Jenɛɛsë 22:2 - Kuö Dëdrä Jenɛɛsë Rutë

² 'Ɔ ‑nëma: «Fa ‑na ‑wawajʋ 'doodoolɔ ‑waa' Isaakë, 'kä ‑mö Moriaa 'bre 'dʋgbalä 'nëmäa' ‑mɩ srara, 'äa ‑gälɩ. 'A ‑nyɛɛ ‑a ‑saara 'ɔɔn ‑gbɔ 'lɩ, 'sɩrɩ 'ü 'saaa' fifigbɔsadii.»

Jenɛɛsë 22:2 Referans Kwoze

Jaan 3:16

'Be Nyɔsʋa ‑wa 'plä ‑gböösa, 'ɔnya 'sa 'ɔa 'jʋ 'doo 'doo, 'ia ‑gʋ nyɔɔ o nyɔɔ toroa' 'ɔɔn plɛ ‑pɩ jä, ‑maa 'ɔmä 'klälä 'nyɩa' blöröfa kä 'jä.

Rɔmënyüü 8:32

'Ɔɔ 'nyɩa' 'ɔa 'Jʋ 'klɩbere ‑bɛ ɔ 'saa 'ɔɔn ana 'fɩɔa ‑gʋ, ‑asɩ 'ɔ ‑nëmä bɩa 'ɔa 'Jʋ nyra amɩ diia 'fɩɔ ‑nyɩ le?

Ebröönyüü 11:17

Abraamëa nyɔsʋaplɛtorokʋa ‑gʋ 'ɔ 'sara 'ɔa 'jʋ Isaakë ‑gbɔ 'lɩ, 'taɩn 'lɩ Nyɔsʋa tɛa' 'lɩ 'ɔɔn. 'A 'ɔa 'jʋ 'doo 'doo 'ɔ 'saa ɩ ‑bɛ Nyɔsʋa 'a 'kä Abraamë wii ‑gbala 'ɔa 'jʋlɔa ‑gälɩ,

Jenɛɛsë 22:16

'ɔnya ‑gbala 'ɔɔn: «'Mɔɔ Yawe ‑jäsɩ 'n ‑gba nɩ, 'na 'mʋgbɛa 'nyrɩklɩ 'n 'sɔrɩ. Wiili ‑nʋa', ‑bɛ ‑nyɩa' 'mɩ ‑na nyɩbɛjʋ 'doodoolɔ 'klɩblara nɩ; 'ia ‑gʋ

Jenɛɛsë 17:19

'Iibäa' Nyɔsʋa nɩ: «‑Mä 'sɩ 'i 'nyɩ bä, ‑na 'ŋlʋʋ Sara nya ‑mɩ nyɩbɛjʋ ‑nyɩa, 'kä ‑nya 'ɔɔn Isaakë 'dara. 'Ɔɔ nyra 'mɔɔ 'mä 'na kuö 'pa; kuölä 'mäa' 'lɩwlɛ 'plɔʋplɔʋa ‑gʋ nyra 'ɔa 'jüa 'jüa ‑gʋ.

Jenɛɛsë 22:12

'Aanjë ‑nëma: «‑Nyɩ ‑fɛ 'jʋlɔ ‑gba! ‑Nyɩ nʋ 'ɔɔn dɛɛ ‑gba 'plɔʋ! 'Nyaa 'iin jre 'sɩrɩ ‑trääräa' 'lɩ Nyɔsʋa, ‑bɛ ‑nyɩa' 'mɩ ‑na nyɩbɛjʋ 'doodoo 'klɩblara.»

Jenɛɛsë 21:12

Nyɔsʋa nya ‑gbala Abraamë: «Wiili 'ɔ 'paa' 'jʋlɔ nyra ‑geeiŋlʋʋa ‑gʋ 'nyɩ pa ‑mɩ ‑gba. Nʋ wiili kä 'fɩɔ Sara ‑gbalaa' ‑mɩ! 'Be Isaakëa 'jü 'ü nëmä ‑na 'tasɩrɩa 'jüa 'jü bä.»

Rɔmënyüü 5:8

‑Maa ‑jäsɩ Nyɔsʋa srara amɩ 'sɩrɩ 'ɔ ‑waa' amɩ: 'taɩn 'lɩ a ‑ka bäa' ‑balʋnyüü nɩ, 'a 'ia 'taɩn 'lɩ 'Kriisë jä ana ‑gʋ.

Jenɛɛsë 8:20

Noe nya nʋ ‑gbɔsatöwlö Yawea ‑gʋ; 'ɔnya dɔrɔ mlaa ‑tɔrʋpɩɔa mlaalë 'nyɩa' ‑fre 'lɩ bä 'wʋ, 'ɔnya dɔrɔ nyisiea ‑tɔrʋpɩɔa nyisielü 'nyɩa' ‑fre 'lɩ bä 'wʋ, ‑gbɔsatöwlö ‑gälɩ 'ɔnya 'sa ‑gbɔsadiili fia'.

Jenɛɛsë 22:3

‑Suwla ‑ŋʋɩsɩɩ Abraamë tɛa' 'kä nɩ, 'ɔnya ‑nyɩgla 'ɔa ‑sʋbre 'kä. 'Ɔnya fa 'ɔa 'jrʋpafɛnyüü 'sɔɔ nyra 'ɔa 'jʋ Isaakë. 'Ɔ 'wlaraa' fifigbɔsadiia ‑gbalëa fafakʋ nɩ, 'ɔnya sɔwʋ 'ɔnya mi ‑plɩɩlɩ Nyɔsʋa sraraa' 'ɔɔn.

Jenɛɛsë 22:9

'Ü 'tɔa' ‑plɩɩlɩ Nyɔsʋa srara käa' 'ɔɔn nɩ, Abraamë nya 'pa ‑gbɔsatöwlö 'ɔnya tatra ‑gbalë 'klɩ. 'Ɔnya kpasa 'ɔa 'jʋ Isaakë. 'Ɔnya 'pie 'ɔɔn ‑gbalëlë bäa' ‑gbɔsatöwlö ‑gälɩ.

Jenɛɛsë 21:3

Nyɩbɛjʋlɔ Sara ‑gua' 'ɔ ‑nyɩa' Abraamë nɩ, Abraamë nya 'dara 'ɔɔn Isaakë.