Jenɛɛsë 44:8 - Kuö Dëdrä Jenɛɛsë Rutë

⁸ Möliili a 'järäa' ana ‑bɛjʋa 'mlɩ nɩ, a sɔa Kanaan a 'blɩ ‑gälɩ anya ja 'iin 'la! Dɛplɛɛ kä ‑gʋ a ‑ka 'mä ‑na 'kamanyɔɔa ‑gböölia 'sebla 'aiɛ 'ɔa ‑sika ‑jie le?

Jenɛɛsë 44:8 Referans Kwoze

Rɔmënyüü 13:9

‑Jäsɩ 'i bäa' nɩ, ‑dɔlʋ nöa' ‑maa: «‑Nyɩ kä ‑a kä ‑mä *bätësa 'pa; ‑nyɩ kä ‑a kä ‑mä nyɔɔ 'bla; ‑nyɩ kä ‑a kä ‑mä 'jie, ‑nyɩ kä ‑a kä ‑mä nyɔɔ ‑gbagblɛ ‑gälɩ tʋ; ‑nyɩ kä ‑a kä ‑mä dɛɛnyü kä» nyra ‑dɔ ‑mɩdoo 'fɩɔ bä ‑taa 'papawiili kʋa' ‑pɩ: «'Sɩrɩ ‑waa' ‑na nyufa, ‑wa 'saa ‑na ‑moloo.»

Matiö 19:18

'Iibäa' nyɔɔlɔ: «‑Dɔ 'plɛɛ le?» Jesu ‑nëma: «‑Nyɩ kä ‑a kä ‑mä nyɔɔ 'bla. ‑Nyɩ kä ‑a kä ‑mä bätësa 'pa. ‑Nyɩ kä ‑a kä ‑mä nyɔɔ ‑gbagblɛ ‑gälɩ ‑tʋ. ‑Nyɩ kä ‑a kä ‑mä 'jie.

Jenɛɛsë 44:7

'Ünya ‑gbala 'ɔɔn ‑maa: «'Büa! 'Ia 'samaa wii ‑kanyɩ 'ɔa 'jrʋpafɛnyüüa bobowlia 'mlɩ ‑a bö. Dɛplɛɛ kä ‑gʋ 'na 'pläkänyɔɔ 'paa 'ia 'sama wiili le?

Jenɛɛsë 43:12

'Ba fa mölii 'kɔkɔmlɛ; kä 'a fa bɩa 'üa möliili a 'järäa' 'ana ‑bɛjʋ 'lɩ. ‑Beeredɛ ‑trɔtrɔkʋ bäsaa.

Jenɛɛsë 42:35

'Taɩn 'lɩ 'ü ‑gbäträa' ‑bleeelɛ bäa' ‑bɛjʋa 'mlɩ kä nɩ, ‑jää 'üa möliia sakɔsʋ jɔ, ‑moloo ‑bɛ 'ɔa mölii 'ɔa ‑bɛjɛa 'mlɩ. 'Üü ‑bɛ 'üa tʋ 'jäa' 'iin nɩ, ŋalɛ nya 'bla 'üün.

Jenɛɛsë 42:27

'Ü 'tɔa' ‑plɩɩlɩ 'ümäa' 'prere nɩ, 'doo nya ‑jie 'ɔa ‑bɛjɛ 'klɩ 'ɔmä 'ɔa ‑sʋbre jijrɛ ‑nyɩ; 'ɔmä 'ɛɛn 'klɩjiekalɩ mi nɩ, ‑jää 'ɔa mölii.

Jenɛɛsë 42:21

'Üa 'kpɔ 'paa wii ɔ: «‑Yɛɛ; anyaa' kä ana ‑wlajʋ ‑gbigba nʋ; 'ɔ ‑sɩsra kä ‑bɛ 'ɔ bibie kä amɩ, ‑maa anyɩ kä 'ɔɔn 'nyakli ‑a po. 'A 'ia ‑gʋ ‑taa ‑sʋɩ blö amɩ ‑gälɩ.»

Jenɛɛsë 43:18

'Ɔ faa' 'üün Josɛɛfëa ‑gbööli nɩ, ŋalɛ 'blaa 'üün. 'Ü ‑nëma: «'A möliili a 'järä käa' ana ‑bɛjʋa 'mlɩ nɩ, 'ia ‑gʋ 'ü ja ‑tɛ amɩ. 'Ɔmä amɩ ‑gbigba nʋ 'a 'ia ‑gʋ 'ɔ ja amɩ 'ɔa ‑gbööli, 'ɔmä amɩ 'kpla; 'ɔmä ana ‑sʋbru 'kpla, amä 'ɔa ‑goou bä!»