Jenɛɛsë 4:10 - Kuö Dëdrä Jenɛɛsë Rutë

¹⁰ Yawe ‑nëma: «Dɛplɛɛ ‑nʋ le? ‑Na ‑wlajʋa ‑torua 'kpökpöwii sɔ tɛ ‑tʋtʋ ‑gälɩ 'inya 'tʋ 'na ‑nyɛɛ.

Jenɛɛsë 4:10 Referans Kwoze

Ebröönyüü 12:24

'A jijrö Jesulɔ bäa' kuö dëdräa 'diprö ‑gba. 'A jijrö ‑torulu ‑gbagbaa 'kä u ‑sia' Abɛɛlëa 'nu 'wʋ ‑gba.

Ebröönyüü 11:4

Abɛɛlëa nyɔsʋaplɛtorokʋa ‑gʋ 'ɔ ‑nyɩ Nyɔsʋa ‑gbɔsadiili 'naa' i ‑sia' Kaɛɛn a ni 'wʋ. 'A 'ɔa nyɔsʋaplɛtorokʋa ‑gʋ Nyɔsʋa 'kʋɛɛ 'lɩ 'ɔa në ‑gbɔ, 'ɔnya 'daa 'ɔ bä 'klɩgänyɔɔ. 'A 'ɔa nyɔsʋaplɛtorokʋlʋa ‑gʋ Abɛɛlë jä ‑bɛ 'ɔ ‑ka 'paa wii.

Jaakë 5:4

'Ba tɛlɩ, 'jrʋpafɛnyüülü ‑fɛɛɛrɛa' 'ana putu 'lɩ 'jrʋpa, ‑bɛ 'anyɩa' 'pɛɛ nɩ, 'üa mölii nyra 'üa 'mʋgbɛa 'kpökpöwii blö Nyɔsʋalɔ 'kamaa' cɛlɩa 'sʋgɩa 'ɔa 'nyakli 'lɩ.

Jenɛɛsë 9:5

Dɛɛlɛ bäa' 'ana toru, u bäa' 'ana 'klä nɩ, mrɛɛ ma 'bla nyɔɔ, 'nyaa 'ɛɛn 'ɔa toru 'lɩbetre a. Nyɔɔ ma 'bla nyɔɔ nɩ, 'nyaa 'ɔɔn 'ɔa ‑toru 'lɩ 'betrea: 'nyaa nyɔɔ 'ɔa 'klä 'lɩbetrea.

Jenɛɛsë 18:20

Yawe nëma: «Sodɔɔmë nyra Gomɔɔrëa ‑balʋ 'a kälɩbä, 'ia ‑gʋ nyüüa 'dugu 'a 'wlisie 'üa nʋnʋgbia ‑gʋ.

Jenɛɛsë 3:13

'Ii känyrɩ Yawe Nyɔsʋa nya ‑gbala 'ŋlʋʋ: «Dɛplɛɛ nʋ le?» 'Ŋlʋʋ ‑nëma: «Trɔɔ 'sara 'mɩ ‑gbagblɛ, 'nya ji 'ään.»

Akëtë 5:9

Piɛɛrë ‑nëma: «Dɛplɛɛ kä ‑gʋ 'ana 'sɔɔ 'nönröwli ‑bɛ 'a ji 'Pläkänyɔɔa ‑Susu 'lɩtɛkalɩ le? ‑A ‑gbala ‑mɩ: nyüülü ‑tʋa' ‑na dʋɔ, 'ü 'a nyuku mla 'klɩ 'tɔtɔkʋ bɩa; 'ünya bɩa ‑mɩ faa!»

Akëtë 5:3

Piɛɛrë nya ‑gbala 'ɔɔn: «Ananiasë, dɛplɛɛ kä ‑gʋ ‑cɛɛrɛ Sataan ‑wälɩ ‑bɛ 'ɔ fa ‑na plɛ le? 'Nyüna ‑Susu ‑saara ‑gbagblɛ ‑nya ‑tʋ putulu ‑paaa' 'perua möliia 'pɛ 'dee ‑wälɩ.