Jenɛɛsë 22:3 - Kuö Dëdrä Jenɛɛsë Rutë

³ ‑Suwla ‑ŋʋɩsɩɩ Abraamë tɛa' 'kä nɩ, 'ɔnya ‑nyɩgla 'ɔa ‑sʋbre 'kä. 'Ɔnya fa 'ɔa 'jrʋpafɛnyüü 'sɔɔ nyra 'ɔa 'jʋ Isaakë. 'Ɔ 'wlaraa' fifigbɔsadiia ‑gbalëa fafakʋ nɩ, 'ɔnya sɔwʋ 'ɔnya mi ‑plɩɩlɩ Nyɔsʋa sraraa' 'ɔɔn.

Jenɛɛsë 22:3 Referans Kwoze

Matiö 10:37

«Nyɔɔlɔ ‑waa' 'ɔa tʋ 'aiɛ 'ɔa 'yio, ɔ ‑sia' 'mɩ 'wʋ nɩ, 'ia nyɔɔlɔ 'nyɩ 'mɩ 'klɩ ‑a 'wʋ. ‑Bɛ nyɔɔlɔ ‑waa' 'ɔa nyɩbɛjʋ 'aiɛ 'ɔa 'ŋlëkayria ɔ ‑sia' 'mɩ 'wʋ nɩ, 'ia nyɔɔlɔ 'nyɩ bɩa 'mɩ 'klɩ ‑a 'wʋ.

Lukë 14:26

«Nyɔɔ ma 'daa nyra 'ɔɔn 'mä 'nyɛ, ‑bɛ ɔma 'nyɩ 'mɩ ‑a ‑wa ɔma 'nyɩ 'ɔa tʋ nyra 'ɔa 'yio 'wʋ ‑a ‑si, ɔma 'nyɩ 'ɔa 'ŋlʋʋ nyra 'ɔa 'jü 'wʋ ‑a ‑si, ɔma 'nyɩ 'ɔa ‑wlajü nyra 'ɔa ‑wlayörü 'wʋ ‑a ‑si, ‑bɛ ɔma 'nyɩ 'mɩ ‑a ‑wa, ɔma 'nyɩ 'ɔa 'mʋgbɛa 'klä 'wʋ ‑a ‑si nɩ, 'ɔnyɩ 'lɩ ‑a bɩa 'ɔmä 'na 'wʋnyɛrɛnyɔɔ bä.

Galaatënyüü 1:16

'ɔnya srara 'mɩ 'ɔa 'Jʋ 'mä 'ɔa ‑gä 'pa nyüülü 'nyɩa' juifë bä, 'üa ‑nyɛɛ. Mi 'n mi dotro, 'nyɩ nyɔɔ 'wligba ‑a fa 'ɔmä 'mɩ ‑tɔɔ 'lɩpa.

Jenɛɛsë 21:14

Abraamë nya sɔwʋ ‑suwla ‑ŋʋɩsɩɩ. 'Ɔnya dɔrɔ 'flɔɔɔ 'wʋ, 'ɔnya 'pa mlafikpalaa 'mlɩ 'nɩ, 'ɔnya ‑nyɩ 'iin Agaa, 'ɔnya 'pa 'ɔmɩ 'ään ‑pëkatu 'lɩ. 'Ɔnya ‑nyɩ 'ɔɔn 'jʋlɔ 'ɔnya ‑prɛ 'üün. 'Ɔ mimi 'ɔnya 'mɔlɔ Bɛɛsebaa ‑aaga 'lɩ.

Jenɛɛsë 17:23

'Ia ‑srɩ 'doolʋa 'mlɩ nɩ, Abraamë nya dɔrɔ 'ɔa 'jʋ Isëmaɛɛlë 'wʋ, nyra nyüülü kä 'fɩɔ 'ü ‑glooroa' 'ɔa ‑nyɛɛ, ü kä 'fɩɔ 'ɔ ‑sua', ü kä 'fɩɔ bäa' nyɩberü, 'ɔnya 'bö 'ümɩ 'sɩrɩ Nyɔsʋa 'daaa' ɔ nʋa'.

Ebröönyüü 11:8

Abraamëa nyɔsʋaplɛtorokʋa ‑gʋ 'ɔ ‑träärälɩ Nyɔsʋa, 'ɔnya mi 'blɩ ‑mɩdoo ‑gälɩ, imäa' ‑srɩɩ 'ɔa ‑jaaa bä. ‑Plɩɩlɩ 'ɔ möa' 'ɔnyɩ 'lɩ ‑a jre, 'asɩɛ 'ɔnya mi.

Jenɛɛsë 22:2

'Ɔ ‑nëma: «Fa ‑na ‑wawajʋ 'doodoolɔ ‑waa' Isaakë, 'kä ‑mö Moriaa 'bre 'dʋgbalä 'nëmäa' ‑mɩ srara, 'äa ‑gälɩ. 'A ‑nyɛɛ ‑a ‑saara 'ɔɔn ‑gbɔ 'lɩ, 'sɩrɩ 'ü 'saaa' fifigbɔsadii.»

Jenɛɛsë 22:4

'Nyʋfɔ 'wʋa jrüü tääa ‑srɩlɩ nɩ, Abraamë dɔrɔa' 'klʋɩ 'wʋ nɩ, 'ɔnya 'jä ‑plɩɩlɩ 'wʋ 'lee.

Jenɛɛsë 22:18

‑Trääräa' 'lɩ 'na wii nɩ, 'ia ‑gʋ ‑na 'jüa 'jü 'nëmä kälɩ ‑srörö ‑bɛ 'mä ‑tʋtʋ ‑gälɩa ‑glügbüa 'fɩɔ 'nɩ 'paa.»