Jenɛɛsë 24:1 - Kuö Dëdrä Jenɛɛsë Rutë

¹ Abraamë bɩa 'klɩ, 'ɔa ‑sɩ nya ‑sümlö ‑gböösa. Yawe nya 'pa 'ɔɔn 'nɩ diia 'fɩɔa 'mlɩ.

Jenɛɛsë 24:1 Referans Kwoze

Galaatënyüü 3:9

'Ii känyrɩ, nyüülü toroa' Nyɔsʋa plɛ nɩ, 'üü ‑bɛ nyɔsʋaplɛtoronyɔɔ Abraamë 'ɔ 'paa 'nɩ.

Matiö 6:33

'Ba 'bata ‑kätɩ Nyɔsʋaa 'kamaplä nyra 'ɔa 'klɩgägäkʋ, ‑bɛ 'ɔmä 'lɩ 'amɩ ‑taa diilia 'fɩɔ 'wlibɩa.

Jenɛɛsë 13:2

Abramë ji kä 'bɩɔ ‑gböösa. 'Ɔ ma kä mlaa, nyra ‑sika.

Jenɛɛsë 18:11

Abraamë nyra Sara bɩaklɩ. Sara ‑kanyɩ 'jra cɛlɩ ‑a.

Ɛfɛsënyüü 1:3

Abɩa Nyɔsʋa 'bʋala, 'ɔɔ bä ana 'Pläkänyɔɔ Jesu 'Kriisëa Tʋ. 'Ɔ 'pa amɩ 'nɩ 'Kriisë 'lɩ, 'ɔɔ kälɩ 'ɔ ‑srörö 'ɔnya ‑nyɩ amɩ 'ɔa 'nɩpapakʋlʋa 'fɩɔ bäa' cɛa 'mlɩ.

Jenɛɛsë 12:2

‑Mɔ kälɩ 'nëmä ‑srörö 'mä ‑glügbö ‑kpakö 'pa. 'Nyaa ‑mɩ 'nɩ 'paa, 'kä 'nyaa ‑na 'nyrɩ 'bʋala; 'kä ‑nya 'papanɩa sɔrɔfa bä.

1 Timotee 4:8

Fʋfɔlʋ jö nyɔɔa fugba ‑gba ‑jie. ‑Maa Nyɔsʋaa 'lɩträäkʋ 'na diia 'fɩɔa ‑gʋ, 'be 'i ‑nyɛɛɛ amɩ 'klä: 'saarɩa 'klä nyra ‑srɩɩa nä.

Lukë 1:7

‑Maa 'ünyɩ 'jʋ ‑a kä. Elisabɛɛtëlɔ ‑gbɔ, 'üa 'sɔɔ nya bɩaklɩ.

Jenɛɛsë 49:25

‑Na tʋa Nyɔsʋa nya ‑mɩ ‑gba jia, abɩa Ɛlë Sadaii 'pa ‑mɩ 'nɩ, 'papanɩlɩ sɔa' 'cɛlɩ, 'papanɩlɩ sɔa' ‑fli, nyra 'papanɩlɩ sɔa' mlaa nyëtëa 'mlɩ nyra 'ŋlʋʋa ‑gua 'mlɩ.

Jenɛɛsë 25:20

Isaakë kä ‑sɩa ‑glʋɩsɔɔ 'ɔnya kä Rebeka. Rebeka bä Betuɛlëa 'ŋlëkayria. Betuɛlë bä Aramënyɔɔ, ɔ sɔa' Padan Aramëa 'blɩ ‑gälɩ. Rebeka bä Aramönyɔɔ Labaan a ‑wladia.

Jenɛɛsë 24:35

Yawe 'pa 'na 'kamanyɔɔ 'nɩ ‑gböösa, 'ɔnya bä nyɔɔ kpakö. 'Ɔ ‑nyɩ 'ɔɔn ‑bablëë, mlaa, ‑bruu, ‑sika nyra 'sebla, 'jrʋpafɛnyüü nyra 'jrʋpafɛyerü, ‑sɩbru, nyra samooɩɩ.

Jenɛɛsë 21:5

Abraamë kä ‑sɩa ‑glʋɩgböö (100) 'ɔnya ‑gu 'ɔa 'jʋ Isaakë.

Jenɛɛsë 26:12

Isaakë nya pla papladii 'üa 'brea ‑tʋtʋ ‑gälɩ. 'Ia ‑sʋlʋa 'mlɩ, 'ɔa papladii 'wʋlɩmlɩ ‑gböösa; 'ɔa papladii 'wʋlɩ mlɩ 'wʋ ‑glʋɩgböö 'wʋ (100). 'Be Yawe 'paa 'ɔɔn 'nɩ.