaɩn 'kaɩn 'blaaa' Jesu. 'Ɔnya 'pepe 'üün klʋgbë ‑gälɩ 'doorodoo, 'ünya 'pʋ.

Matiö 19:15

'Ɔnya 'pepe 'üün klʋgbë ‑gälɩ, 'ɔnya sɔwʋ 'ɔnya mi.

Matiö 19:13

'Ii ‑sia' nɩ, nyüü ja 'ɔɔn 'jü 'ɔmä 'üün klʋgbë ‑gälɩ 'pie 'ɔmä 'üa 'wlilia nyɔsʋabibie, ‑maa 'ɔa 'wʋnyɛrɛnyüü nya 'daa 'üün.

Matiö 16:18

'Na 'mʋgbɛ ‑jäsɩ 'n ‑gbalaa' ‑mɩ nɩ: ‑Mɔ bä Piɛɛrë ‑bɛ 'a 'ia 'täkäläa ‑gälɩ 'mä 'na 'cɛcɩ 'pala. 'Kuaabrea 'klü 'nyɩ 'lɩ ‑a bɩa ü 'kpa 'uun 'kä.

Matiö 6:5

«‑Ama bibie Nyɔsʋa nɩ, ‑nyɩ nʋ ‑glagälɩsrörönyüüa 'sa. 'Üü ‑wa 'nyüglökʋ üma bibie Nyɔsʋa juifëa 'sraaplanyëka ‑wälɩ nyra 'nyifi ‑gba; 'üü ‑wa nyüü 'mä 'üün 'jäjrä. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Jenɛɛsë 48:18

Josɛɛfë ‑nëma: «'Na tʋ, ‑mää 'sɩ 'inyɩ bä; ‑jää ɔ bäa' ‑kätɩjʋ 'pie 'ɔa 'wli ‑na 'dupa 'darʋ!»

Jenɛɛsë 46:20

Josɛɛfë nyra Asenatë ‑gu Manasɛ nyra Efraimë Ejiipëtëa 'blɩ ‑gälɩ. Asenatë bä Onë bätäa 'pɛrɩnyɔɔ Potiferaa 'ŋlëkayria.

Jenɛɛsë 41:52

'Sɔɔa nɔ nyɩbɛjʋa ‑nyrɩ bä Efraimë; 'ɔ ‑nëma: «Nyɔsʋa ‑nyɩ 'mɩ ‑guguö 'na ‑sʋɩa 'blɩ ‑gälɩ.»

Jenɛɛsë 48:13

Josɛɛfë nya dɔrɔ 'ɔa nyɩbɛjü 'sɔɔ 'wʋ: Efraimë bä ɩ 'ɔa 'dupa 'lɩ, 'ɔnya 'nyüglö 'ɔɔn Israɛɛlëa kʋmla 'lɩ. Manasɛ bä ɩ 'ɔa kʋmla 'lɩ, 'ɔnya 'nyüglö 'ɔɔn Israɛɛlëa 'dupa 'pɛlɩ. 'Ɔnya 'kʋɛrɛ 'üün 'ɔa ‑gba.

Jenɛɛsë 48:17

Josɛɛfëa tʋ 'piea' 'ɔa 'dupa darʋ Efraimëa 'wli ‑gälɩ nɩ, 'inyɩ 'ɔɔn 'tʋ ‑a kä. 'Ɔnya 'kpla 'ɔa tʋa 'darʋ 'ɔnya 'ba 'uun Efraimëa 'wli 'ɔmä 'uun Manasɛa 'wli ‑tʋ.