18 'Unya 'bütü nyra bʋbɔ 'sipi ‑gaa, diili ‑gaalaa' 'klʋɛɛ 'ii ‑nëmä ji.
‑Moloo böblö nänë 'lɩ. Nänë ‑gaa' 'änya kakla 'uun ‑fʋflʋ 'klɩ.
‑Maa 'ua 'mlɩ ma 'cie bʋbɔsipi nyra 'bütü nɩ, 'u ‑nëmä ‑gbanʋdɛɛ ‑a kä; 'unya busrua, 'kä 'unya 'pütrö.
‑Moloo nya 'daa 'ɔ jö diia 'fɩɔ, ‑bɛ ‑mɔlɔ kä nyɔsʋaplɛ 'nyɩa' 'wʋsɔɔrɔ 'ɔnyɩ ji mrɛɛ ‑a.
'Ɔnya ‑gbala Adaan: «‑Na 'ŋlʋʋ ponyakli, ‑nya ji tuubölä 'n ‑gbalaa' ‑mɩ ‑nyɩ jia'. 'Ii känyrɩ, ‑tʋtʋ 'a busu ‑na ‑gʋ. ‑Sʋɩ ‑nëmä 'jä ‑a ji ‑mä 'ua 'mlɩ jijrɛ 'ba, ‑srɩlɩ kä 'fɩɔ ‑nëmäa' ‑si.
‑Na 'klɩa nyasu ‑nëmä kpla, 'kä ‑nya dɛɛ ji, 'asɩ ‑nya nʋ nʋ 'kä ‑nya ‑tʋtʋ 'lɩ dɛrɩ 'blöö. 'Be 'uu 'n nʋ 'nyaa nʋ ‑mɩ. 'Mlʋ ‑bä, ‑nya 'mlʋ 'lɩ dɛrɩ 'blööa.»