Jenɛɛsë 21:17 - Kuö Dëdrä Jenɛɛsë Rutë

¹⁷ Nyɔsʋa nya 'nu 'jʋlɔa wii 'wli. Nyɔsʋaa 'aanjëlɔ bäa' cɛlɩ nya we Agaa: «Agaa, dɛplɛɛ le? Ŋalɛ 'nyɩ 'bla ‑mɩ; ‑plɩɩlɩ 'jʋlɔ bäa' Nyɔsʋa 'nu 'ɔa wii 'wli.

Jenɛɛsë 21:17 Referans Kwoze

Jenɛɛsë 16:11

Yawea 'aanjë nya ‑gbala 'ɔɔn 'sɔɔwʋ: «‑Bä nʋgbla 'lɩ. ‑Nya nyɩbɛjʋ ‑gua, 'kä ‑nya 'ɔɔn Isëmaɛɛlë 'nyrɩ ‑nyɩ; 'be Yawe 'nu ‑na ‑sʋɩ 'wli.

Marëkë 5:36

‑Maa Jesu 'nyɩ 'iin 'nyakli dɛrɩ ‑a fa; 'ɔnya ‑gbala 'wliklɩanyɔɔlɔ: «Ŋalɛ 'nyɩ 'bla ‑mɩ, toro Nyɔsʋaa 'doo plɛ!»

Matiö 15:32

Jesu nya we 'ɔa 'wʋnyɛrɛnyüü 'ɔnya ‑gbala 'üün: «Nyüülü kʋa' ‑pɩ kä 'mɩ nyatɛrɩ 'wʋ, 'nyraa 'üün kʋa' ‑wälɩ 'ia jrüü tää ‑bɛ 'ünyɩ jijrɛ ‑a 'klaa 'ümä dɛɛji. ‑Gbëka ‑nëmä 'üün 'bla ‑a 'bla ‑bɛ 'mä 'üün ‑gbala ü 'blöödɛrɩ; 'kɔprʋ ‑pɩ 'üün 'nyʋfɔ 'wʋ 'kplara.»

Jenɛɛsë 46:3

'Ɔ ‑nëma: «'Mɔɔ bä Nyɔsʋa, ‑na tʋa Nyɔsʋa. Ŋalɛ 'nyɩ 'bla ‑mɩ ‑mä Ejiipëtë mi; 'be 'a ‑nyɛɛ 'mä ‑mɩ ‑glügbö ‑kpakö 'lɩ nrörö.

Jenɛɛsë 16:9

Yawea 'aanjë ‑nëma: «'Blöö ‑na 'kamaŋlʋʋa ‑nyɛɛ dɛrɩ; ‑möa' nɩ, 'cie ‑na nyufa 'wʋ.»

Jenɛɛsë 15:1

'I ‑sia' nɩ, Yawea 'papawii nya 'tɔrɔ Abramë 'nyü ‑gälɩ, 'ɔ ‑nëma: «Abramë, ŋalɛ 'nyɩ 'bla ‑mɩ! 'Mɔɔ bä ‑na tafudɛɛlɛ kakaa' dii 'klɩ. 'Mɔɔ bä ‑na 'pɛpɛɛdɛɛlɛ sia' 'wʋ!»

Jenɛɛsë 16:7

Yawea 'aanjë nya jrä 'ɔɔn ‑aaga 'lɩ, 'nɩsrolä bäa' 'nyʋfɔ 'wʋ Surëa ‑tʋtʋ ‑gälɩ, 'äa ‑gba.

Jenɛɛsë 22:11

'a ‑plɩɩ Yawea 'aanjëa wii ja cɛ 'lɩ, 'ɔnya we 'ɔɔn dɛrɩ: «Abraamë! Abraamë!» 'Iibäa' 'ɔɔn: «'N bä ‑plɩɩ.»

Jenɛɛsë 24:7

Yawe, cɛlɩa Nyɔsʋalɔ 'baa' 'mɩ 'na tʋa nyüköli nyra 'na ‑glügböa ‑tɔrʋpɩɔ, 'ɔ 'sɔrɩ 'ɔnya ‑gbala 'mɩ: ‹‑Na 'jüa 'jü 'nëmä ‑taa 'plälä ‑nyɩ.› 'Ɔa 'mʋgbɛ nya 'ɔa 'aanjë jaa, 'ɔmä ‑mɩ 'ŋlʋʋlɔ ‑nëmäa' 'na 'jʋ ‑nyɩ srara.

Jenɛɛsë 26:24

Yawe nya 'tɔrɔ 'ɔɔn 'klɩ 'ia ‑gbiara; 'Ɔnya ‑gbala 'ɔɔn ‑maa: «'Mɔɔ bä ‑na tʋ Abraamëa Nyɔsʋa; ŋalɛ 'nyɩ 'bla ‑mɩ, 'n bä ‑mɩ dɛrɩ. 'Na 'jrʋpafɛnyɔɔ Abraamëa ‑gʋ 'nyaa ‑mɩ 'nɩ 'paa, 'kä 'nyaa ‑na 'jüa 'jü ‑gälɩ 'paplaa.»

Jenɛɛsë 16:8

'Ɔnya 'bete Agaa: «Saraia ‑geeiŋlʋʋ, ‑a 'plɛɛ sɔ ‑bɛ ‑a 'plɛɛ mö le?» 'Iibäa' 'ɔɔn nɩ: «'Na 'kamaŋlʋʋ Sarai 'n fɔlɔ 'klɩ.»