Jenɛɛsë 24:40 - Kuö Dëdrä Jenɛɛsë Rutë

⁴⁰ 'Ɔnya ‑gbala 'mɩ: ‹Yawe kä 'nyʋfɔ ‑gälɩ 'n 'nyɛrɛa', 'ɔnya ‑mɩ 'ɔa 'aanjë ‑gba ‑tʋa ‑na 'nyʋfɔ 'mä 'na. 'Na ‑glügbö nyra 'na tʋɩɩa ‑nyɛɛ ‑nëmä 'na 'jʋa 'ŋlʋʋ 'ba.

Jenɛɛsë 24:40 Referans Kwoze

Jenɛɛsë 17:1

Abramë kä käa' ‑sɩa ‑glʋɩmlɔɔ ‑sɩ ‑pʋ ‑sɩ ‑uunmlɔɔ nɩ, Yawe 'tɔrɔ kä 'ɔɔn 'nyü ‑gälɩ 'ɔnya ‑gbala 'ɔɔn: «'Mɔɔ bä Ɛlë Sadaii. 'Nyɛrɛ 'na 'papawiia 'mlɩ, ‑nyɔɔ 'nyɩ 'kplara ‑mɩ wii 'plɔʋ!

Jenɛɛsë 5:24

Enɔkë nyra Nyɔsʋa 'nyɛnyɛɛ 'ɔnya saka, 'be Nyɔsʋa fa 'ɔɔn.

'Nyügälɩjawii 22:16

«'A 'mɔɔ Jesu, 'mɔɔ blɔ 'na 'aanjë ɔ 'pala ‑taa wiili 'cɛcʋ 'lɩ. 'Mɔɔ bä Daviidëa tugbluulu ‑gaala 'lɩ ‑gba, 'ɔa ‑glügbö 'klɩa nyɔɔ. 'Mɔɔ bä ‑suwlaa pöplö ‑särëeji.»

Ebröönyüü 1:14

‑Maa 'aanjëlü nɩ, 'ü bä ‑sisili Nyɔsʋa jaa' 'imä nyüülü 'mäa' ‑srɩɩ 'lɩmlɩwʋ ‑gbaji.

Jenɛɛsë 48:15

'Ɔnya 'pa Josɛɛfë 'nɩ, 'ɔ ‑nëma: «Abɩa Nyɔsʋalɔ kä 'nyʋfɔ ‑gälɩ 'na tʋɩɩ Abraamë nyra Isaakë 'nyɛrɛa', abɩa Nyɔsʋalɔ ‑glaraa' 'mɩ ‑gba ‑beere ‑gbanyɛrɛnyɔɔ 'bala 'na ‑gugutaɩn 'lɩ ‑a 'tɔ 'saarɩa ‑srɩ 'lɩ,

Jenɛɛsë 24:7

Yawe, cɛlɩa Nyɔsʋalɔ 'baa' 'mɩ 'na tʋa nyüköli nyra 'na ‑glügböa ‑tɔrʋpɩɔ, 'ɔ 'sɔrɩ 'ɔnya ‑gbala 'mɩ: ‹‑Na 'jüa 'jü 'nëmä ‑taa 'plälä ‑nyɩ.› 'Ɔa 'mʋgbɛ nya 'ɔa 'aanjë jaa, 'ɔmä ‑mɩ 'ŋlʋʋlɔ ‑nëmäa' 'na 'jʋ ‑nyɩ srara.

Jenɛɛsë 6:9

‑Jäsɩ Noea 'jüa 'jüa wii nʋa' ‑sisidɛɛ. Noea 'taɩn 'lɩa nyüüa ‑tɔrʋpɩɔ nɩ, 'ɔɔ bäa' Noe 'ɔɔ bä kä 'klɩgänyɔɔ, 'ɔɔ ma bä 'cɩcanyɔɔ. 'Ɔɔ nyra Nyɔsʋa ma 'nyɛɛ.

Jenɛɛsë 5:22

'Ɔ ‑gua' Matusɛla nɩ, 'ɔ nyra Nyɔsʋa 'nyɛ ‑sɩa ‑glʋɩpʋ ‑sɩa ‑glʋɩgböö (300), 'ɔ ‑gu bɩa nyɩbɛjü nyra 'ŋlëkayerü.

'Nyügälɩjawii 22:8

'Mɔɔ Jaan, 'mɔɔ 'nu wiili 'wli 'nyaa 'jä 'iin. 'N 'nua' 'iin 'wli ‑bɛ 'n 'jäa' 'iin nɩ, 'n 'pie 'na nyufa ‑tʋtʋ 'wʋ 'aanjëlɔ sraraa' 'mi 'iin, 'ɔa 'klɩ, 'mä 'ɔɔn 'wlitrara.

Jenɛɛsë 24:56

'Ɔnya ‑gbala 'üün ‑maa: «'Anyɩ ka 'mɩ 'klɩ, 'be Yawe 'a wiili kä ‑gʋ 'n jia' 'känyɩgla. 'Ba 'nyie ‑a 'blöö 'na 'kamanyɔɔa ‑nyɛɛ dɛrɩ.»