Jenɛɛsë 3:1 - Kuö Dëdrä Jenɛɛsë Rutë

¹ 'Klʋɛɛa mlaalü kä 'fɩɔ Yawe Nyɔsʋa nʋa' nɩ, trɔɔ 'uu ma kä yrʋ. 'Unya 'bete 'ŋlʋʋlɔ: «'Cɩcasa Nyɔsʋa ‑gbala 'amɩ ‑maa: ‹'Anyɩ ji tiilia 'fɩɔ bäa' ‑taa putulu kʋa' ‑pɩa 'mlɩ, 'ia tʋtʋdii?› »

Jenɛɛsë 3:1 Referans Kwoze

2 Korɛɛntënyüü 11:3

'Sɩrɩ trɔɔ nʋa' ‑bɛ 'u nʋa' 'ua yrʋ 'u ‑trɔɔrɔa' Ɛvë nɩ, 'asɩ ŋalɛ 'blaa 'mɩ 'sɩrɩ 'ana bobowli ma 'kplaa 'kasa 'Kriisë nɩ, 'i ‑pɩ kälɩ ‑sie.

2 Korɛɛntënyüü 11:14

‑Maa 'inyɩ plɛklɩkalawii ‑a bä, 'be Sataan a 'mʋgbɛ nrörö 'ɔa nyufa pöplö 'aanjë 'lɩ ‑o.

'Nyügälɩjawii 12:9

‑Gblɔtrɔ kpakulu, ‑kätɩ trɔɔlʋ 'ü 'daraa' ‑Balʋsusu 'aiɛ Sataan, ɔ ‑trɔɔrɔa' nyüülü kä 'fɩɔ bäa' ‑tʋtʋ ‑gälɩ. 'Ünya be 'uun ‑tʋtʋ ‑gälɩ, 'ɔɔ ‑bɛ 'ɔa 'aanjëɩɩa 'fɩɔ.

'Nyügälɩjawii 20:2

'Ɔnya 'kpla ‑gblɔtrɔlʋ, ‑kätɩ trɔɔlʋ 'ü 'daraa' Diabëlë 'aiɛ Sataan, 'ɔnya kpasa 'uun 'umä 'lɩ ‑sɩa ‑diisɔɔ ‑glʋɩpʋ ‑si (1 000).

Matiö 4:3

'Traɩnyɔɔ Sataan nya jijrö 'ɔɔn ‑gba 'ɔnya ‑gbala 'ɔɔn ‑maa: «‑Ama bä Nyɔsʋaa 'Jʋ nɩ, 'pala 'täkëlë kʋa' ‑pɩ wii ‑gba 'ümä 'flɔɔ 'lɩ 'cicri.»

Matiö 10:16

«'Ba mi! Blɔ 'n blɔ 'amɩ ‑beere ‑bablëëjü bä 'klʋɛɛa ‑fäa ‑tɔrʋpɩɔ. 'Ia ‑gʋ 'ba ‑tre 'ana nyüfë ‑beere ‑trii ‑bɛ 'ba 'wlalɩkä ‑beere ‑sögü.

Matiö 4:6

'Ɔnya ‑gbala 'ɔɔn ‑maa: «‑Ama bä Nyɔsʋaa 'Jʋ nɩ, sɔ ‑tɛ ‑a be ‑na nyufa ‑tʋtʋ 'wʋ; 'be 'i ‑jɩjra nyɔsʋapɔɔkʋ 'lɩ ‑maa: Nyɔsʋa nya 'ɔa 'aanjë ‑gbalaa, 'ümä ‑mɩ ‑gbötö ‑na bɔʋ ‑pɩ 'täkä 'klɩ 'kala .»

Matiö 4:9

'ɔnya ‑gbala 'ɔɔn: «‑Ama 'pala 'na 'klʋɩ kotifli ‑bɛ ‑ama ‑pʋpʋa 'mɩ, 'nyaa ‑mɩ 'ia 'fɩɔ ‑nyɩa.»

1 Piɛɛrë 3:7

'Ana 'mʋgbɛ dʋɔɩɩ 'amɩ, 'ba 'kpla 'ana 'ŋlëgëlü 'a nyra 'üün kʋa' ‑wälɩ 'cɩcasa, ‑bɛ 'ba 'nu diili 'ü 'bataa' 'wli. 'A jre 'iin 'sɩrɩ 'ü 'fʋmaa'. 'Ba 'kpla 'üün 'lɩträäräsa, 'be 'sɩrɩ Nyɔsʋa 'mäa' 'amɩ 'klä ‑nyɩ 'ɔa ‑gbinanakʋ 'lɩ nɩ, 'asɩ 'ɔmä bɩa 'ümɩ 'ään ‑nyɩ. 'Ama nʋ 'saa nɩ, dɛɛ ‑nëmä 'ana nyɔsʋaabibiekʋ 'klɩ ‑a ka.

'Nyügälɩjawii 12:15

Trɔɔ nya ‑wɔsrɔ 'nie 'kɔkɔmlɛ 'ɛmä 'ŋlʋʋlɔ fa.