Jenɛɛsë 41:16 - Kuö Dëdrä Jenɛɛsë Rutë

¹⁶ Josɛɛfë ‑nëma: «‑Mää 'mɔɔ ‑a! ‑Maa Nyɔsʋa 'ɔɔ nëmä Faraɔɔn 'ɔa sanyüa ‑gbaa ‑gbala ‑bɛ 'ɔa plɛ 'mä 'wʋ 'cie.»

Jenɛɛsë 41:16 Referans Kwoze

2 Korɛɛntënyüü 3:5

‑Mää 'ii 'nyɩ bä ana 'mlɔɔ 'mrɛɛ a nʋ 'ia 'sama 'jrʋpalä. 'Be Nyɔsʋa ‑gʋ a ‑fɛɛɛ 'ämɩ.

Jenɛɛsë 40:8

'Ü ‑nëma: «A sa sanyü, ‑maa nyɔɔlɔ 'mäa' amɩ 'üa ‑gbaa ‑nyɩ 'ɔnyɩ 'lɩ ‑a bä.» Josɛɛfë ‑nëma: «‑Mää Nyɔsʋa 'nyɩ 'sasra sanyü ‑gälɩ? 'Ba ‑gbala 'mɩ 'üün!»

Akëtë 3:12

Piɛɛrë 'jäa' 'iin nɩ, 'ɔnya ‑gbala ‑jria: «Israɛɛlënyüü 'amɩ, dɛplɛɛ kä ‑gʋ 'i kala 'amɩ plɛklɩ le? Dɛplɛɛ kä ‑gʋ 'a nö 'saa 'a ‑pʋpɔ amɩ ‑beere ana 'mʋgbɛa 'klü a nʋ ‑bɛ nyɔɔlɔ kʋa' ‑pɩ 'nyɛɛ le? ‑Mää bɩa 'kä a pɩɛ Nyɔsʋaa ‑gböösa anya ‑si 'amɩ 'wʋ ‑a!

1 Korɛɛntënyüü 15:10

‑Maa Nyɔsʋaa ‑gbinanakʋa ‑gʋ 'n bäsaa 'saarɩ, 'be 'ɔa ‑gbinanakʋlʋ ɔ sraraa' 'mɩ nɩ, ‑mää 'fëflɛsa ‑a, ‑bɛ 'n ‑fɛ 'jrʋpa 'nyaa ‑si apotrë ‑mülüa 'fɩɔwʋ. ‑Mää 'mɔɔ 'nyɩ 'jrʋpa ‑fɛ, ‑maa Nyɔsʋaa ‑gbinanakʋlʋ bäa' 'mɩ 'lɩ 'uu bäsaa.

Akëtë 3:7

'Ɔnya 'kpla 'ɔa 'dupa 'darʋ 'ɔnya 'kʋɛɛ 'ɔɔn. 'A ‑plɩɩ 'ɔa bei nyra 'ɔa bɔtütü kʋ 'ünya 'pʋ.

Lukë 19:42

‑bɛ 'ɔ nö: «‑Na 'mʋgbɛ ‑oo, 'saarɩa ‑srɩlɩ bäa' ‑na ‑srɩ, ‑ama jre ɩ dɛɛlɛ 'mäa' ‑mɩ 'wlinönrökʋ ‑nyɩ! ‑Maa ‑nyɩ 'lɩ ‑a bɩa ‑mä 'iin 'jä; 'i 'a ‑sisie.

Jenɛɛsë 37:14

'Iibäa' 'ɔa tʋ nɩ: «Mi 'lɩ ‑a ‑jää ‑na ‑wlajü nyra mlaalü bäa' 'lɩ, 'üa fugbë ma 'na ‑bɛ ‑mä 'mɩ ‑gbalakalɩ ji.» 'Ɔnya sɔ Eblɔɔn a 'käblatʋtʋ ‑gälɩ, 'ɔnya mi Sikɛmë.

Jenɛɛsë 41:17

Faraɔɔn nya ‑gbala Josɛɛfë: «'N saa' nɩ, 'n 'nyüglö 'nielɛ 'ü 'daraa' Nilë, 'ɛa 'kɔtʋ mlɩ.

Jenɛɛsë 41:25

Josɛɛfë nya ‑gbala Faraɔɔn ‑maa: «Sanyü 'sɔɔlü bä dɛɛdee. Wiili Nyɔsʋa nëmäa' nʋ 'ii 'ɔ srara Faraɔɔn.

Jenɛɛsë 41:28

'A wiili 'n ‑gbala ɩa' Faraɔɔn; wiili Nyɔsʋa nëmäa' 'ii 'ɔ srara 'ɔɔn.