Jenɛɛsë 42:6 - Kuö Dëdrä Jenɛɛsë Rutë

⁶ Josɛɛfë bä 'blɩa 'kamanyɔɔ kpakö, 'a 'ɔɔ 'pala ‑tʋtʋ ‑gälɩa nyüüa 'fɩɔ ‑bleee 'peru kälɩ. Josɛɛfëa ‑wlajü nya ji, 'ɔa 'klɔɔtrʋ 'ünya 'pala 'ɔa 'klʋɩ kotifli.

Jenɛɛsë 42:6 Referans Kwoze

'Nyügälɩjawii 3:9

'Nyaa ‑mɩ Sataan a trarafa 'wʋa nyüü kälɩ ‑nyɩa, 'ü 'daraa' 'üa nyüfë juifë ‑bɛ 'ünyɩa' 'üün bä, ‑gbagblɛ 'ü kä. 'Nyaa 'üün jaa 'ünya ‑na 'klʋɩ kotifli 'palaa, 'kä 'ünya 'saa jre 'sɩrɩ 'mɔɔ 'n ‑waa' ‑mɩ.

Akëtë 7:10

'Ɔnya 'ba 'ɔɔn 'ɔa ‑sʋɩa 'fɩɔ 'lɩ. 'Ɔ ‑nyɩ 'ɔɔn wiijejrekʋ, 'ɔnya nʋ 'iin Ejiipëtëa 'kɩɩ Faraɔɔn nya ‑wa 'ɔɔn. 'Kɩɩlɔ nya ‑tʋ 'ɔɔn Ejiipëtë nyra 'ɔa ‑gböööa 'wliklɩ.

Jenɛɛsë 45:26

'Ünya 'sa 'ɔɔn ‑gogo, 'ü ‑nëma: «Josɛɛfë ‑ka bä 'plä 'wʋ! 'Ɔɔ 'kama Ejiipëtëa 'blɩa 'fɩɔ!» 'Ɔnyɩ 'iin wii 'wʋ ‑a 'ba; 'be 'ɔnyɩ 'dara 'üa mlɩa wii, wii ‑a.

Jenɛɛsë 45:8

'Ii känyrɩ, ‑mää 'amɔ 'nyɩ ‑tɛ 'mɩ blɔ ‑maa Nyɔsʋa 'ɔɔ blɔ ‑tɛ 'mɩ. 'Ɔ nrörö 'mɩ Faraɔɔn a nyɔɔ kpakö 'lɩ. 'N bä 'ɔa ‑gbööa 'fɩɔa 'cifi nyra Ejiipëtëa 'blɩa 'fɩɔa 'kamanyɔɔ!

Jenɛɛsë 44:14

Judaa nyra 'ɔa ‑wlajü 'tɔa' Josɛɛfëa ‑gbööli nɩ, 'ü jrä ‑plɩɩ 'ɔɔn. 'Ünya 'pala 'ɔa 'klʋɩ kotifli.

Jenɛɛsë 19:1

‑Gbiajrʋ mia' nɩ, 'aanjë 'sɔɔlë nya 'tɔ Sodɔɔmë. Lɔɔtë kʋ bätäa palafawʋ. 'Ɔ 'jäa' 'üün nɩ, 'ɔnya sɔwʋ 'ɔnya mi 'üa 'klʋɩ 'kä ‑gblaara 'ɔnya 'pala 'ɔa 'klʋɩ kotifli,

Jenɛɛsë 18:2

'Ɔmä 'wli 'wʋdɔrɔkalɩ mi nɩ, ‑jää nyüü tää 'nyüglö 'ɔa ‑gba. 'Ɔ 'jäa' 'üün nɩ, 'ɔnya sɔ ‑tete 'mäklɩ, 'ɔnya fɔ 'ɔnya mi 'üa 'klʋɩ 'kägblara 'ɔa 'klʋɩ tɛ ‑tʋtʋ 'wʋ.

Jenɛɛsë 33:3

'Ɔa 'mʋgbɛ nya kʋ 'üa 'wliklɩ. 'Ɔ ka 'klʋɩa ‑fli 'papakʋa ‑gʋ 'wʋ ‑uunsɔɔ 'wʋ 'fɩɔ 'wʋ 'ɔnya 'mä 'ɔa ‑wlajʋa ‑gba 'tɔ.

Jenɛɛsë 41:43

Faraɔɔn nya pla 'ɔɔn 'ɔa 'sɔɔ tafutopiilɛ ‑sʋ 'kʋɛɛa', 'ɛa 'mlɩ. 'Asɩ 'ɔ jö ‑bɛ nyüü bä 'ɔa 'klʋɩ, ‑bɛ 'ü nö: «'Ba 'pakotifli!» 'Asɩ Faraɔɔn nʋ 'ɔnya ‑nyɩ 'ɔɔn Ejiipëtëa ‑tʋtʋa 'fɩɔa 'kamakʋ kälɩ.

Jenɛɛsë 48:12

Josɛɛfë nya 'ba 'üün 'ɔa tʋa 'koti 'wli, 'ɔnya 'pala 'ɔa 'klʋɩ kotifli.

Jenɛɛsë 41:54

‑gbëkananiea ‑sɩ ‑uunsɔɔ nya 'troro 'lɩ 'sɩrɩ Josɛɛfë 'sa käa' 'lɩ. ‑Gbëkananie pa 'blɩa 'fɩɔa 'mlɩ, ‑maa jijri bä Ejiipëtëa 'blɩa 'fɩɔ ‑gälɩ.

Jenɛɛsë 41:57

'Pläa nyüüa 'fɩɔ jö Ejiipëtëa 'blɩ ‑gälɩ 'ümä Josɛɛfë ‑bleee kälɩ ‑sroro, 'be ‑gbëkananie ‑gbaala 'blɩa 'fɩɔ ‑gälɩ ‑gböösa.