Jenɛɛsë 21:1 - Kuö Dëdrä Jenɛɛsë Rutë

¹ Yawe nya 'pa Sara 'nɩ, 'ɔnya nʋ wiili 'ɔ ‑gbala käa' 'ɔɔn.

Jenɛɛsë 21:1 Referans Kwoze

Jenɛɛsë 18:10

'Üa ‑tɔrʋpɩɔa 'doo ‑nëma: «'Nyaa 'sɔɔwʋ ‑na ‑nyɛɛ jia, 'ia 'samaa 'taɩn 'doolʋ 'lɩ, 'ia 'taɩn 'lɩ ‑na 'ŋlʋʋ nya nyɩbɛjʋ 'klaa.» ‑Bɛ Sara bä ‑tete 'mäklɩ Abraamëa ‑gälɩbefa 'wʋ ‑bɛ 'ɔ ponyakli.

Jenɛɛsë 18:14

Dɛɛ bä 'plä 'wʋ 'ɛ 'mrɛɛ ɛ sɩara Yawe? 'Nyaa 'ia 'taɩn 'lɩ jröröa', Sara nya nyɩbɛjʋ 'klaa.»

Jenɛɛsë 17:19

'Iibäa' Nyɔsʋa nɩ: «‑Mä 'sɩ 'i 'nyɩ bä, ‑na 'ŋlʋʋ Sara nya ‑mɩ nyɩbɛjʋ ‑nyɩa, 'kä ‑nya 'ɔɔn Isaakë 'dara. 'Ɔɔ nyra 'mɔɔ 'mä 'na kuö 'pa; kuölä 'mäa' 'lɩwlɛ 'plɔʋplɔʋa ‑gʋ nyra 'ɔa 'jüa 'jüa ‑gʋ.

Titë 1:2

'Ia 'taɩn 'lɩ 'ünya 'üa plɛ 'klälä 'nyɩa' blöröfa kä ‑gälɩ 'piea. 'Klälä nɩ, ‑tʋtʋ ‑kaaŋlʋ kä 'lɩbä Nyɔsʋalɔ 'nyɩ käa' ‑gbagblɛ ‑nëma 'ɔnya kä amɩ 'ään ‑nyɩa.

Galaatënyüü 4:23

‑Maa 'sɩrɩ nyüüa 'fɩɔ ‑glooroa' nɩ, 'asɩ ‑geeiŋlʋʋlɔa nyɩbɛjʋ ‑glooro. ‑Bɛ 'ŋlʋʋ ‑mɔlɔ 'nyɩa' ‑geei bä, 'ɔa nyɩbɛjʋlɔ nɩ, wiili Nyɔsʋa ‑gbala käa' Abraamë nɩ, 'ii 'lɩ 'ɔ ‑glooro.

Matiö 24:35

«Cɛ nyra ‑tʋtʋ nya ‑sia, ‑maa 'na mlɩa wii ‑nëmä ‑si ‑a ‑si 'plɔʋ.»

Galaatënyüü 4:28

Amɔlɔ nɩ, 'na ‑wlajü 'amɩ, 'sɩrɩ Isaakë bäa' nɩ, 'asɩ a bä 'jülü kä ‑gä Nyɔsʋa ‑gbala käa' Abraamë.

Rutë 1:6

'Ɔ 'nua' ‑maa Yawe 'a 'ɔa ‑glügbö ‑bëkalɩ 'ba nɩ, 'ɔnya dɔrɔ 'ɔa 'jüüa 'ŋlëgë 'sɔɔ 'wʋ 'ümä Moabëa 'bre 'cie.

Jenɛɛsë 50:24

Josɛɛfë nya ‑gbala 'ɔa ‑wlajü, 'ɔ ‑nëma: «'Na jäjäsrɩ jö. ‑Maa Nyɔsʋa nya 'amɩ 'lɩmlɩbaa, 'kä 'ɔnya 'amɩ ‑taa ‑tʋtʋlʋa ‑gälɩ 'ciea. ‑Tʋtʋlʋ 'ɔ 'daa käa' 'ɔmäa' Abraamë, Isaakë nyra Jakɔɔbë ‑nyɩ nɩ, 'ɔnya 'amɩ 'uun ‑nyɩa.»

Jenɛɛsë 17:21

‑Maa Isaakë, 'nyraa 'ɔɔn 'mä 'na kuö 'pa, 'jʋlɔ Sara nëmäa' ‑mɩ ‑nyɩ ‑sʋlʋ jöa' 'ia 'samaa 'taɩn 'doolʋa 'mlɩ.»

Jenɛɛsë 17:16

'Nyaa 'ɔɔn 'nɩ 'paa, 'kä 'nyaa 'ɔɔn kälɩ ‑srörö 'kä 'nyaa ‑mɩ nyɩbɛjʋ ‑nyɩ. 'Nyaa 'ɔɔn 'nɩ 'paa 'kä 'ɔnya 'plä ‑gu, 'ɔa ‑guguö 'lɩ 'blɩ 'kɔkɔmlɛa 'kɩɩɩ 'mä sɔrɔ.»

Lukë 1:68

«A 'bʋala 'Pläkänyɔɔa 'nyrɩ, Israɛɛlëa Nyɔsʋa, 'sɩrɩ 'ɔ nʋa' ‑bɛ 'ɔ jia' 'ɔa ‑glügbö 'jä, ‑bɛ 'ɔ 'paatä 'ɔ 'baa' 'lɩ 'üün mlɩ.

Lukë 19:44

'Ünya ‑mɩ bʋblɔa, ‑mɔ ‑bɛ ‑na 'jü, 'ü ‑nëmä 'täkä 'dööa ‑gälɩ 'täkä ‑a tɩ; 'be 'taɩn 'lɩ kä mlɩ Nyɔsʋa jia' ‑mɩ 'lɩmlɩbakalɩ nɩ, ‑nyɩ 'iin wiiwʋ ‑a 'ba.»

Jenɛɛsë 24:36

'Na 'kamanyɔɔa 'ŋlʋʋ Sara, 'ɔ bɩaklɩ 'ɔnya ‑gu nyɩbɛjʋ 'ɔnya ‑nyɩ 'na 'kamanyɔɔ. 'Ɔnya ‑nyɩ 'jʋlɔ 'ɔa käkädiia 'fɩɔ.