Jenɛɛsë 33:9 - Kuö Dëdrä Jenɛɛsë Rutë

⁹ 'Iibäa' Esau: «'I ‑jɔjrɔ 'mɩ 'wʋ 'kä 'na ‑wlajʋ, ‑tʋ ‑na ni ‑wälɩ.»

Jenɛɛsë 33:9 Referans Kwoze

Jenɛɛsë 27:39

'Ɔa tʋ Isaakë nya ‑gbala 'ɔɔn ‑maa: «‑Nya 'lɩ 'mʋfa ‑tʋtʋ dɛrɩ tʋŋlɔa, cɛlɩa ‑gbru ‑nëmä 'lɩ ‑gälɩ ‑a 'ciere.

Filemɔɔ 1:7

'Be 'na ‑wlajʋ, ‑blaara Nyɔsʋaa 'nyünanyüü dɔrʋ ‑na ‑wawaplɛa ‑gʋ; 'i kä 'mɩ dɔrʋ 'wʋ ‑gböösa ‑bɛ 'i 'paa 'mɩ 'klü 'lɩ.

Filemɔɔ 1:16

'Ɔ ‑kanyɩ ‑geei ‑a bä, ‑maa 'ɔ ‑si ‑geei 'wʋ: ‑wawawlajʋ 'ɔ bä. 'Na ‑wawawlajʋ; ‑maa ‑na në ‑gʋ nɩ, 'ɔ bä ‑na ‑wawawlajʋ ‑gböösa 'jajɛ 'lɩ nyra 'Pläkänyɔɔ 'lɩ!

Akëtë 21:20

'Ü 'nua' 'iin 'wli nɩ, 'ünya 'bʋala 'Pläkänyɔɔ. 'Ünya ‑gbala 'Pɔɔlë: «Ana ‑wlajʋ, ‑nyɩ 'jää 'sɩrɩ juifë 'kɔkɔmlɛ toroa' Nyɔsʋa plɛ ‑a; 'ü ‑träärälɩ ‑Dɔ ‑gböösa.

Akëtë 9:17

Ananiasë nya mi. 'Ɔnya pa nyüköli, 'ɔnya 'pie 'ɔa 'dari Sɔɔlë ‑gälɩ, 'ɔnya ‑gbala 'ɔɔn: «‑Wlajʋ Sɔɔlë, 'Pläkänyɔɔ Jesulɔ 'tɔrɔa' ‑mɩ 'klɩ 'nyʋfɔ mlɩ nɩ, 'ɔɔ blɔ 'mɩ ‑mä 'käjä, ‑bɛ 'Nyüna ‑Susu 'mä ‑mɩ 'lɩ 'si.»

Jenɛɛsë 27:41

Esau nya 'pa Jakɔɔbëa 'crɛ 'mlɩ, 'nɩpapakʋlʋ 'ɔa tʋ ‑nyɩ kä 'ɔɔn, 'ia ‑gʋ. 'Ɔa plɛklɩ 'ɔ nɩnɩa: «'Na tʋa jäjätaɩn ‑kanyɩ 'lɩdɛrɩ ‑a tʋŋlɔ, ɔma jä nɩ, 'nyaa 'na ‑wlajʋ Jakɔɔbë 'blaa!»

Jenɛɛsë 4:9

Yawe nya 'bete Kaɛɛn: «‑A 'plɛɛ ‑na ‑wlajʋ Abɛɛlë bä le?» 'Iibäa' 'ɔɔn: «'Nyɩ 'iin jre ‑a jre. 'Na ‑wlajʋa ‑gälɩglaaranyɔɔ 'n bä?»

Jenɛɛsë 27:40

‑Na ‑jɛrɛ nëmä ‑mɩ 'klɩfini, ‑na ‑wlajʋa ‑geei ‑nëmä bä; ‑maa 'taɩn 'lɩ ‑mäa' ‑na nyufa 'klɩfloro nɩ, ‑gblɛlɛ 'ɔ 'piea' ‑na ‑plɩ ‑gälɩ ‑nya 'ɛɛn 'lɩbaa.»

Jenɛɛsë 33:10

Jakɔɔbë ‑nëma: «‑Woo. 'N bibie ‑mɩ, ‑ama 'kʋɛɛlɩ 'mɩ nɩ, ‑ama 'jä 'na nyatɛrɩ nɩ, 'nyie ‑a fa 'imɩ. 'N 'jäa' 'saarɩ ‑na 'klʋɩ ‑bɛ ‑kʋɛɛa' 'lɩ 'mɩ nɩ, 'i ‑beere 'sɩrɩ 'n 'jäa' Nyɔsʋaa 'klʋɩ.