Jenɛɛsë 39:3 - Kuö Dëdrä Jenɛɛsë Rutë

³ 'Ɔa 'kamanyɔɔ nya 'jä 'sɩrɩ Yawe bä Josɛɛfë dɛrɩ diia 'fɩɔa 'mlɩ. 'Ɔnya 'jä 'sɩrɩ Yawe jöa' 'ɔɔn ‑gba 'ɔa 'jrʋpaa 'mlɩ.

Jenɛɛsë 39:3 Referans Kwoze

Jenɛɛsë 30:27

'Iibäa' Labaan: «'N bibie ‑mɩ, ama jre 'saa 'n 'nara ‑mɩ kälɩ nɩ, po 'mɩ 'nyakli. 'Na nyɔsʋaɩɩ ‑gbala 'mɩ 'sɩrɩ Yawe 'paa' 'mɩ 'nɩ, ‑na ‑gʋ.

Matiö 5:16

'Asɩ 'ana 'napɛ kä 'ɛmä bɩa nyüü ‑gälɩ ŋʋala, 'ümä 'mʋfa ‑gbili 'a nöa' 'jä, ‑bɛ 'ümä 'ana Tʋlɔ bäa cɛɩɩa 'mlɩ 'bʋala.

Jenɛɛsë 21:22

'Ia 'taɩn 'lɩ Abimɛlɛkë nyra 'ɔa 'sʋgɩaa 'kamanyɔɔlɔ 'ü 'daraa' Fikɔlë nya ji Abraamë 'jäkalɩ. 'Iibäa' Abimɛlëkë nɩ: «Nyɔsʋa bä wiili kä 'fɩɔ ‑nöa' 'ia 'mlɩ.

Jenɛɛsë 26:28

'Ü ‑nëma: «Anyaa' 'iin 'jä 'sɩrɩ Yawe bä 'tasɩrɩ ‑mɩ dɛrɩ. 'A 'ia ‑gʋ a 'daa: ‹A bibie ‑mɩ, abɩa 'sɔrɩkʋ bä amɔ ‑bɛ ‑mɔa ‑tɔrʋpɩɔ. 'Nyie amä kuö 'paa›

'Nyügälɩjawii 3:9

'Nyaa ‑mɩ Sataan a trarafa 'wʋa nyüü kälɩ ‑nyɩa, 'ü 'daraa' 'üa nyüfë juifë ‑bɛ 'ünyɩa' 'üün bä, ‑gbagblɛ 'ü kä. 'Nyaa 'üün jaa 'ünya ‑na 'klʋɩ kotifli 'palaa, 'kä 'ünya 'saa jre 'sɩrɩ 'mɔɔ 'n ‑waa' ‑mɩ.

1 Korɛɛntënyüü 16:2

'Sɔrɛ o 'sɔrɛ nɩ, ‑moloo ma bälɩ 'ɔ 'jä möliili 'ɔ 'klaaa', ‑bɛ 'ɔmä 'lɩ 'mlɩ mölii 'ba, 'ɔmä 'iin 'klɩbere 'ɔa nyüköli. 'Ama nʋ 'saa, ama ji nɩ, 'a ‑ka ‑nëmä 'klɩ ‑a 'baba.

Jenɛɛsë 39:23

‑Jienyüüa ‑gbaglaranyɔɔ 'nyɩ prɛrɛ Josɛɛfëa 'jrʋpa 'nyü dɛrɩ ‑a; 'be Yawe bä 'ɔɔn dɛrɩ, Yawe ma 'pa diili kä 'fɩɔ 'ɔ nöa' 'nɩ.

Jenɛɛsë 30:30

Mlaajielë ‑ma 'klaaa' ‑bɛ 'n jia' nɩ; 'ü 'a ‑sümlö. ‑Plɩɩlɩ 'n ‑sröröa', Yawe 'pa ‑mɩ 'nɩ. 'Taɩn 'plɛɛ 'lɩ ‑srɩɩ, 'mä 'na 'mʋgbɛa 'jrʋpa ‑fɛ le?»

Jenɛɛsë 26:24

Yawe nya 'tɔrɔ 'ɔɔn 'klɩ 'ia ‑gbiara; 'Ɔnya ‑gbala 'ɔɔn ‑maa: «'Mɔɔ bä ‑na tʋ Abraamëa Nyɔsʋa; ŋalɛ 'nyɩ 'bla ‑mɩ, 'n bä ‑mɩ dɛrɩ. 'Na 'jrʋpafɛnyɔɔ Abraamëa ‑gʋ 'nyaa ‑mɩ 'nɩ 'paa, 'kä 'nyaa ‑na 'jüa 'jü ‑gälɩ 'paplaa.»

Jenɛɛsë 21:20

Nyɔsʋa ‑glaara 'jʋlɔ ‑gälɩ. ‑Aaga 'lɩ 'ɔ kʋ, 'ɔnya bä ‑pruuu 'pa nyɔɔ.

Jenɛɛsë 39:2

Yawe bä Josɛɛfë dɛrɩ. Diili kä 'fɩɔ 'ɔ nöa' 'i 'wʋälɩmlɩ. 'Ɔa 'kamanyɔɔ Ejiipëtënyɔɔlɔa ‑gbööli 'ɔ kʋ.

Jenɛɛsë 21:23

'Ii känyrɩ, 'sɔrɩ Nyɔsʋaa 'nyrɩklɩ, ‑pɩ 'na 'klʋɩ, 'kä ‑mä 'mɩ ‑a ‑trɔɔrɔ, ‑nëmä 'na 'jü nyra 'üa 'jüa 'jü ‑a ‑trɔɔrɔ. 'Mʋfagbili 'n nʋa' ‑mɩ ‑gba nɩ, 'asɩ ‑nëmä bɩa nʋ 'na 'pɛlɩ nyra ‑taa 'blɩlɩ kä 'mlɩ bäa' nyɔtugbanyɔɔ ‑bɛ i kʋa'.»

Jenɛɛsë 39:21

'A ‑jie 'lɩ 'ɔ bä, ‑maa Yawe bä Josɛɛfë dɛrɩ, 'ɔa ‑gbinanakʋ bä bɩa 'ɔɔn ‑gälɩ: Yawe nya 'nʋ 'iin 'sɩrɩ ‑jienyüüa ‑gbaglaranyɔɔa 'mäa' Josɛɛfë ‑wa.