Jenɛɛsë 47:26 - Kuö Dëdrä Jenɛɛsë Rutë

²⁶ 'Ii känyrɩ Josɛɛfë nya ‑tʋ 'lɩ ‑dɔ Ejiipëtëa ‑tʋtʋa 'fɩɔa ‑gälɩ. 'U nɩnɩa: Faraɔɔn kä ‑tʋtʋa 'sasadiia ‑gbööa nɩ 'pɛ. ‑Dɔlʋ ‑ka bä ‑plɩɩ 'saarɩ. 'Pɛrɩnyüüa 'dooa ‑tʋtʋ Faraɔɔn 'nyɩ kä.

Jenɛɛsë 47:26 Referans Kwoze

Jenɛɛsë 47:22

'Pɛrɩnyüüa 'dooa pütia Faraɔɔn 'nyɩ ‑su; 'be 'pɛrɩnyüülü nɩ, Faraɔɔn ma kälä 'üa wii ‑gba: Faraɔɔn ma ‑nyɛɛɛ 'üün jijri, 'ia ‑gʋ 'ünyɩ 'pa 'üa pütia 'peru.

Jenɛɛsë 47:25

'Ünya ‑gbala 'ɔɔn ‑maa: «‑Mɔ ‑pʋɔ amɩ! Abɩa ana 'pläkänyɔɔa ‑gbinanakʋ bä amɩ ‑gälɩ, amä Faraɔɔn a ‑goou bä!»

Jenɛɛsë 14:20

Abɩa 'Wʋsi Nyɔsʋalɔ 'saraa' ‑na 'nyüamlɩjraranyü ‑na kälɩ 'bʋala!» Abramë nya ‑nyɩ 'ɔɔn diili kä 'fɩɔ 'ɔ 'blööa' dɛrɩ, 'ia ‑pʋa ni 'pɛ.

Jenɛɛsë 28:22

‑Taa 'täkälä 'n 'sria' kä 'nyɩ ‑pɩa' trɔ nɩ, 'änya Nyɔsʋa nyuku bäa; 'kä 'nyaa ‑mɩ diili kä 'fɩɔ ‑nëmäa' 'mɩ ‑nyɩ, 'ia ‑pʋa ni 'pɛ ‑nyɩ.»

Jenɛɛsë 41:34

‑Sɩ ‑uunsɔɔlɩ kä 'mlɩ jijri 'mäa' Ejiipëtëa 'fɩɔa ‑tʋtʋ ‑gälɩ ‑sümlö nɩ, Faraɔɔn kä 'ɔmä Ejiipëtëa ‑tʋtʋa 'fɩɔa ‑gälɩ nyüü ‑tätä, 'üü 'mä nyüüa jijria 'fɩɔ 'wʋ ‑gböö 'wʋ ‑päälä, ‑bɛ 'ümä ‑gbööa në 'pɛ ‑wälɩ ‑tätä.