Jenɛɛsë 26:4 - Kuö Dëdrä Jenɛɛsë Rutë

⁴ 'Nyaa ‑na 'jü ‑gälɩ 'paplaa ‑gböösa ‑beere cɛlɩa ‑särë, 'nyaa 'üün ‑taa ‑tʋtʋlʋa 'fɩɔ ‑nyɩa. ‑Na 'jü kälɩ 'nëmä ‑sröröa ‑bɛ 'mä ‑tʋtʋ ‑gälɩa 'blɩa 'fɩɔ 'nɩ 'pa.

Jenɛɛsë 26:4 Referans Kwoze

Akëtë 3:25

'Amɔlɔ nɩ, nyɔsʋaamlɩpalanyüü nyra Nyɔsʋaa kuöa 'jü 'a bä. 'A kuölä Nyɔsʋa nyra ana tʋɩɩ 'paa' 'taɩn 'lɩ 'ɔ ‑gbalaa' käa' Abraamë: ‑Na ‑gugujʋ kälɩ 'nëmä ‑srörö ‑bɛ 'mä ‑tʋtʋ ‑gälɩa ‑glügbüa 'fɩɔ 'nɩpa.

Galaatënyüü 3:8

Nyɔsʋapɔɔkʋ 'a kä 'iin 'pa: nyüülü 'nyɩa' juifë bä üma toro Nyɔsʋa plɛ nɩ, 'ünya 'klɩgäa. 'Unya ‑gbala kä Abraamë 'mʋfagogolä: «‑Mɔ 'nëmä kälɩsrörö 'mä ‑tʋtʋ ‑gälɩa ‑glügbüa 'fɩɔ 'nɩ 'pa.»

Jenɛɛsë 15:5

Nyɔsʋa faa' 'ɔɔn ‑fälɩ nɩ, 'ɔnya ‑gbala 'ɔɔn: «Tɛ cɛlɩ, ‑ama 'mrɛɛ, ‑täsä särëlü bäa' 'lɩ!» 'Ɔ ‑nëma 'sɔɔwʋ: «'Asɩ ‑na 'jüa 'jüa 'jü 'mä ‑srɩɩ ‑sümlö.»

Jenɛɛsë 13:16

‑Na 'jüüa 'jüü, nya ‑sümlöa ‑beere ‑tʋtʋa 'mlʋ. Nyɔɔ ma 'mrɛɛ 'ɔmä ‑tʋtʋa 'mlʋ ‑täsä nɩ, jresaa ‑na 'lɩgoglokʋ nya bɩa ‑täsräa.

Galaatënyüü 3:16

‑Bɛ wiili Nyɔsʋa 'daaa' 'ɔmäa' nʋ nɩ, Abraamë ‑bɛ 'ɔa 'jʋ 'ɔ 'daa. 'Ɔnyɩ 'daa: «'ɔɔ ‑bɛ 'ɔa 'jü» ‑beere nyüü 'kɔkɔmlɛ 'ɔ 'daa. Nyɔɔ 'doo 'ɔ 'daa. 'Ɔ nɩnɩa: «‑nyra ‑na 'jʋ,» 'jʋlɔ, 'ɔɔ bä 'Kriisë.

Ebröönyüü 11:2

'A nyɔsʋaplɛtorokʋa ‑gʋ tʋɩɩ kä Nyɔsʋa 'tʋ.

Jenɛɛsë 18:18

Abraamë nya 'wʋsɔɔrɔ ‑glügbö kpakö bäa, 'kä 'nyaa 'ɔɔn kälɩ ‑srörö 'kä 'nyaa ‑tʋtʋ ‑gälɩa 'blɩa 'fɩɔ 'nɩ 'pa.

Jenɛɛsë 15:18

'A 'ia jrüülüa 'mlɩ Yawe nyra Abramë nya 'pa kuö. 'Ɔnya ‑gbala Abramë ‑maa: «‑Na 'jüa 'jü 'n ‑nyɩ ‑taa 'blɩlɩ: sɔ Ejiipëtëa 'nie ‑gba ‑a ‑mi 'nie kpakilɛ 'ü 'daraa' Eflatë 'ɛa ‑gba.

Jenɛɛsë 26:24

Yawe nya 'tɔrɔ 'ɔɔn 'klɩ 'ia ‑gbiara; 'Ɔnya ‑gbala 'ɔɔn ‑maa: «'Mɔɔ bä ‑na tʋ Abraamëa Nyɔsʋa; ŋalɛ 'nyɩ 'bla ‑mɩ, 'n bä ‑mɩ dɛrɩ. 'Na 'jrʋpafɛnyɔɔ Abraamëa ‑gʋ 'nyaa ‑mɩ 'nɩ 'paa, 'kä 'nyaa ‑na 'jüa 'jü ‑gälɩ 'paplaa.»

Jenɛɛsë 28:3

Abɩa Ɛlë Sadaii 'pa ‑mɩ 'nɩ: ɔ ‑nyɩ ‑mɩ 'jü 'kɔkɔmlɛ, 'ümä 'lɩ ‑goglo ‑bɛ ‑mä ‑glügbü 'kɔkɔmlɛ kɔkɔmlɛa tʋ bä.

Jenɛɛsë 28:14

‑Na 'jüa 'jüa 'jü, nya ‑sümlöa ‑beere ‑tʋtʋa 'mlʋ. 'Anya 'ana ‑paŋlɩ ‑gbasia sɔrɔ 'jrʋa 'wʋsɔrɔfa 'wʋ ‑a mi 'jrʋa 'pifa 'wʋ; sɔ 'ua 'wʋsɔrɔfa 'wʋ, ‑a mi 'ua 'wʋsɔrɔfaa kʋmla 'pɛlɩ, nyra 'ua 'wʋsɔrɔfaa 'dupa 'pɛlɩ 'kä ‑tʋtʋ ‑gälɩa ‑glügbüa 'fɩɔ nya ‑mɔ ‑bɛ ‑na 'jüa 'jü kälɩ ‑srörö, 'kä 'ünya 'nɩ 'pala.

Jenɛɛsë 35:12

'Blɩlɩ 'n ‑nyɩ käa' Abraamë nyra Isaakë, 'nyaa ‑mɩ 'iin ‑nyɩa; ‑Na 'jüa 'jülü nëmäa' ‑mɩ 'klɩtroro nɩ, 'nyaa 'üün 'blɩlɩ ‑nyɩa.»

Jenɛɛsë 47:27

'Asɩ Israɛɛlë nʋ Ejiipëtëa kʋkʋdɛɛ Gosɛnëa ‑tʋtʋ ‑gälɩ. 'Ünya ‑su ‑tʋtʋ, 'ünya ‑goglolɩ, 'üa ‑sümlökʋa ‑srɩ 'nyɩ ‑pɛ ‑a ‑pɛ.