17 'Ɔnya 'pa 'üün ‑jie 'lɩ jrüü tää.
‑Gälɩglaranyüüa 'cifi nya ‑nyɩ 'üün Josɛɛfë kälɩ 'ɔmä 'üün 'nyiöligäälä. 'Ü ‑si 'lɩ jrüü jie.
'Ɔnya 'bete Faraɔɔn a 'nyiöligäälänyüü kpakülü 'ɔnyra 'üün bäa' ‑jie 'lɩ: «Dɛplɛɛ kä ‑gʋ 'ana 'klʋɩ 'caklalɩ le?»
Ana tʋɩɩ ‑gäää amɩ 'klɩ 'taɩn jie 'lɩ 'ü jrea' 'saa 'i 'na ana ‑gʋ. ‑Maa Nyɔsʋa 'kpɩa amɩ amä plɛgälɩflɛrɛkʋ kä, ana 'kläa 'nyü 'mä 'na 'plɔʋplɔʋ ‑beere 'ɔɔn.
'Ünya 'kpla apotrë, 'ünya 'pa 'üün ‑jie 'lɩ.
'Ünya 'kpla 'üün, 'ünya 'pa 'üün ‑jie 'lɩ, 'ünya 'prere 'lɩ; 'be ‑gbiajrʋ 'lɩ 'ü 'kpla 'üün.
Jrüü 'doo 'lɩ nɩ, Faraɔɔn ‑träärä kä 'ɔa 'jrʋpafɛnyüü 'crɛ ‑gba, 'ɔnya 'daa 'ü 'pa 'mɩ ‑jie 'lɩ 'ɔa ‑gälɩglaranyüüa 'kamanyɔɔa nyüköli, 'nyraa 'flɔɔpinyüüa 'kamanyɔɔ kɔsɔ.
