Jenɛɛsë 28:13 - Kuö Dëdrä Jenɛɛsë Rutë

¹³ Yawe 'nyüglö ‑gbleteilɛa ‑gälɩ 'ɔ ‑nëma: «'Mɔɔ bä Yawe, ‑na tʋ Abraamë, nyra Isaakëa Nyɔsʋa. ‑Tʋtʋlʋ kä ‑gälɩ ‑piia' 'n ‑nyɩ ‑mɩ 'uun, ‑nyra ‑na 'jüa 'jü 'sɔ.

Jenɛɛsë 28:13 Referans Kwoze

Jenɛɛsë 13:15

'Plälä kä 'fɩɔ ‑jääa' 'wʋ, 'n ‑nyɩ ‑mɩ 'ään, 'n ‑nyɩ 'ään ‑na 'jüa jüa 'jü 'plɔʋplɔʋa ‑gʋ.

Jenɛɛsë 48:3

Jakɔɔbë nya ‑gbala Josɛɛfë, ‑maa: «Ɛlë Sadaii 'tɔrɔ 'mɩ 'klɩ Lusëbätälä bäa' Kanaan a ‑tʋtʋ ‑gälɩ; 'ɔnya 'pa 'mɩ 'nɩ.

Jenɛɛsë 35:12

'Blɩlɩ 'n ‑nyɩ käa' Abraamë nyra Isaakë, 'nyaa ‑mɩ 'iin ‑nyɩa; ‑Na 'jüa 'jülü nëmäa' ‑mɩ 'klɩtroro nɩ, 'nyaa 'üün 'blɩlɩ ‑nyɩa.»

Jenɛɛsë 26:24

Yawe nya 'tɔrɔ 'ɔɔn 'klɩ 'ia ‑gbiara; 'Ɔnya ‑gbala 'ɔɔn ‑maa: «'Mɔɔ bä ‑na tʋ Abraamëa Nyɔsʋa; ŋalɛ 'nyɩ 'bla ‑mɩ, 'n bä ‑mɩ dɛrɩ. 'Na 'jrʋpafɛnyɔɔ Abraamëa ‑gʋ 'nyaa ‑mɩ 'nɩ 'paa, 'kä 'nyaa ‑na 'jüa 'jü ‑gälɩ 'paplaa.»

Jenɛɛsë 12:7

Yawe nya 'tɔrɔ Abramë 'klɩ, 'ɔ ‑nëma: «‑Na 'jüa 'jü 'nëmä ‑taa 'blɩlɩ ‑nyɩ.» Abramë nya 'pala ‑plɩɩlɩ ‑gbɔsatöwlö 'ɔmä 'lɩ Yawelɔ 'tɔrɔa' 'ɔɔn 'klɩ ‑pʋpʋa.

Jenɛɛsë 35:1

Nyɔsʋa nya ‑gbala Jakɔɔbë: «Sɔwʋ, mi ‑a kʋ Bɛtɛlë. ‑Plɩɩlɩ Nyɔsʋa 'tɔrɔ käa' ‑mɩ 'klɩ, 'taɩn 'lɩ fɔlɔ käa' ‑na ‑wlajʋ Esau 'klɩ.» 'A ‑nyɛɛ ‑a ‑paala 'ɔa ‑gbɔsatöwlö.

Ebröönyüü 11:16

‑Maa 'mʋfabätä 'ü 'bata: bätälä bäa' cɛa 'mlɩ. 'A 'ia ‑gʋ ü ma 'dara Nyɔsʋa 'üa Nyɔsʋa nɩ, 'inyɩ 'ɔɔn 'nyüsü 'wʋ ‑a kä, 'be 'ɔ tɛrɛ 'üün bätä.

Matiö 22:32

‹'Mɔɔ bä *Abraamëa Nyɔsʋa, *Isaakëa Nyɔsʋa, 'nyaa bä Jakɔɔbëa Nyɔsʋa.› Nyɔsʋa 'nyɩ jäjänyüüa Nyɔsʋa ‑a bä, ‑maa 'lɩbänyüüa Nyɔsʋa 'ɔ bä.»

Jenɛɛsë 46:3

'Ɔ ‑nëma: «'Mɔɔ bä Nyɔsʋa, ‑na tʋa Nyɔsʋa. Ŋalɛ 'nyɩ 'bla ‑mɩ ‑mä Ejiipëtë mi; 'be 'a ‑nyɛɛ 'mä ‑mɩ ‑glügbö ‑kpakö 'lɩ nrörö.

Jenɛɛsë 35:17

'Ɔ 'jää ‑gälɩsɔsrɔkʋa mɩmɩakʋ, ‑dɔtaŋlʋʋ nya ‑gbala 'ɔɔn: «Ŋalɛ 'nyɩ 'bla ‑mɩ, nyɩbɛjʋ ‑nëmä ‑gu 'sɔɔwʋ!»

Jenɛɛsë 32:9

'Ɔa plɛklɩ 'ɔ ‑nëma: «Esau ma bɩalɩ 'pɛɛ 'dee nɩ, 'sɔɔa nɛ nya 'lɩmlɩwʋa.»

Jenɛɛsë 31:42

'Na tʋɩɩ; Abraamë, nyra Isaakëa Nyɔsʋalɔ 'ɔ pɩɛa', ma 'nyɩ 'lɩ ‑a bä nɩ, 'na fʋfʋ ‑nëmä ɩ ‑wälɩ 'cɛrɛ! ‑Maa Nyɔsʋa 'jä 'na ‑sʋɩ nyra 'na klʋgbëa 'jrʋpa; 'ɔnya 'pa 'na 'wlilia wii ‑gbiara!»

Jenɛɛsë 28:4

Ɔ ‑nyɩ ‑mɩ, ‑nyra ‑na 'jüa 'jü kɔsɔ, Abraamëa 'papanɩ, ‑mä ‑tʋtʋlʋ kä ‑gälɩ kʋa', i ‑bäläa' nyɔtugbanyɔɔ, ‑mä 'uun kä. Nyɔsʋa ‑nyɩ kä 'uun Abraamë»

Jenɛɛsë 26:3

Kʋ ‑kätɩ ‑taa 'blɩlɩa ‑gälɩ; 'n bä ‑plɩɩ ‑na ‑gʋ, 'nyaa ‑mɩ 'nɩ 'paa, 'be ‑mɔ ‑bɛ ‑na 'jüa 'jü kɔsɔ 'nyaa 'amɩ ‑taa ‑tʋtʋlʋ kä 'fɩɔ kʋa' ‑pɩ ‑nyɩa. Wiili 'n 'sɔrɩ käa' ‑na tʋ Abraamëa 'klɩ, 'nyaa 'iin nʋa.

Jenɛɛsë 15:1

'I ‑sia' nɩ, Yawea 'papawii nya 'tɔrɔ Abramë 'nyü ‑gälɩ, 'ɔ ‑nëma: «Abramë, ŋalɛ 'nyɩ 'bla ‑mɩ! 'Mɔɔ bä ‑na tafudɛɛlɛ kakaa' dii 'klɩ. 'Mɔɔ bä ‑na 'pɛpɛɛdɛɛlɛ sia' 'wʋ!»

Akëtë 7:5

'Ɔnyɩ 'nɩmɩ 'ɔɔn ‑tʋtʋ 'pɛ 'dee ‑a ‑nyɩ, 'pɛjɔ jräa' 'ɔa boklu 'ɔnyɩ 'ɔmɩ 'ɔɔn ‑a ‑nyɩ. ‑Maa 'ɔ ‑gbala kä 'ɔɔn 'ɔnya 'ɔmɩ 'uun ‑nyɛɛa 'ɔɔ ‑bɛ 'ɔa 'jüa 'jü. 'Be 'ɔnyɩ kä 'jʋ ‑a kä.

Jenɛɛsë 35:15

‑Plɩɩlɩ Nyɔsʋa 'pala käa' Jakɔɔbë wii ‑gba nɩ, 'a ‑plɩɩlɩ 'ɔ 'dara Bɛtɛlë.

Jenɛɛsë 13:17

Sɔ 'wʋ, ‑pi ‑a ‑jää 'blɩa tʋŋlɔdɛɛ nyra 'ia 'wʋflɛrɛdɛɛ, 'be 'nyaa ‑mɩ 'ään ‑nyɩa.»

Jenɛɛsë 15:18

'A 'ia jrüülüa 'mlɩ Yawe nyra Abramë nya 'pa kuö. 'Ɔnya ‑gbala Abramë ‑maa: «‑Na 'jüa 'jü 'n ‑nyɩ ‑taa 'blɩlɩ: sɔ Ejiipëtëa 'nie ‑gba ‑a ‑mi 'nie kpakilɛ 'ü 'daraa' Eflatë 'ɛa ‑gba.

Jenɛɛsë 31:5

'Ɔnya ‑gbala 'üün ‑maa: «'Sɩrɩ 'i ma bäa' 'nyraa 'ana tʋ kɔsɔa ‑tɔrʋpɩɔ nɩ, ‑mää 'sɩ 'i ‑kanyɩ bä. ‑Maa 'na tʋa Nyɔsʋa bä 'mɩ dɛrɩ.

Jenɛɛsë 31:13

'Mɔɔ bä Bɛtɛlëa Nyɔsʋa, ‑plɩɩlɩ ‑gblɔɔa' plɛpatäkä 'kpɩ 'wʋ kä, ‑bɛ ‑nyɩa' 'mɩ ‑na mlɩa wii. 'Ii känyrɩ, dɔwʋ, 'cie ‑taa 'pläläa 'mlɩ, mi ‑na napio 'klɩ.› »

Jenɛɛsë 31:53

Abɩa ana tʋɩɩ, Abraamë nyra Nakɔɔrëa Nyɔsʋa, nyra 'üa tʋɩɩa Nyɔsʋa, bä ana ‑tɔrʋpɩɔ wii ma bälɩ ‑sraakäpɩ.» Nyɔsʋalɔ 'ɔa tʋ Isaakë pɩɛa' 'ɔa 'nyrɩklɩ Jakɔɔbë 'sɔrɩ.

Jenɛɛsë 32:10

Jakɔɔbë nya bibie Nyɔsʋa, 'ɔ ‑nëma: «'Na tʋ Abraamë nyra Isaakëa Nyɔsʋa, Yawe, ‑mɔ ‑gbala 'mɩ ‑maa: ‹'Blöö ‑na 'bre dɛrɩ, ‑na napio 'klɩ, 'nyaa ‑mɩ 'cɩcagbi ‑gba nʋa!›